កម្ពុជា​-​វៀតណាម​ចុះ​ហត្ថលេខា​ទទួលស្គាល់​ការ​បោះ​បង្គោល​ព្រំដែន និង​បង្កើត​តំបន់​សេដ្ឋកិច្ច​ពិសេស​បន្ថែម ខណៈ​រង​ការរិះគន់

ដោយ មាន ឫទ្ធិ
2019-10-05
អ៊ីម៉ែល
មតិ
Share
បោះពុម្ព
ពិធី​ចុះ​ហត្ថលេខា​ជាផ្លូវការ សន្ធិសញ្ញាបំពេញបន្ថែមលើសន្ធិសញ្ញាកំណត់ព្រំដែនរដ្ឋឆ្នាំ១៩៨៥ និងសន្ធិសញ្ញា​បំពេញ​បន្ថែម​ឆ្នាំ​២០០៥ រវាង​កម្ពុជា និង​វៀតណាម​ នា​ប្រទេស​វៀតណាម នៅ​ថ្ងៃ​ទី៥ ខែ​តុលា ឆ្នាំ​២០១៩។
ពិធី​ចុះ​ហត្ថលេខា​ជាផ្លូវការ សន្ធិសញ្ញាបំពេញបន្ថែមលើសន្ធិសញ្ញាកំណត់ព្រំដែនរដ្ឋឆ្នាំ១៩៨៥ និងសន្ធិសញ្ញា​បំពេញ​បន្ថែម​ឆ្នាំ​២០០៥ រវាង​កម្ពុជា និង​វៀតណាម​ នា​ប្រទេស​វៀតណាម នៅ​ថ្ងៃ​ទី៥ ខែ​តុលា ឆ្នាំ​២០១៩។
រូប​ពី​ហ្វេសប៊ុក​ ហ៊ុន សែន

ដំណើរ​ទស្សនកិច្ច​ផ្លូវរដ្ឋ​រយៈពេល​២​ថ្ងៃ​របស់​លោក ហ៊ុន សែន និង​មន្ត្រី​ជាន់ខ្ពស់​កម្ពុជា ទៅ​ប្រទេស​វៀតណាម នឹង​បិទ​បញ្ចប់​ទៅ​នៅ​ថ្ងៃ​ទី៥ តុលា នេះ។ តាមរយៈ​ដំណើរ​ទស្សនកិច្ច​នេះ កម្ពុជា និង​វៀតណាម បាន​ចុះហត្ថលេខា​លើ​ឯកសារ​សំខាន់ៗ​មួយ​ចំនួន ក្នុង​នោះ​មាន​ទាំង​ការ​ចុះហត្ថលេខា​ទទួលស្គាល់​ជា​ផ្លូវការ ការ​បោះ​បង្គោល​ព្រំដែន​កន្លងមក​ដែល​សម្រេច​បាន ៨៤​ភាគរយ និង​ការ​ចុះ​ហត្ថលេខា​បង្កើត​តំបន់​សេដ្ឋកិច្ច​ពិសេស​បន្ថែម​ទៀត​តាម​បណ្ដោយ​ព្រំដែន​កម្ពុជា​-​វៀតណាម ដែល​អ្នក​ឃ្លាំមើល មើល​ឃើញ​ថា នឹង​រឹតតែ​ធ្វើ​ឱ្យ​កម្ពុជា​ខាតបង់​បន្ថែម​ទៀត។

លោក ហ៊ុន សែន ហៅ​ដំណើរ​ទស្សនកិច្ច​របស់​លោក​លើក​នេះ​ថា ជា​ប្រវត្តិសាស្ត្រ​ថ្មី​មួយទៀត​រវាង​កម្ពុជា និង​វៀតណាម​។ ប្រវត្តិសាស្ត្រ​ថ្មី គឺ​ដោយសារតែ នៅ​ទីបំផុត​ទៅ​លោក នឹង​ចុះហត្ថលេខា​នៅ​ថ្ងៃ​ទី៥ តុលា ទទួលស្គាល់​ជា​ផ្លូវការ​ការ​បោះ​បង្គោល និង​ខណ្ឌ​សីមា​ព្រំដែន​ដីគោក ដែល​កម្ពុជា និង​វៀតណាម សម្រេច​បាន​ប្រមាណ ៨៤​ភាគរយ ក្នុង​រយៈពេល​កន្លងមក ហើយ​បើ​ទោះ​បី​ជា​មានការ​រិះគន់​ពី​សំណាក់​ក្រុម​អ្នកឃ្លាំមើល​ការ​បោះ​បង្គោល​ព្រំដែន និង​មានការ​ស្នើសុំ​កុំ​ឱ្យ​លោក​ចុះហត្ថលេខា​ទទួលស្គាល់​យ៉ាង​ណា​ក្តី។ លោក ហ៊ុន សែន មិន​ភ្លេច​ឡើយ​ដឹងគុណ​វៀតណាម​ជាថ្មី​ម្តង​ទៀត ដែល​លោក​ថា បាន​ជួយ​រំដោះ​ប្រជាជន​កម្ពុជា​ចេញពី​របប​ខ្មែរក្រហម និង​ធ្វើ​ឱ្យ​កម្ពុជា​មាន​ថ្ងៃនេះ​បាន៖ «កម្ពុជា​មាន​ថ្ងៃនេះ មិន​អាច​កាត់​ផ្តាច់​ចេញ​បាន​ពី​ការចូលរួម​ជួយ​ឧបត្ថម្ភ​គាំទ្រ​ដ៏​ស្មោះ​ស​ពី​សំណាក់​កងទ័ព និង​ប្រជាជន​វៀតណាម​បាន​ទេ។ ដូច្នេះ​ទាំង​ពេល​នេះ ក៏​ដូចជា​ទៅ​អនាគត យើង​ត្រូវ​បន្ត​ការ​ខិតខំ​ដើម្បី​កសាង​ទំនាក់ទំនង​នេះ ឱ្យ​កាន់តែ​ខ្លាំង កាន់តែ​ស៊ីជម្រៅ និង​ពង្រីក​ទំហំ​ពាណិជ្ជកម្ម សហប្រតិបត្តិការ​ខាង​សេដ្ឋកិច្ច ពាណិជ្ជកម្ម វិនិយោគ និង​វិស័យ​ដទៃ​ទៀត ឱ្យ​កាន់តែ​ទូលំទូលាយ​និង​គ្រប់​វិស័យ»

ក្នុង​ដំណើរ​ទស្សនកិច្ច​ផ្លូវការ​រយៈពេល ២​ថ្ងៃ របស់​លោក ហ៊ុន សែន ទៅកាន់​ប្រទេស​វៀតណាម​នា​ពេល​នេះ ក្រៅពី​ចុះហត្ថលេខា​ទទួលស្គាល់​ការ​បោះបង្គោល​ព្រំដែន និង​ខណ្ឌសីមា​៨៤​ភាគរយ​នេះ លោក ហ៊ុន សែន និង​នាយករដ្ឋមន្ត្រី​វៀតណាម លោក ង្វៀង សួនហ្វ៊ុក (Nguyen Xuan Phuc) កាលពី​ថ្ងៃ​ទី​៤ តុលា ក៏​បាន​ចុះហត្ថលេខា​លើ​ឯកសារ​សំខាន់ៗ​ចំនួន​៧ ផ្សេងទៀត ដែល​ប្រទេស​ទាំងពីរ​ថា ធ្វើ​ឡើង​ដើម្បី​ពង្រឹង​ទំនាក់ទំនង និង​កិច្ច​សហប្រតិបត្តិការ​រវាង​ប្រទេស​ទាំងពីរ​បន្ថែម​ទៀត​។ ក្នុង​ចំណោម​កិច្ចព្រមព្រៀង​ទាំង​៧​នេះ មាន​អនុស្សរណៈ​ពីរ​គួរ​ឱ្យ​កត់សម្គាល់​។ ក្នុង​នោះ​រួមមាន អនុស្សរណៈ​ស្ដីពី​ការយោគយល់​គ្នា លើ​ការ​អភិវឌ្ឍ និង​ការ​តភ្ជាប់​ហេដ្ឋារចនាសម្ព័ន្ធ​ពាណិជ្ជកម្ម​តាម​តំបន់​ព្រំដែន​រវាង​ប្រទេស​ទាំងពីរ និង​អនុស្សរណៈ​ស្ដីពី​វឌ្ឍនភាព​លើ​ការ​សាងសង់ និង​ផែនការ​ប្រគល់​-​ទទួល​ផ្សារ​គំរូ​ព្រំដែន​កម្ពុជា នៅ​ខេត្ត​ត្បូងឃ្មុំ។

