ក្រសួង​ការ​បរទេស​កម្ពុជា​ថា ទណ្ឌកម្ម​លើ​ឧកញ៉ា ទ្រី ភាព និង​លោក គន់ គីម ធ្វើ​ឡើង​ដោយ​គ្មាន​មូលដ្ឋាន

ដោយ ខែ សុណង
2019-12-10
អ៊ីម៉ែល
មតិ
Share
បោះពុម្ព
លោក ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ (ឆ្វេង) និង​កិច្ចប្រជុំ​រដ្ឋសភាសហរដ្ឋអាមេរិក កាល​ពី​ថ្ងៃ​ទី១៦ កក្កដា ២០១៩។
លោក ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ (ឆ្វេង) និង​កិច្ចប្រជុំ​រដ្ឋសភាសហរដ្ឋអាមេរិក កាល​ពី​ថ្ងៃ​ទី១៦ កក្កដា ២០១៩។
រូប​ក្រសួង​ការបរទេស និង​www.house.gov

ក្រសួង​ការបរទេស​កម្ពុជា​ខក​ចិត្ត ចំពោះ​ចំណាត់​ការ​​ដាក់​ទណ្ឌកម្ម​លើ​មនុស្ស​ជំនិត ២នាក់​របស់​លោក ហ៊ុន សែន ដែល​ដាក់​ចេញ​ដោយ​ក្រសួង​រតនាគារ​ជាតិ​សហរដ្ឋ​អាមេរិក។ អ្នក​​ជំនាញ​​អះអាង រដ្ឋាភិបាល​កម្ពុជា ឬ​បុគ្គលដែល​​រង​ទណ្ឌកម្មនេះ អាច​ប្តឹង​ទៅ​តុលាការ​អន្តរជាតិ ដើម្បី​លាង​ជម្រះ​ការ​ចោទ​ប្រកាន់​ទាំងឡាយ​ដែល​ខ្លួន​យល់​ថា មិន​ត្រឹម​ត្រូវ​នោះ។

ក្រសួង​ការបរទេស​កម្ពុជា​ចាត់​​ទុក​​​ទណ្ឌកម្ម​លើឧកញ៉ា ទ្រី ភាព និង​លោក គន់ គីម គឺ​ជា​ការ​បំពាន​យ៉ាង​ធ្ងន់ធ្ងរលើគោល​ការណ៍​ស្មើភាព​នៃ​អធិបតេយ្យ និង​គោល​ការណ៍​មិន​ជ្រៀត​ជ្រែក​កិច្ច​​ការផ្ទៃក្នុង​​របស់​ប្រទេស​ដទៃ ដូច​មាន​ចែង​ក្នុង​​ធម្មនុញ្ញ​អង្គការ​សហប្រជាតិ និង​ច្បាប់​អន្តរជាតិ​​ដទៃទៀត។ ក្រសួង​បញ្ជាក់​ទៀតថា ការ​សម្រេចចិត្ត​​របស់​​សហរដ្ឋ​អាមេរិ​កនេះ ធ្វើ​ឡើង​ដោយ​គ្មាន​មូលដ្ឋាន និង​​មិន​គោរពដល់​ឯករាជ្យ​នៃ​ច្បាប់ និង​យុត្តិធម៌​របស់​កម្ពុជា។

ក្រសួង​ការបរទេស​បញ្ជាក់​ក្នុង​​សេចក្តីថ្លែងការណ៍​​នៅ​ថ្ងៃទី១០ ធ្នូថា ទណ្ឌកម្ម​នេះ​ គឺ​ជា​ការ​វាយ​​ប្រហារ​ប្រឆាំង​នឹង​កិច្ច​​ខិត​ខំ​ប្រឹង​ប្រែង​ស្តារទំនុក​ចិត្ត និង​ភាព​ជឿជាក់​រវាង​កម្ពុជា និង​សហរដ្ឋ​អាមេរិក ដែល​ថ្នាក់​ដឹកនាំ​ប្រទេស​ទាំង​ពីរ​បាន​​ឆ្លើយ​ឆ្លង​គ្នា​កាល​ពីពេល​ថ្មីៗ នេះ។ ក្រសួង​អះអាងថា លោក គន់ គីម បាន​ចូល​រួម​ចំណែក​យ៉ាង​ច្រើន​ក្នុង​​កិច្ច​ការពារ​ និង​ថែរក្សា​សុខ​សន្តិភាព ស្ថេរភាព និង​សណ្តាប់ធ្នាប់​សង្គម ស្រប​ពេល​ដែល​ឧកញ៉ា ទ្រី ភាព វិញ គឺ​ជា​អ្នក​ដែល​បាន​ដើរ​តួនាទី​ដ៏​សកម្ម​ក្នុង​​ការ​ទ្រទ្រង់​​ការ​អភិវឌ្ឍ​សេដ្ឋកិច្ច​សង្គម​កម្ពុជា។ ទោះ​ជា​យ៉ាង​ណា ក្រសួង​ការ​បរទេស​កម្ពុជា​មិន​បាន​បង្ហាញ​នូវ​ភស្តុតាង​ណា​មួយ​ ដែល​បញ្ជាក់​ថា អ្នក​ទាំង​ពីរ​ពិត​ជា​មាន​​គុណវុឌ្ឍ និង​មិន​​​ជាប់​ពាក់ព័ន្ធ​នឹង​អំពើ​ឧក្រិដ្ឋ​ពុក​​រលួយ​នោះ​ឡើយ។

ក្រសួងការបរទេសបញ្ចេញ​​ប្រតិកម្ម​បែបនេះ ជា​ការ​ឆ្លើយ​តប​ទៅនឹង​ក្រសួង​រតនាគារ​អាមេរិក​​ដែល​បាន​សម្រេច​ដាក់​ទណ្ឌកម្ម​មនុស្ស​ជំនិត ២រូប​របស់​លោក​​នាយក​​រដ្ឋ​មន្ត្រី ហ៊ុន សែន គឺ​ឈ្មួញ​​ឈើ​ដ៏​​ល្បី​ឈ្មោះ លោក ទ្រី ភាព និង​លោក​ផ្កាយ៤ គន់ គីម។ សហរដ្ឋ​អាមេរិក​បាន​រក​​ឃើញ​ថា មនុស្ស​​មាន​​ឥទ្ធិពល​នៅ​ស្រុក​ខ្មែរ​ទាំង ២រូប​នេះ មាន​ជាប់​ពាក់ព័ន្ធ​នឹង​អំពើ​ពុក​រលួយ​ ការ​រំលោភ​អំណាច និង​ការ​រំលោភ​សិទ្ធិមនុស្ស​ធ្ងន់​ធ្ងរ​នៅ​កម្ពុជា។ សហរដ្ឋ​អាមេរិក​បាន​ប្រើ​ច្បាប់ គ្លូបល មែគនីតស្គី អ៊ែកថ៍ (Global Magnitsky Act) ដើម្បី​​ដាក់​ទណ្ឌកម្ម​ក្រុមហ៊ុន​ចំនួន១១ របស់​ឧកញ៉ា ទ្រី ភាព និង​ក្រុមហ៊ុន​​ចំនួន៥ ដែល​គ្រប់​គ្រង​ដោយ​គ្រួសារ​លោក គន់ គីម ហើយ​ទណ្ឌកម្ម​បង្កក​​ ឬរាំង​ខ្ទប់​ទ្រព្យ​សម្បត្តិ​​របស់​អ្នក​ទាំង​ពីរ​រូប​នេះ ត្រូវ​បាន​អាមេរិក​​​ប្រកាស​ឱ្យ​ដឹង​នៅ​​ថ្ងៃ​ទី៩ ធ្នូ ដែល​ចំ​ថ្ងៃ​ទិវា​ប្រឆាំង​អំពើ​ពុក​​រលួយ។

ទោះ​ជា​យ៉ាង​ណា​ក្ដី អ្នក​នាំពាក្យ​របបក្រុ​ងភ្នំពេញ លោក ផៃ ស៊ីផាន អះអាងផ្ទុយ​ពី​ក្រសួង​ការ​បរទេស ដោយ​គូស​បញ្ជាក់​ថា ទំនាក់​ទនង​រវា​ង​កម្ពុជា​ និង​សហរដ្ឋ​អាមេរិក នឹង​មិន​រង​ផល​ប៉ះពាល់​ដោយ​សារ​ទណ្ឌកម្ម​នេះ​ឡើយ។ លោក​​សរសេរ​ក្នុង​​​ហ្វេសប៊ុក​នៅ​ថ្ងៃ​ទី១០ ធ្នូ​ថា កិច្ច​​សហប្រតិបត្តិការ​រវាង​ប្រទេស​ទាំង​ពីរ នៅ​តែ​បន្ត​ក្នុង​ភាពស្វាហាប់ និងគោរព​គ្នា​ទៅវិញ​ទៅ​មក ក្នុង​នាម​ជា​ប្រទេស​ដែល​មាន​​អធិបតេយ្យ។​

( អ្នក​នាំពាក្យ​របបក្រុ​ងភ្នំពេញ លោក ផៃ ស៊ីផាន)

 

អ្នក​​ជំនាញ​ខាង​វិទ្យាសាស្ត្រ​នយោបាយ លោក ឯម សុវណ្ណរ៉ា ថ្លែង​ថា វិធាន​ការ​​​​របស់​សហរដ្ឋ​​អាមេរិក​នេះ​​មិន​ផ្ទុយ​នឹង​ធម្មនុញ្ញ​អង្គការ​សហប្រជាជាតិ​​ទេ ព្រោះ​ជា​ទណ្ឌកម្ម​​ប្រឆាំង​នឹង​បុគ្គល​ មិន​មែន​ប្រឆាំង​នឹង​រដ្ឋ​អធិបតេយ្យ​នោះ​ឡើយ។ លោក​ជឿថា មុន​នឹង​ដាក់​ទណ្ឌកម្ម​លើ​បុគ្គល​ណាម្នាក់​ សហរដ្ឋ​អាមេរិក​ប្រាកដ​ជា​​មាន​ភស្តុតាង​រឹងមាំ ឬ​របាយការណ៍​ច្បាស់លាស់ មិន​មែន​ចេះ​តែ​ធ្វើ​ច្បោលៗ​ នោះ​ឡើយ។ លោក​​ថា បុគ្គល​ដែល​​រង​ទណ្ឌកម្ម​​ក្រោម​ច្បាប់​​អាមេរិក អាច​ប្តឹង​ទាស់​ទៅ​តុលាការ​អន្តរជាតិ ប្រសិន​ពួក​គេ​មិន​​ពេញ​​ចិត្ត​​ចំពោះ​ការ​សម្រេច​នេះ ហើយ​រដ្ឋាភិបាល​កម្ពុជា​ក៏​អាច​ធ្វើ​បែប​នេះ​បាន​ដូច​គ្នា ប្រសិន​បើ​ចង់​ការពារ​មន្រ្តី​របស់​ខ្លួន«ដើម្បី​​ដោះស្រាយ​​ ដើម្បី​​បង្ហាញ​​ភាព​​ស្អាត​ស្អំ ត្រូវ​បង្ហាញ​​ចេញ​​ពី​អន្តរជាតិ។ វា​មិន​មែន​កម្ពុជា​ថា ឬក៏​ចេញ​សេចក្ដី​ថ្លែង​ការណ៍​ការពារ​ហ្នឹង​ វា​គ្រប់​គ្រាន់​សម្រាប់​លាង​សម្អាត​ភាព​មន្ទិល​សង្ស័យ ឬ​ការ​ប្រកាស​របស់​សហរដ្ឋ​អាមេរិក​ទេ។ ត្រូវ​មាន​តុលាការ​អន្តរជាតិ អា​ហ្នឹង​បាន​យើង​ហៅ​ថា ស្មើភាព​គ្នា​។ វា​សម​ស្រប​ទៅ​នឹង​ការ​លុប​បំបាត់​ភាព​ល្អក់​កករ​ក្នុង​​ការ​ដាក់​ទណ្ឌកម្ម​របស់​សហរដ្ឋ​​អាមេរិក​ពាក់ព័ន្ធ​នឹង មែគនីតស្គី អ៊ែកថ៍ ហ្នឹង»

ក្រសួង​​រតនាគារ​ជាតិ​អាមេរិក​រកឃើញថា ឧកញ៉ា ទ្រី ភាព និង​​លោក​​ គន់ គីម គឺ​ជា​អ្នក​ទទួល​​ខុស​ទទួល​ខុសត្រូវ និង​ប្រព្រឹត្តិ​ដោយ​ផ្ទាល់​ ឬ​ដោយ​ប្រយោល​ក្នុង​អំពើ​ពុក​រលួយរួម​មាន ​អំពើ​កឹ​បកេង​ទ្រព្យសម្បត្តិ​រដ្ឋ​ ការ​រឹបអូស​យក​ទ្រព្យ​សម្បត្តិ​ឯកជន​មក​ធ្វើជា​ទ្រព្យសម្បត្តិ​ផ្ទាល់​ខ្លួនការ​ប្រព្រឹត្តិ​អំពើ​ពុក​រលួយ​ទាក់ទង​នឹង​ការ​អនុវត្ត​កិច្ចសន្យា​ជាមួយ​រដ្ឋាភិបាល​ អំពើ​កេង​ប្រវញ្ច​លើ​ធនធាន​ធម្មជាតិ​ ឬ​ការ​​សូកប៉ាន់​ជាដើម​។

