លោក ហ៊ុន សែន តែងតាំងលោក ហៃ វណ្ណា និងសកម្មជន ១៨នាក់ទៀតជាទីប្រឹក្សា និងជំនួយការ
2024.12.10
ប្រធានព្រឹទ្ធសភា លោក ហ៊ុន សែន (ស្ដាំ) ជួបជាមួយលោក ហៃ វណ្ណា និងសកម្មជនបក្សប្រឆាំងផ្សេងទៀតនៅផ្ទះក្រុងតាខ្មៅ ខេត្តកណ្ដាល កាលពីថ្ងៃទី៣ វិច្ឆិកា ២០២៤។
រូប៖ ហ្វេសប៊ុកលោក ហ៊ុន សែន
មេបក្សកាន់អំណាច លោក ហ៊ុន សែន តែងតាំងសកម្មជនបក្សប្រឆាំងចំនួន ១៩នាក់ដែលបានចុះចូលជាមួយលោកឱ្យធ្វើជាទីប្រឹក្សា និងជំនួយការរបស់លោកក្នុងនាមជាប្រធានគណបក្សប្រជាជនកម្ពុជា។ អ្នកទាំងនោះក៏មាន លោក ហៃ វណ្ណា និងលោកមេធាវី សំ សុគង់ ផងដែរ។ សេចក្តីសម្រេចរបស់គណបក្សប្រជាជនកម្ពុជា ចុះកាលពីថ្ងៃទី៦ ខែធ្នូ តែទើបផ្សព្វផ្សាយនៅថ្ងៃទី០៩ ខែធ្នូ លើកឡើងថា ការតែងតាំងអ្នកទាំងនោះដោយយោងតាមសំណូមពរនៃការងារនាដំណាក់កាលបច្ចុប្បន្ន។
ទាក់ទងរឿងនេះ វិទ្យុអាស៊ីសេរីមិនទាន់អាចសុំការពន្យល់បន្ថែម ពីអ្នកនាំពាក្យគណបក្សប្រជាជនកម្ពុជា លោក សុខ ឥសាន និងលោក ហៃ វណ្ណា លោកមេធាវី សំ សុគង់ រួមទាំងអ្នកចុះចូលផ្សេងទៀត ដែលទទួលបានតួនាទីទីប្រឹក្សា និងជំនួយការរបស់មេបក្សកាន់អំណាច លោក ហ៊ុន សែន នៅពេលនេះទេ នៅថ្ងៃទី៩ ខែធ្នូ។ ទោះយ៉ាងណា អ្នកឃ្លាំមើលរិះគន់ថា ការតែងតាំងអ្នកទាំងនោះ គឺដើម្បីបំបិទសំឡេងប្រឆាំងលោក ហ៊ុន សែន ហើយលោក ហ៊ុន សែន យកអ្នកទាំងនោះមកប្រើ គ្រាន់តែជាលលកធ្នាក់ ដើម្បីដើរអូសទាញសកម្មជនបក្សប្រឆាំងផ្សេងទៀតឱ្យមកចុះចូលជាមួយគណបក្សកាន់អំណាចដើម្បីទទួលលុយ ឬតួនាទី ប៉ុណ្ណោះ។ គិតមកទល់ពេលនេះ នៅមិនទាន់មានសេចក្តីរាយការណ៍ណាមួយថា ក្រុមអ្នកចុះចូលដែលត្រូវលោក ហ៊ុន សែន យកទៅធ្វើជាលលកធ្នាក់ទាំងនេះ ទទួលបានតំណែងផ្លូវការជាមន្ត្រីក្នុងជួររដ្ឋាភិបាលនាយករដ្ឋមន្ត្រីកូន គឺលោក ហ៊ុន ម៉ាណែត នៅឡើយទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
អត្ថបទពេញនិយម
នយោបាយ
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- តុលាការបារាំង បានសាកសួរភរិយាលោក លិម គិមយ៉ា អំពីករណីឃាតកម្មលើលោក លិម គិមយ៉ា
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី