អ្នកវិភាគ​និយាយ​ថា ការ​ដំឡើង​តួនាទី​លោក យន្ត មីន ជា​ការ​ប្រមាថ​ដល់​ព្រលឹង​ជនរងគ្រោះ

ដោយ ហេង រស្មី
2019-06-28
អ៊ីម៉ែល
មតិ
Share
បោះពុម្ព
អ្នក​វិភាគ​ឯករាជ្យ បណ្ឌិត ឡៅ ម៉ុងហៃ ថ្លែង​ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​១០ ខែ​កុម្ភៈ ឆ្នាំ​២០១៧។
អ្នក​វិភាគ​ឯករាជ្យ បណ្ឌិត ឡៅ ម៉ុងហៃ ថ្លែង​ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​១០ ខែ​កុម្ភៈ ឆ្នាំ​២០១៧។
Photo: RFA

អ្នកវិភាគ​នយោបាយ និង​អ្នកឃ្លាំមើល​បញ្ហា​សង្គម​បាន​រិះគន់​ការ​ដំឡើង​តួនាទី​របស់​លោក យន្ត មីន ថា ជា​ការ​ប្រមាថ​យ៉ាង​ធ្ងន់ធ្ងរ​ដល់​ជនរងគ្រោះ​ដែល​បាន​ស្លាប់​បាត់​បង់ជីវិត ដោយសារ​ការ​បាក់​រលំ​អគារ​ចិន ដែល​បាន​បណ្តាល​ឱ្យ​មាន​មនុស្ស​ស្លាប់ ២៨​នាក់ និង​រងរបួស​មួយ​ចំនួន​ទៀត។ មន្ត្រី​របប​ក្រុងភ្នំពេញ​បាន​ថ្លែង​ការពារ​មន្ត្រី​របស់​ខ្លួន​ថា នេះ​ជា​ការ​សម្រេច​ដ៏​ត្រឹមត្រូវ​ទៅ​តាម​កាលៈទេសៈ​ក្នុង​ស្ថានភាព​បច្ចុប្បន្ន។

លោក​បណ្ឌិត​ឡៅ ម៉ុងហៃ អ្នកឃ្លាំមើល​បញ្ហា​សង្គម​បាន​ស្តី​បន្ទោស​ថា ការសម្រេច​តែងតាំង​លោក យន្ត មីន ឱ្យ​ឡើង​កាន់​តួនាទី​ថ្មី​គឺ​រឿង​មិន​ត្រឹមត្រូវ​ទាល់តែសោះ ដោយសារតែ​អ្នក​ដែល​ជាប់​ពាក់ព័ន្ធ​នឹង​ការ​ធ្វើ​ឱ្យ​អគារ​បាក់​ដួល​រលំ​នោះ ត្រូវតែ​មានការ​ស៊ើប​ជា​មុន​សិន​ដើម្បី​នាំ​ខ្លួន​យក​មក​កាត់ទោស​តាមច្បាប់ មុន​នឹង​សម្រេច​តែងតាំង​ដំណែង​អ្វីមួយ៖ «អាហ្នឹង​អសីលធម៌​សម្បើម​ណាស់ សព​របស់​អ្នករងគ្រោះ​មិន​ទាន់​បាន​ធ្វើបុណ្យ ៧​ថ្ងៃ​ផង ហើយ​យើង​ដំឡើង​បុណ្យស័ក្ដិ​មន្ត្រី​ដែល​មាន​ការ​ចោទប្រកាន់​ថា មានការ​ទទួលខុសត្រូវ​ចំពោះ​ការ​បាក់​រលំ​ផ្ទះ​សង្កត់​អ្នក​ទាំងនោះ​ឱ្យ​ស្លាប់ វា​អត់​ត្រូវ​ទេ»

ព្រះមហាក្សត្រ​នរោត្តម សីហមុនី តាម​សំណើ​ពី​មេដឹកនាំ​របប​ក្រុងភ្នំពេញ កាលពី​ថ្ងៃ​ទី​២៧ ខែ​មិថុនា បាន​បាន​ឡាយ​ព្រះ​ហត្ថលេខា​តែងតាំង​លោក យន្ត មីន អតីត​អភិបាលក្រុង​ព្រះសីហនុ ជា​រដ្ឋលេខាធិការ​ក្រសួងការពារជាតិ​ដែល​ដំណែង​នេះ​មាន​ឋានៈ​ខ្ពស់​ជាង​មុន​បី​ថ្នាក់​កាលពី​លោក​នៅ​ជា​អភិបាល​ខេត្ត។

នៅ​ក្នុង​ព្រះរាជសារ​ព្រះមហាក្សត្រ​ក៏បាន​ដំឡើង​ឋានន្តរសក្ដិ លោក យន្ត មីន ឧត្ដមសេនីយ៍ឯក​ផ្កាយ​បី​ទៅជា​នាយ​ឧត្ដមសេនីយ៍​ផ្កាយ​មាស​បួន​ផង​ដែរ។

អតីត​អភិបាលខេត្ត​ព្រះសីហនុ លោក យន្ត មីន បាន​សាទរ​ចំពោះ​មុខ​ដំណែង​ថ្មី​របស់​លោក​ដោយ​លាយឡំ​នឹង​សំឡេង​សើច​ក្អាកក្អាយ​ផង​ដែរ៖ «ខ្ញុំ​សូម​អត់​ចង់​និយាយ​ស្អី​ទេ​បាទ។ គ្រាន់តែ​អរគុណ​ចំពោះ​ការ​ផ្ដល់​កិត្តិយស​របស់​សម្ដេច​នាយក​រដ្ឋមន្ត្រី។ ខ្ញុំ​តែ​ប៉ុណ្ណឹង​ទេ អត់​អី​ទេ​បាទ»

ការ​ដំឡើង​តួនាទី​បន្ថែម​លោក យន្ត មីន ពី​ផ្កាយ​បី​ទៅជា​នាយ​ឧត្ដមសេនីយ៍​ផ្កាយ​មាស​បួន​នេះ​ត្រូវ​បាន​អ្នកឃ្លាំមើល​សង្គម​យល់ថា របប​លោក ហ៊ុន សែន មិនដែល​គោរព​នូវ​សំដី​ដែល​លោក​ធ្លាប់​បាន​និយាយ​ចេញ​ជា​សាធារណៈ​ម្តង​ណា​ឡើយ។

មេដឹកនាំ​របប​ក្រុងភ្នំពេញ​កាលពី​ចុងខែ​មេសា​បាន​ប្រកាស​ថា នៅ​ពេល​អនាគត​គឺ​ឱ្យ​មានតែ​ផ្កាយ​បួន​តែ​ពីរ​នាក់​ប៉ុណ្ណោះ គឺ​រដ្ឋមន្ត្រី​ក្រសួងការពារជាតិ​លោក ទៀ បាញ់ និង អគ្គ​មេបញ្ជាការ​នៃ​កង​យុទ្ធ​ពល​ខេមរភូមិន្ទ លោក វង្ស ពិសេន ហើយ​ក្រៅពីនោះ​គឺ​ពាក់​ផ្កាយ​បី និង​ផ្កាយ​ពីរ​ទាំងអស់។

