លោក គង់ ម៉ាស់ មិន​សង្ឃឹម​បាន​យុត្តិធម៌​បើ​តុលាការ​នៅ​តែ​ជា​តុលាការ​បម្រើ​នយោបាយ

ដោយ សុជីវី
2022.03.23
លោក គង់ ម៉ាស់ មិន​សង្ឃឹម​បាន​យុត្តិធម៌​បើ​តុលាការ​នៅ​តែ​ជា​តុលាការ​បម្រើ​នយោបាយ លោក គង់ ម៉ាស់ សកម្មជន​គណបក្ស​សង្គ្រោះ​ជាតិ មុន និង​ក្នុង​ពេល​កំពុង​ជាប់ពន្ធនាគារ
រូបភាពពីពលរដ្ឋ

សកម្មជន​គណបក្ស​សង្គ្រោះ​ជាតិ ដែល​កំពុង​ជាប់ឃុំ លោក គង់ ម៉ាស់ មិន​រំពឹង​ថា​ តុលាការ​នឹង​ផ្ដល់​យុត្តិធម៌ ឬ​ដោះលែង​រូប​លោក​ឱ្យ​មាន​សេរីភាព​ឡើងវិញ​ក្នុង​ពេល​ឆាប់ៗ នេះ​ឡើយ ល្គឹកណា​តុលាការ​នៅ​តែ​ជា​តុលាការ ដែល​​បម្រើ​នយោបាយ​​ឱ្យ​គណបក្ស​កាន់​អំណាច។

លោក គង់ ម៉ាស់ បាន​ផ្ដាំផ្ញើ​ពាក្យ​ពេចន៍​ទាំងនេះ​តាម​រយៈ​ប្រពន្ធ​របស់​លោក គឺ​លោក ស្រី កុល សាត នៅ​ពេល​ដែល​លោក និង​សកម្មជន​គណបក្ស​ប្រឆាំង​ម្នាក់​ទៀត គឺ​លោក ខាន់ ប៊ុនផេង ត្រូវ​អាជ្ញាធរ​នាំ​ខ្លួន​​ពន្ធនាគារ​ព្រៃស​ទៅ​តុលាការ ដើម្បី​សាកសួរ​បន្ត​ទៀត​ នៅ​រសៀល ថ្ងៃ​ទី២៣ ខែមីនា​ នេះ។

ប្រពន្ធ​លោក គង់ ម៉ាស់ គឺ​លោកស្រី កុល សាត រៀបរាប់​ប្រាប់​វិទ្យុ​អាស៊ី​សេរី​ភ្លាមៗ ក្រោយ​ចៅក្រម​បញ្ចប់​ការ​សាកសួរ​នោះ​ថា ​ប្ដី​របស់​លោកស្រី​មិន​សប្បាយ​ចិត្ត​នឹង​តុលាការ ដែល​បន្ត​សាកសួរ​ច្រើន​លើក​ច្រើន​សារ ដោយ​ចោទ​សំនួរ​ដដែលៗ។ លោកស្រី​បន្ត​ថា គង់ ម៉ាស់ ចង់​ឱ្យ​តុលាការ​បញ្ចប់​ការ​សាកសួរ ហើយ​បន្ត​នីតិវិធី​កាត់ក្ដី​លោក​ឱ្យ​បាន​ឆាប់ បើ​ទោះ​បី​ជា​លោក​មិន​រំពឹង​ថា តុលាការ​នឹង​ផ្ដល់​យុត្តិធម៌​ដល់​រូបលោក​ឡើយ៖ «

នេះ​ជា​ការសាកសួរ​លើក​ទី៣ ហើយ បន្ទាប់​ពី​លោក គង់ ម៉ាស់ និង​លោក ខាន់ ប៊ុនផេង ត្រូវ​ចាប់​ដាក់​ពន្ធនាគារ កាលពី​ថ្ងៃ​ទី៣១ ខែធ្នូ ឆ្នាំ២០២០ ដោយ​តុលាការ​ចោទ​ប្រកាន់​ពី​បទ​រួម​គំនិត​ក្បត់ ពាក់ព័ន្ធ​នឹង​គម្រោង​វិល​ចូល​ស្រុក​ជា​លើក​ទី២ របស់​មេដឹកនាំ​គណបក្ស​សង្គ្រោះ​ជាតិ កាល​ពី​ដើម​ខែ​មករា ឆ្នាំ២០២១។ នៅ​ចំពោះ​មុខ​ចៅក្រម​ស៊ើបសួរ​អ្នក​ទាំង២ បន្ត​បដិសេធ​រាល់​ការ​ចោទ​ប្រកាន់​របស់​តុលាការ និង​ថា ពួកគេ​មិន​ពាក់ព័ន្ធ​នឹង​សកម្មភាព​របស់​មេ​ដឹកនាំ​គណបក្ស​សង្គ្រោះ​ជាតិ​នៅ​ក្រៅ​ប្រទេស​ឡើយ។

សកម្មជន​បក្ស​ប្រឆាំង​លោក គង់ ម៉ាស់ ធ្លាប់​ជាប់​ពន្ធនាគារ ១៨ខែ និង ១៥ថ្ងៃ ពី​បទ​ញុះញង់ និង​បរិហារកេរ្តិ៍​មន្ត្រី​រាជការ​សាធារណៈ ដែល​លោក​ចាត់​ទុក​ថា ជា​រឿង​អយុត្តិធម៌​ម្ដង​រួច​ទៅ​ហើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។