សារព័ត៌មាន​ក្នុងស្រុក​ស្និទ្ធ​នឹង​របប​លោក ហ៊ុន សែន រាយការណ៍​ថា លោក ហ៊ុន សែន បាន​ប្រាប់​ទៅ​លោក ង្វៀន សួនហ្វ៊ុក ថា លោក​គាំទ្រ​ចង់​ឱ្យ​មាន​តំបន់​សេដ្ឋកិច្ច​ពិសេស​កម្ពុជា​-​វៀតណាម នៅ​តាម​ព្រំដែន​ប្រទេស​ទាំងពីរ គឺ​ក្នុង​ទឹកដី​កម្ពុជា ជាពិសេស​ការ​កែប្រែ​តំបន់​ដែល​លោក​ធ្លាប់​តស៊ូ​កាលពី​សម័យ​សង្គ្រាម ឱ្យ​ទៅជា​តំបន់​សេដ្ឋកិច្ច​ពិសេស​តែ​ម្តង​នោះ ខណៈ​បច្ចុប្បន្ន កម្ពុជា និង​វៀតណាម មាន​តំបន់​សេដ្ឋកិច្ច​ពិសេស​សរុប​ដល់​ទៅ ១៩​ហើយ​នោះ។

អ្នក​ជំនាញ​កិច្ចការ​អន្តរជាតិ និង​ជា​សាស្ត្រាចារ្យ​កិច្ចការ​ពិភពលោក នៃ​មហាវិទ្យាល័យ Occidental College នៃ​រដ្ឋ​កាលីហ្វ័រញ៉ា សហរដ្ឋអាមេរិក បណ្ឌិត អៀ សុផល ប្រាប់​អាស៊ីសេរី តាម​សារ​អេឡិចត្រូនិក ដោយ​ចោទ​ជា​សំណួរ​ថា ហេតុអ្វី​បានជា​របប​ក្រុងភ្នំពេញ​ត្រូវការ​បង្កើត​ឱ្យ​មាន​នូវ​តំបន់​សេដ្ឋកិច្ច​ពិសេស​តាម​ព្រំដែន​រវាង​កម្ពុជា និង​វៀតណាម​នេះ កាន់តែ​ច្រើន​ម្ល៉េះ ហើយ​ថា តើ​ការ​បង្កើត​នេះ​ធ្វើឡើង​ក្នុង​គោលដៅ​អ្វី​។ បណ្ឌិត អៀ សុផល ថា កម្ពុជា​គួរ​ផ្តោត​លើ​គុណភាព​នៃ​ការ​បង្កើត​តំបន់​សេដ្ឋកិច្ច​នេះ ជា​ជាង​បរិមាណ។ លោក​ពន្យល់​ថា ការ​បង្កើត​តំបន់​សេដ្ឋកិច្ច​ពិសេស​នេះ គឺជា​ការ​ធ្វើឡើង​ដើម្បី​គេច​ពន្ធ និង​កេង​អត្ថប្រយោជន៍​ផ្សេងៗ​ទៀត ពីរ​ដ្ឋ​ទៅ​ឱ្យ​ហោប៉ៅ​ឯកជន​វិញ​។ ជាមួយ​គ្នា​នេះ លោក​ថា បើ​ការ​បង្កើត​តំបន់​សេដ្ឋកិច្ច​ពិសេស​នេះ តម្រូវ​ឱ្យ​មាន​នូវ​កម្ចី​ពី​វៀតណាម នោះ​ភាគី​វៀតណាម​អាច​ប្រើ​កម្ចី​នេះ ទៅជា​ភាគហ៊ុន​នៃ​ការ​វិនិយោគ ហើយ​អាច​បម្លែង​វា​ទៅជា​អន្ទាក់​បំណុល​បាន ដូចដែល​ប្រទេស​ចិន​កំពុង​ធ្វើ​នា​ពេល​បច្ចុប្បន្ន​នេះ។

លោក​បន្ត​ថា ការ​ផ្លាស់ប្ដូរ​ដំណើរ​ទស្សនកិច្ច​ចុងក្រោយ​ញឹកញាប់​រវាង​ថ្នាក់ដឹកនាំ​កម្ពុជា និង​វៀតណាម​នេះ បញ្ជាក់​ថា ក្រុង​ហាណូយ មានការ​ខឹងសម្បា​រថា របប​ក្រុងភ្នំពេញ​កំពុងតែ​ធ្វើ​អ្វីៗ​តាម​ការ​ចង់​បាន​របស់​ក្រុង​ប៉េកាំង នៃ​មហា​យក្ស​ចិន​។ ដូច្នេះ​ហើយ លោក​ថា លោក ហ៊ុន សែន ក៏​ចង់​បង្ហាញ​ពី​ការ​ស្រឡាញ់ និង​ការ​ដឹង​គុណ​ទៅ​វៀតណាម​វិញ​ដែរ។ ក៏ប៉ុន្តែ បណ្ឌិត អៀ សុផល បង្ហាញ​ក្ដី​មន្ទិល​ថា កាយវិការ​របស់​របប​លោក ហ៊ុន សែន នេះ អាច​នឹង​មិនទាន់​គ្រប់គ្រាន់​សម្រាប់​វៀតណាម​នៅឡើយ​ទេ ដោយសារ​វៀតណាម​ជា​ប្រទេស​ម្ចាស់ផ្ទះ​ដឹកនាំ​សមាគម​អាស៊ាន​ប្រចាំ​ឆ្នាំ ហើយ​ថា វៀតណាម​នឹង​មិន​ធ្វើ​ដូច​កម្ពុជា​ទៅ​រណប​ចិន ដូចដែល​របប​ក្រុងភ្នំពេញ​បាន​ធ្វើ​កាលពី​ឆ្នាំ​២០១២​កន្លង​ទៅ ដោយ​មិន​អនុញ្ញាត​ឱ្យ​មានការ​ចេញ​សេចក្ដី​ថ្លែងការណ៍​ថ្កោលទោស​ចិន​ជុំវិញ​រឿង​វិវាទ​នៅ​តំបន់​សមុទ្រ​ចិន​ខាងត្បូង។

លោក អ៊ុំ សំអាន តំណាងរាស្ត្រ​គណបក្ស​សង្គ្រោះជាតិ និង​ជា​អ្នកឃ្លាំមើល​បញ្ហា​ទំនាក់ទំនង និង​កិច្ចការ​ព្រំដែន​កម្ពុជា​-​វៀតណាម មាន​ប្រាប់​អាស៊ីសេរី​តាម​ទូរស័ព្ទ កាលពី​ថ្ងៃ​ទី៤ តុលា ថា ការ​ចុះ​អនុស្សរណៈ​ចុងក្រោយ​នេះ ជាពិសេស​ផ្តោត​លើ​ការ​បង្កើត​តំបន់​សេដ្ឋកិច្ច​រវាង​កម្ពុជា និង​វៀតណាម ក៏​អាច​ជា​ការ​បើក​ឱកាស​ធ្វើ​ឱ្យ​កម្ពុជា​ទទួលរង​ការ​រំលោភ​បំពាន​បន្ថែម​ដល់​បូរណភាព​ទឹកដី​របស់​ខ្លួន ពី​សំណាក់​ភាគី​វៀតណាម​នា​ពេល​អនាគត ដោយសារតែ​គ្មាន​ការកំណត់​បង្គោល​ព្រំដែន​កម្ពុជា​-​វៀតណាម​ច្បាស់លាស់៖ «ប្រសិន​បើ​ជា​យើង​បង្កើត​តំបន់​សេដ្ឋកិច្ច​ពិសេស​ដោយ​មិនបាន​កំណត់​ព្រំដែន​ឱ្យ​បាន​ច្បាស់លាស់ នោះ​ការ​ធ្វើ​អគារ​ធំៗ​ហើយ​ក្រោយមក​ទើប​កំណត់​ព្រំដែន កាលណា​យួន​ធ្វើ​អគារ​ធំៗ​ហើយ យើង​មិន​ងាយ​នឹង​ដេញ​យួន​ទៅវិញ​ទេ»

លោក​បន្ត​ថា ហេតុការណ៍​នេះ ក៏​អាច​បើកឱកាស​ឱ្យ​ជនជាតិ​វៀតណាម​ចូល​មក​រស់នៅ​ក្នុង​តំបន់​នោះ​បាន​ដោយ​សេរី​ផង​ដែរ។ លោក អ៊ុំ សំអាន៖ «បញ្ហា​មួយទៀត​វា​អាច​មាន​ការ​ប៉ះពាល់​ដែរ ដូចជា​តំបន់​អភិវឌ្ឍន៍​ត្រីកោណ​នៅ​កន្ទុយ​នាគ​ក្នុង​ខេត្ត​រតនគីរី ខ្ញុំ​មើល​ក្នុង​កិច្ចព្រមព្រៀង​របស់​គេ គឺថា ប្រជាពលរដ្ឋ​ទាង​សង្ខាង ចេញចូល​ដោយ​មិនបាច់​ប្រើ​វី​សារ មិនបាច់​ប្រើ​ប៉ាសស្ព័រ​អី​ទេ​។ ដូច្នេះ បង្ក​ឱ្យ​ជនជាតិ​វៀតណាម ចូល​មក​កម្ពុជា​ដោយ​ងាយស្រួល​។ ដឹង​ហើយ​ថា យួន​ចូល​មក​ហ្នឹង មិន​ចេញ​ទៅវិញ​ទេ ដោយ​សង់ផ្ទះ​នៅ​ក្នុង​ទឹកដី​ខ្មែរ រកស៊ី​នៅ​ទី​ហ្នឹង។ ដូច្នេះ​វា​អាច​ប៉ះពាល់​បូរណភាព​ទឹកដី​យើង»

ភ្នាក់ងារ​សារព័ត៌មាន​វៀតណាម (VNA) រាយការណ៍​កាលពី​ថ្ងៃ​ទី៤ តុលា ថា ក្នុង​ឱកាស​ចូលរួម​សន្និសីទ​លើកកម្ពស់​ពាណិជ្ជកម្ម និង​វិនិយោគ​រវាង​កម្ពុជា និង​វៀតណាម ដែល​លោក ហ៊ុន សែន និង​លោក ង្វៀន ស៊ុនហ្វុក ធ្វើជា​សហប្រធាន ហើយ​មានការ​ចូលរួម​ពី​គណៈប្រតិភូ​មកពី​ក្រសួង ស្ថាប័ន និង​សហគមន៍​ធុរកិច្ច​នៃ​ប្រទេស​ទាំង​សរុប​ប្រមាណ​៥០០​នាក់​នោះ លោក ហ៊ុន សែន ក៏បាន​អំពាវនាវ​ឱ្យ​ក្រុមហ៊ុន​វៀតណាម​បន្ត​មក​វិនិយោគ​នៅ​កម្ពុជា ក្នុង​វិស័យ​កសិកម្ម ទេសចរណ៍ ដឹកជញ្ជូន ឡូជីស្ទីក សំណង់ អប់រំ និង​ការ​បណ្ដុះបណ្ដាល​បច្ចេកទេស​។ លោក ហ៊ុន សែន ថា​កម្ពុជា​កំពុង​បង្កើត​សេចក្ដី​ព្រាងច្បាប់​ថ្មី​ស្ដីពី​ការ​វិនិយោគ និង​តំបន់​សេដ្ឋកិច្ច​ពិសេស។