ក្រសួង​រតនាគារជាតិ​អាមេរិក​ទម្លាយ​​ថា​ លោក​ ទ្រី​ ភាព​ បាន​ប្រើប្រាស់​ខ្សែ​បណ្តាញ​ដ៏​សម្បើម​របស់​លោក​នៅ​កម្ពុជា​ ដើម្បី​បង្កើត​អាជីវកម្ម​កាប់​ឈើ​ទ្រង់ទ្រាយ​ធំ​ ដោយ​បាន​ពឹង​ផ្អែកទៅ​លើ​អំពើ​ស៊ុមគ្រលុំ​ជាមួយ​មន្ត្រី​រដ្ឋាភិបាល​ និង​ទទួល​បាន​កិច្ច​គាំពារ​ពី​រដ្ឋាភិបាល​ និង​មន្ត្រី​យោធា​ ដើម្បី​ដឹក​ជញ្ជូន​ទំនិញ​ខុស​ច្បាប់​របស់​លោក។ ក្រៅ​ពី​នេះ លោក​បាន​ប្រើប្រាស់​បណ្តាញ​យោធា​ ដើម្បី​ឲ្យ​លោក​អាច​ធ្វើ​សកម្មភាពដឹក​ជញ្ជូន​ឈើ​ហ៊ុប​ យក​ទៅ​លក់​ឲ្យ​ប្រទេស​វៀតណាម​ ចិន​ អឺរ៉ុប​ និង​រុស្ស៊ី​ ជាដើម​។

ដោយឡែក​ចំពោះ​លោក​ គន់​ គីម​ វិញ​ ក្រសួង​រតនាគារ​អាមេរិក​ លាត​ត្រដាង​ថា លោក​គឺជា​ឧត្តមសេនីយ៍​ជាន់ខ្ពស់​នៃ​កងយោធពល​ខេមរភូមិន្ទ​ ហើយ​គឺ​បុគ្គល​ចម្បង ដែល​ជំរុញ​ការ​អភិវឌ្ឍ​នៅ​ខេត្ត​កោះកុង​ ហើយ​បាន​ទទួល​ផល​ប្រយោជន៍​ហិរ​ញ្ញ​វត្ថុ​យ៉ាង​សម្បើម​ពី​ទំនាក់ទំនង​ជាមួយ​ក្រុមហ៊ុន​គ្រប់គ្រង​ដោយ​រដ្ឋ​អំណាច​នៃ​ប្រទេស​ចិន។ លោក​ គន់​ គីម​ បាន​ប្រើប្រាស់​​កងយោធពល​ខេមរភូមិន្ទ​ ដើម្បី​បំភិតបំភ័យ រឹបអូស ឬ​ឆ្កា​ដី​ ដែល​ក្រុមហ៊ុន​ចិន​ចង់​បាន។ ក្រសួង​រតនាគារ​អាមេរិក​បន្ត​ថា លោក​ គន់​ គីម​ ត្រូវ​បាន​ផ្លាស់​តួនាទី​ពី​នាយ​សេនាធិការ​ចម្រុះ​នៃ​កង​យោធពល​ខេមរភូមិន្ទ​ គឺ​ដោយសារ​តែ​លោក​មិន​បានចែក​រំលែក​ផល​ចំណេញ​ពី​អាជីវកម្ម​ខុស​ច្បាប់​របស់​លោក​ ទៅ​ឲ្យ​មន្ត្រី​ជាន់​ខ្ពស់​នៃ​រដ្ឋាភិបាល​របស់​លោក ហ៊ុន សែន។

អាស៊ីសេរី​​មិន​អាចសុំ​ការ​ឆ្លើយ​តប​រឿង​ទណ្ឌកម្ម​នេះ​ពី​លោក គន់ គីម និង​ឧកញ៉ា ទ្រី ភាព បាន​ទេ នៅ​ថ្ងៃ​ទី១០ ធ្នូ។

មក​ដល់​ពេល​នេះ មនុស្សជំនិត​របស់លោក ហ៊ុន សែន ចំនួន​ ៣នាក់ហើយ ដែល​រង​ទណ្ឌកម្ម​បង្កកទ្រព្យសម្បត្តិ​ពី​ក្រសួង​រតនាគារ​អាមេរិក ក្រោម​ច្បាប់ គ្លូបល មែគនីតស្គី អ៊ែកថ៍ (Global Magnitsky Act)។ មន្ត្រី​របបក្រុ​ងភ្នំពេញ​​ដំបូង​គេ​ដែល​រង​ទណ្ឌកម្ម​នេះ គឺ​មេកងអង្គរក្ស​លោក ហ៊ុន សែន លោក ហ៊ីង ប៊ុនហៀង។ អ្នក​តាម​ដាន​​ស្ថានការណ៍​កម្ពុជាយល់ថា មន្ត្រី​របបក្រុងភ្នំពេញ និង​អ្នក​​ជំនួញ​​កម្ពុជា​មួយ​​ចំនួនទៀត ក៏​អាច​នឹង​ប្រឈម​ទណ្ឌកម្ម​ពីសហរដ្ឋ​អាមេរិកក្រោម​​ច្បាប់ គ្លូបល មែគនីតស្គី អ៊ែកថ៍ (Global Magnitsky Act) នេះដែរ ប្រសិន​បើ​អាមេរិក​​រកឃើញ​ថា បុគ្គល​ទាំងនោះ​មាន​ជាប់​ពាក់​ព័ន្ធ​នឹង​អំពើ​ឧក្រិដ្ឋ ឬ​ប្រព្រឹត្ត​ផ្ទុយ​នឹង​គោលការណ៍​របស់​អាមេរិក​។

កាល​ពី​​ពេល​កន្លងទៅ សមាជិក​សភាអាមេរិក​​ធ្លាប់​បាន​​ស្នើ​ឈ្មោះក្រុម​​មេដឹកនាំ​របបក្រុង​ភ្នំពេញ​ចំនួន​ ១៧នាក់​ ដើម្បី​ដាក់​ទណ្ឌកម្ម​ផង​ដែរ។ អ្ន​កទាំងនោះ​ រួមមាន​ មេ​ដឹក​នាំ​របប​ក្រុង​ភ្នំពេញ លោក ហ៊ុន សែន រ​ដ្ឋ​មន្ត្រី​ក្រសួង​មហាផ្ទៃ​លោក ស ខេង រដ្ឋមន្ត្រី​ក្រសួង​ការពារ​ជាតិ​ លោក​ ទៀ​ បាញ់​ និង​រដ្ឋមន្ត្រី​ជា​ច្រើន​រូប​ផ្សេង​ទៀត។ ចំណែក កូនប្រុស​ច្បង​លោក​ ហ៊ុន​ សែន​ គឺ​លោក ហ៊ុន ម៉ាណែ​ត និង​កូន​ស្រី​លោក ហ៊ុន សែន គឺ​អ្នកស្រី​ ហ៊ុន​ ម៉ា​ណា​ ព្រម​ទាំងកូនប្រសា​រលោក ហ៊ុន សែន គឺ​លោក សុខ ពុទ្ធី​វុធ​ ក៏​មាន​ឈ្មោះ​ក្នុង​បញ្ជី​​ស្នើ​ឱ្យ​ដាក់​ទណ្ឌកម្ម​នោះ​ដែរ។ ទោះ​ជា​យ៉ាង​ណា ច្បាប់​ដាក់​ទណ្ឌកម្មលើ​ក្រុមមេ​ដឹក​នាំ​របប​ក្រុង​ភ្នំពេញ កំពុង​ស្ថិត​ក្នុង​ដៃ​ព្រឹទ្ធសភា​អាមេរិក​ ដោយ​ពុំ​ទាន់​ចូល​ជា​ធរមាន​នៅ​ឡើយ​ទេ

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

crooks try defense its crooks and thieves...keep them in safety cell rather loose on the street

This HSen's senior comrade foreign minister"Prak Sokhon"try to coverup the story for his old crooks and thieves like comradeship Try Pheap and Kung Kim who were in the new blacklists by u.s's R625 with facing ripoff all their frozen assets and ban traveling abroad,including their family ,no anyone can attack to all these crooks and thieves in the last 4+decades oppressive.If,some pple who dare to standoff with all these thuggish will have to wear steel helmet or face arrest,dead threat or toss into prison by without a question"khmer rouge copycat alive".Ta P.Sokhon said it's baseless news and without the evidence.But,we the khmer pple would like to recommend to the u.s authority please don't believe or trust to all these fascist communism at all,there inhuman,disrespect,evil,no believe any god,it is only believe their fascist commie ideology"crooks,thieves,lies,liars,cheater,piracy,scheme,mental illness,irresponsible,serial killer,mafia,criminal minds,fascist dictator and etc"hold them accountable and crab this cobra's neck tightly and behead them off"no more strike us back..

Dec 10, 2019 06:57 PM

គេហទំព័រ​ទាំងមូល