រដ្ឋមន្ត្រី​ក្រសួងការពារជាតិ​លោក ទៀ បាញ់ ប្រាប់​អាស៊ីសេរី​កាលពី​ថ្ងៃ​ទី​២៧ មិថុនា​ថា លោក យន្ត មីន​ពិត​ជា​មាន​សមត្ថភាព​កាន់​តួនាទី​នេះ មិន​ជាប់​ពាក់ព័ន្ធ​នឹង​ការ​លើកឡើង​របស់​លោក​នាយករដ្ឋមន្ត្រី​ហ៊ុន សែន ហើយ ក៏​មិន​ជាប់​ពាក់ព័ន្ធ​នឹង​ការ​បាក់​ដួល​រលំ​អគារ​នៅ​ក្រុងព្រះសីហនុ​ផង​ដែរ៖ «យន្ត មីន មិនបាន​ទៅ​ធាក់​ឱ្យ​បាក់​អគារ​ហ្នឹង​កិន​មនុស្ស​ស្លាប់​ឯណា គេ​បាន​ប្រឹងប្រែង​ធ្វើ​កិច្ចការ​ហ្នឹង ហើយ​យន្ត មីន ក៏​មាន​ការ​សោកស្ដាយ​ហើយ ក៏​មានការ​ក្ដុកក្ដួល​ជា​ខ្លាំង​ដែរ ក្នុង​ខ្លួន​ដែល​ជា​អ្នកទទួលខុសត្រូវ​ខ្ពស់​បំផុត​ក្នុង​ខេត្ត​ព្រះសីហនុ​ហ្នឹង​បាទ»

មេដឹកនាំ​របប​ក្រុងភ្នំពេញ​លោក ហ៊ុន សែន ប្រកាសប្រាប់​ក្រុម​អ្នក​សារព័ត​មាននៅ​ក្នុង​ខេត្ត​ព្រះសីហនុ កាល​ពី​ថ្ងៃ​ទី​២៤ ខែ​មិថុនា នៅ​កន្លែង​គំនរ​ឥដ្ឋ​នៃ​ការ​បាក់​ដួល​រលំ​អគារ​បាក់បែក​ថា លោក​បាន​ដកហូត​មន្ត្រី​ជាន់ខ្ពស់​រដ្ឋាភិបាល​ពីរ​រូប គឺ​អភិបាលខេត្ត​ក្រុងព្រះសីហនុ​លោក យន្ត មីន និង អនុប្រធាន​ទី​១ នៃ​គណៈកម្មាធិការ​ជាតិ​គ្រប់គ្រង​គ្រោះ​មហន្តរាយ​លោក ញឹម វណ្ណដា។

ក្រោយពី​ការ​ដកហូត​ពីមុខ​ដំណែង​លោក ញឹម វណ្ណដា ក៏​ត្រូវ​តែងតាំង​ជាទី​ប្រឹក្សា​រដ្ឋាភិបាល​ដែល​ខ្ពស់​ជា​តួនាទី​ពីមុន​ទៅទៀត។

ប្រធាន​សហភាព​សហជីព​កម្ពុជា លោក រ៉ុង ឈុន បញ្ជាក់​ថា អ្វី​ដែល​លោក ហ៊ុន សែន ធ្វើ​នេះ​មិន​អាច​កំណែ​ទម្រង់​ប្រទេស​កម្ពុជា​បានទេ ពីព្រោះ​អ្នក​ដែល​ទទួលខុសត្រូវ​ក្នុង​ការ​បាក់​រលំ​អគារ​នោះ គ្រាន់តែ​បាន​ផ្លាស់ប្ដូរ​តួនាទី​ប៉ុណ្ណោះ មិន​ត្រូវ​បាន​នាំ​យក​មក​កាត់ទោស​តាម​ផ្លូវ​ច្បាប់៖ «យើង​ត្រូវតែ​ស្វែងរក​ការពិត ថា​តើ​រឿង​ហ្នឹង​វា​មាន​អ្វី​ដែល​នៅ​ពីក្រោយ ហើយ​បើ​ពាក់ព័ន្ធ​ទៅ​នឹង​អំពើពុករលួយ​អ្នកណា​ដែល​ជា​អ្នក​ប្រព្រឹត្ត​អំពើពុករលួយ​ហើយ​ត្រូវតែ​យក​អ្នក​នោះ​មក​ធ្វើការ​ផ្ដន្ទាទោស​តាមច្បាប់ ជាពិសេស​ស្ថាប័ន​ប្រឆាំង​អំពើពុករលួយ ត្រូវ​ដើរ​តួនាទី​សំខាន់​ក្នុង​ការ​ស៊ើបអង្កេត​ករណី​ទាំងអស់​នេះ»

