អ្នកវិភាគថា ព្រះរាជសារព្រះមហាក្សត្រឆ្លើយឆ្លងគ្នាជាមួយលោក កឹម សុខា មិនមានអ្វីកត់សម្គាល់ថា ជាសញ្ញាល្អទម្លុះទម្លាយភាពទាល់ច្រកនយោបាយនោះទេ
2021.11.04
ព្រះរាជសារព្រះករុណាសម្តេចព្រះបរមនាថ នរោត្តម សីហមុនី ឆ្លើយតបលិខិតលោក កឹម សុខា ប្រធានគណបក្សសង្គ្រោះជាតិ ថ្វាយព្រះពរក្នុងខួបទី១៧ឆ្នាំ នៃការយាងគ្រងរាជសម្បត្តិ កាលពីថ្ងៃទី២៨ ខែតុលា ២០២១។
រូប៖ RFA
អ្នកវិភាគសង្គមមើលឃើញថា ព្រះរាជសារព្រះករុណាសម្តេចព្រះបរមនាថ នរោត្តម សីហមុនី ឆ្លើយឆ្លងគ្នាជាមួយលោក កឹម សុខា ប្រធានគណបក្សសង្គ្រោះជាតិនោះ មិនមានអ្វីគួរឲ្យកត់សម្គាល់ថា ជាសញ្ញាល្អក្នុងការទម្លុះទម្លាយភាពទាល់ច្រកផ្នែកនយោបាយនៅកម្ពុជានោះទេ។
អ្នកវិភាគ លោក គឹម សុខ ដែលកំពុងភៀសខ្លួននៅក្រៅប្រទេសថា សារឆ្លើយឆ្លងនេះ អាចបង្ហាញពីការខិតខំប្រឹងប្រែងរបស់លោក កឹម សុខា តាមមធ្យោបាយត្រជាក់ ដើម្បីចង់ឲ្យមានកិច្ចសម្របសម្រួលនយោបាយមួយកើតឡើងនៅពេលខាងមុខ។
លោក កឹម សុខា បានថ្វាយព្រះពរព្រះមហាក្សត្រ ក្នុងខួបទី១៧ឆ្នាំ នៃការយាងគ្រងរាជសម្បត្តិ កាលពីថ្ងៃទី២៨ ខែតុលា កន្លងទៅថា លោកសូមថ្វាយព្រះអង្គឲ្យមានព្រះកាយពលរឹងមាំ មានព្រះរាជសុខភាពល្អ ដើម្បីបំពេញព្រះរាជតួនាទី ជាអ្នកធានាឯករាជ្យជាតិ ការគោរពសិទ្ធិមនុស្ស សេរីភាពពលរដ្ឋ និងសន្ធិសញ្ញាអន្តរជាតិ។
ព្រះករុណាព្រះបាទសម្តេចព្រះបរមនាថ នរោត្តម សីហមុនី ឆ្លើយតបវិញលោក កឹម សុខាថា ព្រះអង្គបានទទួលហើយ នូវសារថ្វាយព្រះពរ ដែលមានអត្ថន័យជ្រាលជ្រៅ ក្នុងឱកាសប្រារព្ធខួប១៧ឆ្នាំ នៃការឡើងគ្រងព្រះបរមសិរីរាជសម្បត្តិ។
អ្នកវិភាគ លោក គឹម សុខ បន្តថា ព្រះមហាក្សត្រ ទំនងជាលំបាកក្នុងព្រះរាជហរទ័យដែរ ចំពោះវិបត្តិនយោបាយ ដែលចេះតែអូសបន្លាយបែបនេះ ក៏ប៉ុន្តែព្រះអង្គស្ថិតក្នុងដៃរដ្ឋាភិបាល លោក ហ៊ុន សែន ដែលព្រះអង្គមិនអាចធ្វើអ្វីបាន ឬមិនអាចឆ្លើយតបបានវែងឆ្ងាយជាមួយអ្នកនយោបាយបក្សប្រឆាំង ក្រៅពីការប្រើពាក្យគួរសមក្នុងការឆ្លើយតបបន្តិចបន្តួចប៉ុណ្ណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
នយោបាយ
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- តើកម្ពុជាអាចជម្នះសាងសង់ព្រែកជីកហ្វូណនតេជោបានដែរឬទេ?
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន