អាមេរិកដាក់មេកងអង្គរក្សលោក ហ៊ុន សែន ក្នុងបញ្ជីខ្មៅ ដែល​ត្រូវ​បង្កក​ទ្រព្យ​សម្បត្តិ​មុន​គេ

ដោយ មួង ណារ៉េត
2018-06-12
អ៊ីម៉ែល
មតិ
Share
បោះពុម្ព
លោក ហ៊ីង ប៊ុនហៀង មេបញ្ជាការ​នៃ​បញ្ជា​ការដ្ឋាន​អង្គរក្ស នាយ​ឧត្ដមសេនីយ៍ ចូលរួម​សិក្ខាសាលា​ស្ដីពី​សម្ព័ន្ធ​មេត្រីភាព​រវាង​អង្គភាព​កងទ័ព-​ នគរបាល​ជាតិ ជាមួយ​អង្គភាព​សង្គម​ស៊ីវិល​នា​វិមាន​សន្តិភាព កាល​ពី​ថ្ងៃ​ទី​២៩ ខែ​កក្កដា ឆ្នាំ​២០១៥។
លោក ហ៊ីង ប៊ុនហៀង មេបញ្ជាការ​នៃ​បញ្ជា​ការដ្ឋាន​អង្គរក្ស នាយ​ឧត្ដមសេនីយ៍ ចូលរួម​សិក្ខាសាលា​ស្ដីពី​សម្ព័ន្ធ​មេត្រីភាព​រវាង​អង្គភាព​កងទ័ព-​ នគរបាល​ជាតិ ជាមួយ​អង្គភាព​សង្គម​ស៊ីវិល​នា​វិមាន​សន្តិភាព កាល​ពី​ថ្ងៃ​ទី​២៩ ខែ​កក្កដា ឆ្នាំ​២០១៥។
RFA

សហរដ្ឋ​អាមេរិក ដាក់​មេកងអង្គរក្ស​លោក ហ៊ុន សែន ក្នុង​បញ្ជីខ្មៅ ដែល​ត្រូវ​បង្កក​ទ្រព្យ​សម្បត្តិ​មុន​​គេ​។ លោក ហ៊ីង ប៊ុនហៀង ដែល​ជា​មេបញ្ជាការ​នៃកងអង្គរក្ស​របស់​លោក​នាយករដ្ឋ​មន្រ្តី ហ៊ុន សែន ត្រូវ​បានការិយាល័យ​កិច្ចការ​សាធារណៈ នៃ​​នាយកដ្ឋាន​​រតនាគារ​អាមេរិក ប្រកាស​នៅថ្ងៃទី១២ ខែមិថុនា ដោយ​​បញ្ចូល​ទៅ​ក្នុង​​បញ្ជី​ខ្មៅ នៃ​បុគ្គលដែល​ត្រូវ​រង​ទណ្ឌកម្ម ក្រោម​ច្បាប់ ហ្គ្លោប៊ល ម៉ែកនីតស្គី​ (GLOBAL MAGNITSKY) ដោយសារ​​តែ​​ការ​​ចូល​ដៃ​ក្នុង​ការ​​រំលោភ​​សិទ្ធិមនុស្ស និង​ប្រជាធិបតេយ្យ​នៅកម្ពុជា។ សហរដ្ឋអាមេរិក រកឃើញថា លោក ហ៊ីង ប៊ុន​ហៀង រំលោភ​សិទ្ធិមនុស្ស​​ធ្ងន់ធ្ងរ ក្នុង​​រយៈ​ពេល​ជា​ច្រើន​​ឆ្នាំ​​ចុង​ក្រោយ​នេះ រួមទាំង​អំពើ​ហិង្សា​នៅ​ឆ្នាំ​២០១៣ នៅ​ក្បែរ​វត្ត​ភ្នំ និង​អំពើ​ហិង្សា​វាយដំ​តំណាង​រាស្ត្រ​បក្ស​ប្រឆាំង​ពីរ​រូប នៅ​​មុខ​​រដ្ឋសភា​ នៅ​ឆ្នាំ២០១៥។ លោក ហ៊ីង ប៊ុនហៀង ក៏ជាប់​ពាក់ព័ន្ធនឹងអំពើ​ហិង្សាក្នុងការ​បង្រ្កាប​លើ​​ក្រុម​​អ្នក​តវ៉ា និង​សកម្មជន​​បក្ស​ប្រឆាំង ដូចជា​ការ​​បោក​គ្រាប់​​បែក​​លើ​អ្នក​តវ៉ា​អហិង្សា កាល​ពី​ឆ្នាំ​១៩៩៧ ដែល​​ធ្វើ​​ឲ្យ​​ស្លាប់​ និង​របួស​​មនុស្ស​ជា​ច្រើន​នាក់ រួមទាំង​​របួស​​ជនជាតិ​​អាមេរិក​​មួយ​រូប​​ផង។

