ខ្មែរ​អូស្ត្រាលី​ធ្វើ​បុណ្យ​រំលឹក​ដល់​បណ្ឌិត កែម ឡី និង​អ្នក​ស្នេហា​ជាតិ​​ផ្សេង​ទៀត​ ដែល​​ស្លាប់​ក្នុង​របប​លោក ហ៊ុន សែន

ដោយ សេក បណ្ឌិត
2019-07-14
អ៊ីម៉ែល
មតិ
Share
បោះពុម្ព
ភរិយា​បណ្ឌិត កែម ឡី អ្នកស្រី បូ រចនា (កណ្ដាល) ចូលរួម​ជាមួយសហគមន៍​ខ្មែរ​រស់នៅ​ទីក្រុង​អាដដេលេត (Adelaide) រដ្ឋ​អូស្ត្រាលី​ខាងត្បូង ប្រទេស​អូស្ត្រាលី ប្រារព្ធ​ពិធីបុណ្យ​រំលឹក​វិញ្ញាណក្ខន្ធ​បី​ឆ្នាំ​ជូន​បណ្ឌិត កែម ឡី នៅ​ថ្ងៃ​ទី​១៤ ខែ​កក្កដា ឆ្នាំ​២០១៩។
ភរិយា​បណ្ឌិត កែម ឡី អ្នកស្រី បូ រចនា (កណ្ដាល) ចូលរួម​ជាមួយសហគមន៍​ខ្មែរ​រស់នៅ​ទីក្រុង​អាដដេលេត (Adelaide) រដ្ឋ​អូស្ត្រាលី​ខាងត្បូង ប្រទេស​អូស្ត្រាលី ប្រារព្ធ​ពិធីបុណ្យ​រំលឹក​វិញ្ញាណក្ខន្ធ​បី​ឆ្នាំ​ជូន​បណ្ឌិត កែម ឡី នៅ​ថ្ងៃ​ទី​១៤ ខែ​កក្កដា ឆ្នាំ​២០១៩។
Photo courtesy of CANNTV

សហគមន៍​ខ្មែរ​រស់នៅ​ទីក្រុង​អាដដេលេត (Adelaide) រដ្ឋ​អូស្ត្រាលី​ខាងត្បូង ប្រទេស​អូស្ត្រាលី ប្រារព្ធ​ពិធីបុណ្យ​រំលឹក​វិញ្ញាណក្ខន្ធ​បី​ឆ្នាំ​ជូន​បណ្ឌិត កែម ឡី នៅ​ថ្ងៃ​ទី​១៤ ខែ​កក្កដា​នេះ​។ ក្រៅពី​ឧទ្ទិស​បុណ្យ​កុសល​ជូន​ដល់​វិញ្ញាណក្ខន្ធ លោក កែម ឡី សហគមន៍​ខ្មែរ​ក៏បាន​ឧទ្ទិស​បុណ្យ​កុសល​ជូន​អ្នក​ស្នេហាជាតិ​ខ្មែរ​ផ្សេងទៀត​ដែរ ដូចជា លោក ឈុត វុទ្ធី និង​លោក ជា វិជ្ជា ជាដើម ដែល​ត្រូវ​បាន​សម្លាប់​ក្រោម​របប​លោក ហ៊ុន សែន។

សមាជិក​គណៈកម្មការ​បុណ្យ​ម្នាក់ លោក ខៀវ តារា ឱ្យ​អាស៊ីសេរី​ដឹង​ថា ពិធីបុណ្យ​នេះ​មាន​រៀបចំ​ជា​ពីរ​វគ្គ គឺ​ពិធី​សាសនា និង​ការពិភាក្សា​សំណេះសំណាល​ជាមួយ​ភរិយា​បណ្ឌិត កែម ឡី ដែល​បាន​ចូលរួម​ក្នុង​ពិធីបុណ្យ​នេះ​ដែរ។

លោក​ឱ្យ​ដឹង​ទៀត​ថា ពិធី​នេះ​មាន​អ្នកចូលរួម​ប្រមាណ ៧០​នាក់ ហើយ​ថវិកា​ទទួល​បាន​ពី​ពិធីបុណ្យ អ្នក​រៀបចំ​ពិធី​បាន​បែងចែក​ខ្លះ​ជូន​ភរិយា​បណ្ឌិត កែម ឡី ដើម្បី​អាច​​ចាត់ចែង​តាម​តម្រូវការ និង​រៀបចំ​សម្រាប់​ធ្វើ​ការងារ​សង្គម។ លោក ខៀវ តារា បញ្ជាក់​បន្ថែម​ថា ការរៀបចំ​ពិធី​នេះ​គឺ​ដើម្បី​ជា​ការ​គោរព​វីរភាព​របស់​​​បណ្ឌិត កែម ឡី និង​វីរជន​ផ្សេង​ទៀ ដែល​​ហ៊ាន​លះបង់​ជីវិត​ដើម្បី​បុព្វហេតុ​ជាតិ៖ «ខ្ញុំ​គិត​ថា នេះ​ជា​ភាព​ជោគជ័យ​ហើយ មាន​បងប្អូន​ចូលរួម​មិនបាន​ច្រើន​កុះករ ប៉ុន្តែ​យើង​បាន​សម​ល្មម​នៃ​រដ្ឋ​របស់​យើង យើង​មិនមែន​ជា​រដ្ឋ​ធំ​ប៉ុន្មាន​ទេ ម៉្លោះ​ហើយ​សម​ល្មម​ដែល​យើង​អាច​ទទួល​យក​​បាន ប៉ុន្តែ​​អ្វី​​ដែល​​សំខាន់​យើង​គួរ​គោរព​វីរភាព​របស់​គាត់ ដែល​គាត់​ហ៊ាន​លះ​បាន​ដើម្បី​ឱ្យ​កូន​ខ្មែរ​របស់​យើង​ភ្ញាក់​រលឹក​ក្រោយ​ឡើង​ដើម្បី​តតាំង​នឹង​របប​ផ្ដាច់ការ»

អ្នក​គោរព​ស្រលាញ់​បណ្ឌិត កែម ឡី ដែល​ជា​អ្នក​រៀបចំ​កម្មវិធី​នេះ បាន​យក​នំ​បញ្ចុក​ដើម្បី​ទទួល​ភ្ញៀវ។ ក្រៅពី​ការ​សំណេះសំណាល​ជាមួយ​ភរិយា​បណ្ឌិត កែម ឡី និង​ការ​បញ្ចេញ​មតិយោបល់​ពី​សំណាក់​អ្នកចូលរួម​បុណ្យ អ្នក​គោរព​ស្រលាញ់​បណ្ឌិត កែម ឡី ក៏បាន​ច្រៀង​ចម្រៀង​បង្ហាញ​ការ​សោកស្តាយ ទាមទារ​រក​យុត្តិធម៌​ជូន​ដល់​​បណ្ឌិត កែម ឡី ដែរ។

អ្នក​ចូលរួម​ពិធីបុណ្យ​ម្នាក់ ហុក ម៉ែល ឱ្យ​ដឹង​ថា លោក​នៅតែ​មាន​ការ​តក់​ស្លុត និង​សោកស្ដាយ​ចំពោះ​ការ​បាត​បង់​​បណ្ឌិត កែម ឡី​។ លោក ហ៊ុក ម៉ែល ចាត់​ទុក​ឃាតកម្ម​នេះ គឺ​របប​ក្រុងភ្នំពេញ​ជា​អ្នក​រៀបចំ រួចហើយ​យក​ឃាតក សិប្បនិម្មិត​មក​ទទួល​ទោស​ជំនួស​ប៉ុណ្ណោះ។ អ្នក​គោរព​ស្រលាញ់​បណ្ឌិត កែម ឡី រូប​នេះ រំលឹក​ថា លោក​ធ្លាប់​ជួប​បណ្ឌិត កែម ឡី កាលពី​លោក​​មក​បំពេញ​ទស្សនកិច្ច​នៅ​ប្រទេស​អូស្ត្រាលី ហើយ​លោក​សង្កេត​ឃើញ​ថា លោក កែម ឡី ជា​បុគ្គល​មាន​ចំណេះដឹង​ខ្ពង់ខ្ពស់ និង​គួរ​ឱ្យ​គោរព​ស្រឡាញ់​៖ «លោក​បណ្ឌិត​គាត់​ជា​មនុស្ស​ពិសេស​ដែល​ខ្មែរ​ស្ទើរ​ទូទាំង​ពិភពលោក គេ​គោរព​ស្រលាញ់​ហើយ​ទីបំផុត​របប​ក្រុងភ្នំពេញ​មិន​អាច​ទុក​គាត់​បាន​ព្រោះ​ឆ្អឹង​ទទឹង​ក​របស់​គេ គេ​ធ្វើ​ឱ្យ​គាត់​ស្លាប់​បែកបាក់​គ្រួសារ​យ៉ាង​អយុត្តិធម៌​ជាទីបំផុត»

