គណបក្សកម្លាំងជាតិ នឹងធ្វើសមាជវិសាមញ្ញ នៅថ្ងៃទី១៥ ខែកញ្ញា
2024.09.10
ថ្នាក់ដឹកនាំគណបក្សកម្លាំងជាតិ ក្នុងអង្គសមាជលើកដំបូង កាលពីថ្ងៃទី១២ ខែវិច្ឆិកា ឆ្នាំ២០២៣។
រូប៖ ហ្វេសប៊ុកគណបក្សកម្លាំងជាតិ
គណបក្សកម្លាំងជាតិ នឹងធ្វើសមាជវិសាមញ្ញរបស់ខ្លួននៅថ្ងៃទី១៥ ខែកញ្ញាខាងមុខនេះ នៅទីស្នាក់ការគណបក្សកម្លាំងជាតិ ស្ថិតនៅសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ការប្រកាសនេះ ធ្វើឡើងបន្ទាប់ពីតំណាងគណបក្សកម្លាំងជាតិចំនួន ៤នាក់ រួមមានលោក ផុន សុភា និងលោក ឡេង សេងហុង ជាដើម បានចូលរួមប្រជុំជាមួយតំណាងសាលារាជធានីភ្នំពេញ ស្ដីអំពីការរៀបចំធ្វើសមាជនេះ នៅសាលារាជធានីភ្នំពេញ នៅរសៀលថ្ងៃទី១០ ខែកញ្ញា។
យោងតាមកំណត់ហេតុប្រជុំ សាលារាជធានីភ្នំពេញមិនបានកំណត់ចំនួនអ្នកចូលរួមសមាជនេះឡើយ ប៉ុន្តែគណបក្សកម្លាំងជាតិ គឺជាអ្នកសម្របសម្រួលឲ្យអ្នកចូលរួមមានសមាមាត្រ នឹងទីស្នាក់ការរបស់គណបក្ស។ ចំពោះការការពារសន្តិសុខ និងសុវត្ថិភាព គណបក្សកម្លាំងជាតិទទួលខុសត្រូវផ្នែកខាងក្នុងពិធី ហើយអាជ្ញាធរជាអ្នកការពារសន្តិសុខ សណ្ដាប់ធ្នាប់ផ្នែកខាងក្រៅ ហើយករណីមានជនសង្ស័យគណបក្សកម្លាំងជាតិត្រូវរាយការណ៍ជូនសមត្ថកិច្ច ដើម្បីមានវិធានការ។
កាលពីថ្ងៃទី១២ ខែសីហា រដ្ឋបាលរាជធានីភ្នំពេញ បានចេញលិខិតបដិសេធនឹងសំណើរបស់គណបក្សកម្លាំងជាតិ ដែលស្នើសុំរៀបចំសមាជនៅទីលានប្រជាធិបតេយ្យ នៅថ្ងៃទី២៥ ខែសីហា និងតម្រូវឲ្យគណបក្សកម្លាំងជាតិរៀបចំធ្វើសមាជនៅទីស្នាក់ការបក្សរបស់ខ្លួន។ ប៉ុន្តែកាលពីថ្ងៃទី២០ សីហា សាលារាជធានីភ្នំពេញ បែរជាពុំអនុញ្ញាតឲ្យគណបក្សកម្លាំងជាតិរៀបចំសមាជនៅទីស្នាក់ការបក្សរបស់ពួកគាត់ទៅវិញ ដោយរដ្ឋាភិបាលលើកហេតុផលទាំងគ្មានភស្តុតាងថា មានក្រុមជ្រុលនិយមប៉ុនប៉ងធ្វើបាតុកម្មផ្ដួលរំលំរដ្ឋាភិបាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ប្រធានព្រឹទ្ធសភា លោក ហ៊ុន សែន ចោទទីប្រឹក្សារបស់លោកថា បានយកឈ្មោះលោកទៅបោកប្រាស់អ្នកដទៃ
- ជនជាតិឥណ្ឌា ៦៧នាក់ទៀត ត្រូវបានសង្គ្រោះចេញពីកន្លែងឆបោកតាមអនឡាញនៅកម្ពុជា
- លោក ស៊ុន ចាន់ថុល អះអាងថា ក្រុមហ៊ុនអាមេរិកាំងច្រើនចាប់អារម្មណ៍ចង់មកវិនិយោគនៅកម្ពុជា
- APHR ជំរុញឱ្យកម្ពុជាដោះលែងពលករខ្មែរ នួន តឿន និងអ្នកកាសែត លោក ម៉ិច ដារ៉ា
- អ្នកឃ្លាំមើលសង្គមបារម្ភថា ក្រុម Hacker កូរ៉េខាងជើងចូលលួចយកទិន្នន័យក្នុងស្ថាប័ននៅកម្ពុជាប៉ះពាល់ដល់សន្តិសុខជាតិ
អត្ថបទពេញនិយម
នយោបាយ
- ឧបនាយករដ្ឋមន្ត្រីកម្ពុជាថា នាវាកងទ័ពបរទេសណាក៏អាចចូលចតនៅមូលដ្ឋានទ័ពរាមដែរ
- អង្គការសិទ្ធិមនុស្សថ្កោលទោសរដ្ឋាភិបាលម៉ាឡេស៊ីបញ្ជូនពលករខ្មែរម្នាក់ ឱ្យអាជ្ញាធរកម្ពុជា ដោយសារតែរិះគន់លោក ហ៊ុន សែន
- ការបន្តតែងតាំងកូនៗរបស់មន្ត្រីជាន់ខ្ពស់ក្នុងស្ថាប័នរដ្ឋ «ជានយោបាយសន្តតិវង្ស និងការបែងចែកវណ្ណៈ»
- ក្រុមមេដឹកនាំអាស៊ានផ្ដោតលើការស្វែងរកដំណោះស្រាយភូមា និងបញ្ហាជម្លោះសមុទ្រចិនខាងត្បូង
- តុលាការចោទប្រកាន់ពលករខ្មែរដែលបញ្ជូនពីម៉ាឡេស៊ី ពីបទញុះញង់ និងឃុំខ្លួននៅពន្ធនាគារ