រដ្ឋសភា​ឯកបក្ស​អំពាវនាវ​ឱ្យ​អាមេរិក​ពិចារណា​ឡើងវិញ​ពី​ការ​ដាក់​ទណ្ឌកម្ម​មន្ត្រី​របប​ខ្លួន

ដោយ មាន ឫទ្ធិ
2019-07-18
អ៊ីម៉ែល
មតិ
Share
បោះពុម្ព
អ្នកនាំពាក្យ​រដ្ឋសភា លោក ឡេង ប៉េងឡុង (ឆ្វេង) ថ្លែង​ក្រោយ​កិច្ច​ប្រជុំ​គណៈកម្មាធិការ​អចិន្ត្រៃយ៍​រដ្ឋ​សភា កាល​ពី​ថ្ងៃ​ទី​២៨ ខែ​កញ្ញា ឆ្នាំ​២០១៦។
អ្នកនាំពាក្យ​រដ្ឋសភា លោក ឡេង ប៉េងឡុង (ឆ្វេង) ថ្លែង​ក្រោយ​កិច្ច​ប្រជុំ​គណៈកម្មាធិការ​អចិន្ត្រៃយ៍​រដ្ឋ​សភា កាល​ពី​ថ្ងៃ​ទី​២៨ ខែ​កញ្ញា ឆ្នាំ​២០១៦។
RFA

រដ្ឋសភា​ឯក​បក្ស​នៃ​របប​លោក ហ៊ុន សែន នៅ​ថ្ងៃ​ទី​១៧ កក្កដា សម្ដែង​ការ​សោកស្ដាយ​យ៉ាង​ខ្លាំង​ចំពោះ​ការ​អនុម័ត​ច្បាប់ HR 526 របស់​សភា​ជាន់​ទាប​អាមេរិក ដាក់ទណ្ឌកម្ម​មន្ត្រី​របប​នេះ។ សេចក្ដី​ថ្លែងការណ៍​អ្នកនាំពាក្យ​រដ្ឋសភា​ឯក​បក្ស ​ចេញ​នៅ​ថ្ងៃ​​ទី​១៧ កក្កដា ហៅ​ការ​អនុម័ត​ច្បាប់​របស់​អាមេរិក​នេះ ជា​ការ​ប្រកាន់​ជំហរ​លំអៀង មាន​ភាព​អយុត្តិធម៌ និង​ថា​ជា​ការ​ដើរ​ផ្ទុយ​ទៅ​នឹង​កិច្ច​ខិតខំ​ប្រឹងប្រែង​ដែល​ប្រទេស​ទាំងពីរ​កំពុង​ប្រកាន់​យក ក្នុង​ការ​លើកកម្ពស់​ភាព​ជា​ដៃគូ​គ្រប់​វិស័យ ផ្អែកលើ​ផល​ប្រយោជន៍​រួម និង​ការ​គោរព​គ្នា​ទៅវិញទៅមក​។ រដ្ឋសភា​ឯក​បក្ស​នៃ​របប​ក្រុងភ្នំពេញ អំពាវនាវ​ឱ្យ​អាមេរិក​ពិចារណា​ឡើងវិញ​ឱ្យ​បាន​ហ្មត់ចត់​ចំពោះ​ការពិចារណា​នេះ ក្រោម​លេស​ថា កម្ពុជា​កំពុងតែ​ប្ដេជ្ញា​ចិត្ត​អនុវត្ត​លទ្ធិប្រជាធិបតេយ្យ​របស់​ខ្លួន។