បណ្ឌិត កែម ឡី ត្រូវ​ឃាតក​បាញ់​សម្លាប់​នៅ​ក្នុង​ហាង​លក់ទំនិញ ស្តារម៉ាត (Star Mart) នៃ​ស្ថានីយ​លក់​ប្រេងឥន្ធនៈ​កាល់តិច (Caltex) ក្បែរ​ស្តុប​បូកគោ រាជធានី​ភ្នំពេញ កាលពី​ព្រឹក​ថ្ងៃ​ទី​១០ ខែ​កក្កដា ឆ្នាំ​២០១៦ កន្លង​ទៅ​។ អំពើ​ឃាត​កម្ម​នេះ កើត​ឡើង​​រយៈពេល ២​ថ្ងៃ ក្រោយពេល​លោក​ចូលរួម​ក្នុង​វេទិកា​អ្នក​ស្តាប់​អាស៊ីសេរី ដើម្បី​បកស្រាយ​របាយការណ៍​របស់​អង្គការ​ឃ្លាំមើល​ពិភពលោក (Global Witness) ស្ដីពី​អាណាចក្រ​ជំនួញ​គ្រួសារ​ត្រកូល “​ហ៊ុន​”​។ រយៈពេល​បី​ឆ្នាំ​មកនេះ អាជ្ញាធរ ឬ​តុលាការ​នៃ​របប​ក្រុងភ្នំពេញ​រក​ឃើញ​តែ​មនុស្ស​ម្នាក់​គត់ ឈ្មោះ អឿត អាង ដែល​ហៅ​ខ្លួនឯង​ថា ជួប សម្លាប់ ក្នុង​រឿង​ឃាតកម្ម​ដ៏​កក្រើក​មួយ​នេះ​។ ទោះជា​យ៉ាង​ណា មហាជន​ទូទៅ​យល់ថា ជួប សម្លាប់ នេះ គ្រាន់តែ​ជា​ឃាតក​សិប្បនិម្មិត​ប៉ុណ្ណោះ។

ភរិយា​លោក កែម ឡី លោកស្រី ប៊ូ រចនា ចោទ​ប្រកាន់​ថា ឃាតកម្ម​លើ​ស្វាមី​អ្នកស្រី គឺជា​ការ​​រៀបចំ​​គម្រោង​​ទុក​ជា​មុន​​របស់​​របប​​ក្រុង​ភ្នំពេញ ហេតុដូច្នេះ​ហើយ​ទើប​អាជ្ញាធរ​ព្យាយាម​បំបាត់​ភស្តុតាង និង​រក​ឃាតក​ពិត​មិន​ឃើញ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

How only pple eat noodle arrest them...wear unsolved mystery Kem.Ley death's memory shirt put them into prison....what's the hell this fascist regime gonna do next...wish the whole world leaders must bring this monster man to ICC as they can....

How this fascist HS commie regime can survives without pple supports them"shame on him"this show us and the world that Hun Sen's mafia govm't are being panic with its own party breaking apart from the rooftop to the bottom down to earth.In the meantime,like have no anyone trust each other and won't listen to anyone else,and everybody they'd own minded secret to keep their safety and awaiting the right an opportunity to come and celeb....

Jul 14, 2019 03:54 PM

គេហទំព័រ​ទាំងមូល