ជាលទ្ធផល​នៃ​អំពើ​រំលោភសិទ្ធិមនុស្ស​ទាំងនេះ ខាង​រតនាគារ​អាមេរិក នឹង​ចាត់​​វិធានការ​ទាំង​ឡាយ ដើម្បី​​បង្កក​ទ្រព្យ​សម្បត្តិ ឬ​ផល​ប្រយោជន៍​​ផ្សេង​ទៀត​ ដែល​ពាក់ព័ន្ធ​នឹង​​លោក ហ៊ីង ប៊ុន​ហៀង។ មិន​ត្រឹម​តែ​​បង្កក​ទ្រព​សម្បត្តិ​​លោក ហ៊ីង ប៊ុនហៀង ប៉ុណ្ណោះ​ទេ សហរដ្ឋ​អាមេរិក ក៏​នឹង​​ហាម​ឃាត់​​ជនជាតិ​​អាមេរិក​​ឯ​ទៀត មិន​​ឲ្យ​​រកស៊ី ឬ​ទាក់ទង​​ជាមួយ​លោក ហ៊ីង​ ប៊ុនហៀង ​នោះ​ឡើយ។

នេះជាករណីទីមួយហើយ ដែល​សហរដ្ឋ​អាមេរិក អនុវត្ត​​វិធានការ​​ក្តៅ ក្នុង​ការ​​ដាក់​ទណ្ឌកម្ម​​លើ​​មន្រ្តី​​នៃ​​របប​លោក ហ៊ុន សែន ដែល​​កំពុង​​រង​ការ​​ថ្កោលទោស​យ៉ាង​​ចាស់​​ដៃ ពី​​សំណាក់​​សហគមន៍​​អន្តរជាតិ ក្នុង​​រឿង​​រំលោភ​សិទ្ធិមនុស្ស និង​បំផ្លាញ​ប្រជាធិបតេយ្យ ក្រោយ​​ពេល​រម្លាយ​​​គណបក្ស​​សង្គ្រោះ​ជាតិ។ ស្រប​ពេល​ជាមួយ​គ្នា​នេះ​ដែរ តំណាង​រាស្រ្ត​សហរដ្ឋអា​មេរិក កំពុង​​តែ​​ពន្លឿន​​ច្បាប់​ស្តីពី​ប្រជាធិបតេយ្យ​​នៅ​កម្ពុជា​ឆ្នាំ​២០១៨ ដើម្បី​​ដាក់​ទណ្ឌកម្ម​បន្ថែម​ ទៅ​លើ​លោក ហ៊ុន សែន និង​ក្រុម​គ្រួសារ ព្រមទាំង​មន្រ្តី​​ជាន់​ខ្ពស់​​ក្នុង​​របប​ភ្នំពេញ​​ដទៃ​ទៀត នា​ពេល​ឆាប់​ៗ ​ខាង​​មុខ​​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

world most wanted Hing Bunhieng will face the same justice like Chillain high ranking officials...

Hing Bunhieng world most wanted as the same dictator Chillian regime"south America"with many dictator's high ranking officers had been in custody by"ICC",and some committed atrocities on Chillian people by under dictatorship ruler.

Jun 15, 2018 11:44 AM

Ge.Hing B. Hieng says...we all went to restaurant together and why they only let me payoff the food will all other walking free..it's fair for me...?

4 stars general Hing B.Hieng saying...huuuh...i'm not alone in this case at all,if the they frozen all my assets...there are everything will popup to the whole dictator Hun Sen's ccp govm't.I'll exploit everything to tell to the world what's the hell going on this fascist govm't?,and i cannot let this horrible happen to myself...is the whole house and we all went to restaurant together as the same boat,and why it pays only me with others for free food?,it's a fair for me or not?.

Jun 15, 2018 11:34 AM

ព្រលឹង

ពី ឡោនដោន

នាំគ្នាចាំមើលទៅ ចាំមើលអាមេរិកបង្កកទ្រព្បសម្បត្តិពួកនោះ! ពាក្យនេះនាំគ្នានិយាយយូរហើយ តេមិនងាយនឹងសម្រេចទេ។ទាំងនេះដូចប្រាប់ពួកនោះមុនអោយយកលុយទៅដាក់កន្លែងផ្សេងអោយហើយទៅ។គួរអោយចង់សើច។ រឿងលួចជាតិទាំងនេះ បើពលរដ្ឋខ្មែរមិនទប់ស្កាត់ដោយដៃខ្លួនឯងទេ គ្មាននរណាមកជួយខ្មែរទេ...

Jun 13, 2018 04:09 AM

គេហទំព័រ​ទាំងមូល