កន្លងមក មន្ត្រី​របប​ក្រុងភ្នំពេញ រួម​ទាំង​លោក ហ៊ុន សែន ផង តែង​អួតអាង​ដោយ​ប្រើ​វោហារ​សព្ទ​ថា កម្ពុជា​មិន​ព្រួយបារម្ភ​នឹង​សម្ពាធ​របស់​ក្រុម​ប្រទេស​លោក​ខាងលិច រួមមាន​សហរដ្ឋអាមេរិក និង​សហភាព​អឺរ៉ុប ហើយ​ពេលខ្លះ​ថែមទាំង​ឌឺដង​ផ្គើន​ឱ្យ​ក្រុម​ប្រទេស​លោក​សេរី​ទាំងនោះ ដាក់ទណ្ឌកម្ម​កាន់តែ​ឆាប់​កាន់តែ​ល្អ។ ពួកគេ​ធ្លាប់​អះអាង​ថា កម្ពុជា​បាន​ត្រៀមខ្លួន​រួចជាស្រេច​ហើយ​ចំពោះ​បញ្ហា​នេះ ព្រោះ​កម្ពុជា​ធ្លាប់​ហែល​ឆ្លង​បទពិសោធន៍​ទាំងនេះ​កាល​ពី​ពេល​អតីតកាល​រួចហើយ។

ក៏ប៉ុន្តែ របប​នេះ បាន​ចំណាយ​ថវិកា​មិន​តិច​ជាង​រាប់​លាន​ដុល្លារ​ក្នុង​មួយ​ឆ្នាំ ជួល​មន្ត្រី និង​ក្រុម​មេធាវី​អាមេរិកាំង​មួយ​ចំនួន​ឱ្យ​ជួយ​ធ្វើ​យុទ្ធនាការ​បញ្ចុះបញ្ចូល ឬ Lobby មន្ត្រី​រដ្ឋសភា និង​រដ្ឋាភិបាល​អាមេរិកាំង កុំ​ឱ្យ​ធ្វើ​គោលនយោបាយ​ដាក់ទណ្ឌកម្ម​ដល់​របប​ខ្លួន។

អ្នកនាំពាក្យ​គណបក្ស​សង្គ្រោះ​ជាតិ​ក្រៅ​ប្រទេស លោក ប៉ុន សៅរី ហៅ​ហេតុការណ៍​នេះ​ថា របប​ក្រុងភ្នំពេញ កំពុង​ភ័យ​ស្លន់ស្លោ​ចំពោះ​ការ​ដាក់​ទណ្ឌកម្ម​នេះ និង​ថា របប​នេះ​បាន​បរាជ័យ ក្នុង​ការ​ព្យាយាម​បញ្ចុះបញ្ចូល​មន្ត្រី​អាមេរិក កុំ​ឱ្យ​អនុម័ត​ច្បាប់​នេះ។

ច្បាប់​ដាក់ទណ្ឌកម្ម​នេះ ត្រូវ​រង់ចាំ​ការ​អនុម័ត​បន្ត​ដោយ​ព្រឹទ្ធសភា​អាមេរិក​មួយ​ដំណាក់កាល​ទៀត មុននឹង​ឈាន​ទៅ​ដាក់​ឱ្យ​ប្រធានាធិបតី​អាមេរិក ចុះហត្ថលេខា ដើម្បី​ឱ្យ​ក្លាយ​ជា​ច្បាប់​សម្រាប់​យក​ទៅ​អនុវត្ត​ជា​ផ្លូវការ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Evil Hun Sen VS Cambodian people,EBA,GPS,HR526

EBA,GPS sanctions+HR526"A Bill" is a power tool for last breath of dictatorship regime,this Bill to promote FREE and FAIR elections,Political FREEDOMS,and HUMAN RIGHTS in Cambodia,and other purpose.In the u.s House Of Representatives lead by Mr.Ted Yoho,Mr.John McCaul,Mr. Ted Cruz,Mr.Engel by both parties.Section 1-short title,This Act maybe cited as the"Cambodia Democracy,Act of 2019.Section 2-Findings Congress-Finds the following of 213 criminal cases against Hun Sen pm.

Jul 19, 2019 10:54 AM

គេហទំព័រ​ទាំងមូល