កម្ពុជា និង​វៀតណាម ចង់​សម្រេច​ទំហំ​ពាណិជ្ជកម្ម​រវាង​ប្រទេស​ទាំងពីរ​ឱ្យ​បាន​ដល់​តម្លៃ ៥​ពាន់​លាន​ដុល្លារ​អាមេរិក នៅមុន​ឆ្នាំ​២០២០​ខាងមុខនេះ ខណៈ​គិត​ត្រឹម​ខែ​កញ្ញា ឆ្នាំ​២០១៩​នេះ វៀតណាម​វិនិយោគ​នៅ​កម្ពុជា​សរុប មានតម្លៃ ២,៨​ពាន់​លាន​ដុល្លារ​អាមេរិក ហើយ​កម្ពុជា​វិនិយោគ​នៅ​វៀតណាម​មានតម្លៃ​សរុប ៣,២​លាន​ដុល្លារ​អាមេរិក៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

UN VS Hun Sen/Prak Sokhon 74th session of the General Assembly,General debate of the speech will leave P.Sokhon speechless with emptiest sits

World news-Dictator Hun Sen is unofficial pm,unofficial election,unofficial govm't,outlaw govm't and international community don't recognized as official govm't at all.So,this unofficial pm can't make any officials visit on abroad except only "communist bloc",and he can't make a foreign loans anymore,because no one try to risk their money for nothing.See a fresh event at the UN General Assembly 74th session recent week,and what made this unofficial pm and unofficial govm't sent its rookie foreign minister Prak Sokhon to the UN instead missing cde Hun Sen who were shameful pm and embarrassed by the world leaders who left attending during Prak Sokhon made addressing to the UN assembly",if i was a P.Sokhon,i'm not gonna to come here,it so sicks with shamelessly by without someone want to listen this rogue govm't anymore"almost empty sits...shame on cde Hun Sen".See the world leaders they don't want to listen by P.Sokhon reads the pretext by without lookup to the listeners with English assents,or stamped fort and back,back and fort,Maybe Hun Sen himself didn't know,or knew what's the hell going on with his brutal rule in the last 4 decades and tried to hidden ton of crimes he's been committed by the international community observers,UN special envoys raporteur and other international news journalists who worked around inside Cambodia.That cde Hun Sen and cronies govm't can't hid them with always lies liars cheater,criminal minds,dishonest,inhumanity,no one distrusted him and much more.The UN General Assembly resolution sent a strong message to the unofficial of cde Hun Sen govm't that its human rights received has made,it a pariah on the global stage,human rights watch said today,and Hun Sen rogue govm't is"long standing and on going systematic,wide spread and gross violation of human rights"since 2013-2018 to today"it calls unofficial election,unofficial pm,unofficial govm't,destroyed democracy system,abolished it opposition political top contender before pm election coming on July 29,2018 to avoided lose pm.In among 119 countries there are 113 countries govm't of the world agree that Hun Sen govm't is a human rights catastrophic and that the time has come to address its crimes.Abuses hightlighted after 2013-2019,severe violations of the rights of pple and rights of political dissent and rights of of young children,the"existence of an extenssive system of unrest political dissent,and all-pervasive and severe restrictions on democracy and freedom of thought,conscience,religion,or belief,opinion and expression,peaceful assembly and association among many other violations.

Oct 05, 2019 04:04 PM

គេហទំព័រ​ទាំងមូល