អាស៊ីសេរី​មិន​អាច​ទាក់ទង​លោក ឱម យ៉ិនទៀង ប្រធាន​អង្គភាព​ប្រឆាំង​និង​អំពើពុករលួយ​បានទេ​ដោយសារតែ​លោក​មិន​លើក​ទូរស័ព្ទ។

តែ​ទោះជា​យ៉ាងណា​អ្នកនាំពាក្យ​របប​ក្រុងភ្នំពេញ​លោក សុខ ឥសាន បញ្ជាក់​ថា អ្នក​ដែល​ទាមទារ​ឱ្យ​ស៊ើបអង្កេត​គឺជា​អ្នក​ដែល​មិន​យល់​ពី​ច្បាប់​នៅ​កម្ពុជា៖ «អាហ្នឹង​វា​ជា​ឆន្ទានុសិទ្ធិ​របស់​នាយក​រដ្ឋមន្ត្រី​មិន​ខុស​ពី​បណ្ដា​ប្រទេស​នានា​ទេ។ ជាពិសេស​បើ​ប្រៀបធៀប​ជាមួយ​នឹង​ប្រទេស​សហរដ្ឋអាមេរិក ខ្ញុំ​យល់ថា​លោក ប្រធានាធិបតី ដូណាល់ ត្រាំ​លោក​មាន​សិទ្ធិ​ពេញលេញ​នៅ​ក្នុង​ការ​ដក​នឹង​ការ​តែងតាំង​មន្ត្រី​របស់​រដ្ឋាភិបាល​សហរដ្ឋ​អាមេរិក​ហ្នឹង​បាទ»

កាល​ពី​ថ្ងៃ​ទី​២២ មិថុនា កន្លង​ទៅ​នេះ​អគារ​កម្ពស់ ៧​ជាន់​ដែល​សាងសង់​ដោយ​ជនជាតិ​ចិន​បាន​បាក់​ដួល​រលំ​រាប​ដល់​ដី។ បណ្ដាល​ឱ្យ​មាន​កម្មករ​ខ្មែរ​ចំនួន ២៨​នាក់​ស្លាប់ និង ២៦​នាក់​ផ្សេងទៀត​រង​របួស។

តុលាការ​ខេត្ត​ព្រះសីហនុ​បានសម្រេច​ឃុំខ្លួន​ជនជាតិ​ចិន​៧​នាក់​ពី​បទ «សមគំនិត​ដោយ​អំពើ​មនុស្សឃាត​ដោយ​អចេតនា និង​សមគំនិត​ក្នុង​អំពើ​បង្ក​ឱ្យ​មាន​របួស​ដោយ​អចេតនា​ក្រោយពី​មាន​មនុស្ស​ចំនួន ៥៦​នាក់​ស្លាប់ និង​រង​របួស៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

tmil HS says if we can't solve any problem...just fingerpoint to other and blame game to other...there is problem solved

Comrade Ta Sen said in the last 40+years oppressive,and how all of us ccp members survived till today?,because we use the word of blame to other+point finger to other to solved all those problems"it's work".

Jun 28, 2019 10:51 AM

criminal Yun Mean promoted to 4 stars general after cause mass destruction at KompongSom building collapsed that killed dozens pple+dozens serious wounded...without anyone held accountable

Mr.Hay there is not the first time,or nothing new or old in the last 40 years by one-man-rule,if u make a track down his ton criminal recorded are so significant.If,something bad popup related with him or his rogue govm't failure,and then he quick to creates something else to coverup there crime committed,it means that he won't let the pple to concentrate on that horrific tragic"bully everybody around".Keep track down and research more all his criminal record in the last 40+years.So,u didn't see one of all those criminal conspiracy has been resolved at all....samething the sane shit all the time.The only thing that we all can do just keep attack him at every directions and make this sicken man get paralyze and abandon his power"he was very sicken man+getting old and old everyday".

Jun 28, 2019 10:16 AM

គេហទំព័រ​ទាំងមូល