ព័ត៌មាន​សំខាន់​ប្រចាំថ្ងៃ៖ មន្ត្រីជាន់ខ្ពស់​បក្ស​កាន់អំណាច​កំពុង​បែកបាក់​ផ្ទៃក្នុង...

2023.03.11
ព័ត៌មាន​សំខាន់​ប្រចាំថ្ងៃ៖ មន្ត្រីជាន់ខ្ពស់​បក្ស​កាន់អំណាច​កំពុង​បែកបាក់​ផ្ទៃក្នុង... រដ្ឋមន្ត្រី​ក្រសួង​​ការពារជាតិ លោក ទៀ បាញ់។
រូប៖ ហ្វេសប៊ុក​លោក ទៀ បាញ់

អ្នកវិភាគ​និង​មេដឹកនាំ​បក្ស​ប្រឆាំងថា ​មន្ត្រីជាន់ខ្ពស់​បក្ស​កាន់អំណាច​កំពុង​បែកបាក់​ផ្ទៃក្នុង

លោក ទៀ បាញ់ រដ្ឋមន្ត្រី​ក្រសួង​ការពារជាតិ ច្រាន​ចោល​ការ​ប្រកាស​របស់​លោក សម រង្ស៊ី ដែល​ប្រកាស​គាំទ្រ​កូនប្រុស​របស់​លោក ជា​បេក្ខភាព​នាយករដ្ឋមន្ត្រី​។ ទន្ទឹម​នឹង​លោក ទៀ បាញ់ ចេញមុខ​បដិសេធ​ការ​លើកឡើង​របស់​លោក សម រង្ស៊ី នេះ ស្ថាប័ន​កង​យោគ​ពល​ខេមរភូមិន្ទ​ចាប់ពី​ថ្នាក់​មូលដ្ឋាន​ដល់​ថ្នាក់​ជាតិ ចេញ​ញត្តិ​ថ្កោលទោស លោក សម រង្ស៊ី ព្រោងព្រាត។

អាន​ព័ត៌មាន​ពិស្ដារ...

យុវជន​រក​ឃើញ​ការ​នេសាទ​ខុសច្បាប់​និង​លក់​សត្វព្រៃ​តាម​ផ្សារ​ក្នុង​ខេត្តស្ទឹងត្រែង និង​ក្រចេះ

ក្រុម​យុវជន​រក​ឃើញ​ថា ការ​នេសាទ​ខុសច្បាប់ នៅ​តាម​ដង​ទន្លេមេគង្គ និង​ការ​តាំង​លក់​សាច់​សត្វព្រៃ​នៅ​លើ​ទីផ្សារ​នៅតែ​កើតមាន​គួរ​ឱ្យ​ព្រួយ​បារម្ភ ឋិត​ក្នុង​ខេត្ត​ស្ទឹងត្រែង និង​ខេត្តក្រចេះ។ការ​លើកឡើង​នេះ​ក្រោយពី​ពួកគាត់​បាន​ចុះ​ស្រាវជ្រាវ និង​ប្រមូល​ព័ត៌មាន អស់​ជាច្រើន​ខែ ឋិត​នៅ​តំបន់​ផ្នែក​ខាងលើ​នៃ​ទន្លេ​មេគង្គ ចាប់ពី​ទី​រួម​ខេត្តក្រចេះ រហូត​ទល់នឹង​ព្រំដែន​ឡាវ។

អាន​ព័ត៌មាន​ពិស្ដារ...

ក្រុម​ស្ត្រី​ថ្ងៃ​សុក្រ​ដាក់​ញត្តិ​ទៅ​ស្ថានទូត​អឺរ៉ុប និង​អាល្លឺម៉ង់ ឲ្យ​ជួយ​អន្តរាគមន៍​ដោះ​លេង​គ្រួសារ

ក្រុម​ស្ត្រី​ថ្ងៃ​សុក្រ ដែល​ជា​ប្រពន្ធ និង​កូន​របស់​សកម្មជន​គណបក្ស​សង្គ្រោះ​ជាតិ​កំពុង​ជាប់ឃុំ​នោះ នាំគ្នា​ជួបជុំ​ដាក់​ញត្តិ​ទៅ​ស្ថានទូត​អឺរ៉ុប (EU) និង​ស្ថានទូត​អាល្លឺម៉ង់ (German) ដើម្បី​ឲ្យ​ជួយ​អន្តរាគមន៍​ទៅ​រដ្ឋាភិបាល​របស់​លោក ហ៊ុន សែន ឲ្យ​ដោះលែង​សមាជិកគ្រួសារ និង​សកម្មជន​ផ្សេងទៀត ដែល​កំពុង​ជាប់ឃុំ​ក្នុង​ពន្ធនាគារ​ទាំង​អយុត្តិធម៌ ក្រោម​ហេតុផល​នយោបាយ​។ មន្ត្រី​សង្គម​ស៊ីវិល ថា មានតែ​ការ​ជជែក​គ្នា​របស់​អ្នក​នយោបាយ​ទេ ទើប​អាច​ដោះស្រាយ​បញ្ហា​នេះ​បាន។

អាន​ព័ត៌មាន​ពិស្ដារ...

ពលករ​ខ្មែរ​នៅ​ប្រទេស​កូរ៉េខាងត្បូង ត្រូវ​បាន​ថៅកែ​កូរ៉េ​គំរាម​បណ្ដេញ​ចេញ​ពី​ការងារ

ពលករ​ខ្មែរ​នៅ​កូរ៉េ​អំពាវនាវ​ដល់​ស្ថាន​​ទូត​កម្ពុជា​ប្រចាំ​ប្រទេស​កូរ៉េ ឱ្យ​ជួយ​អន្តរាគមន៍​ចំពោះ​ពលករ​ដែល​មក​ធ្វើ​ការ​នៅ​កូរ៉េ​កំពុង​ជួប​ទុក្ខ​លំបាក​ដោយសារ​ថៅកែ​កូរ៉េ​រំលោភ​សិទ្ធិ​ការងារ។ ការ​លើក​ឡើង​នេះ​គឺ​បន្ទាប់​ពី​ថៅកែ​ជន​ជាតិ​កូរ៉េ​ម្នាក់​ស្តី​បន្ទោស និង​គំរាម​បណ្ដេញ​ពលករ​ខ្មែរ​ម្នាក់​គឺ កញ្ញា ថៃ ស្រីឡែន ចេញ​ពី​ការងារ​ទាំង​បំពាន។

អាន​ព័ត៌មាន​ពិស្ដារ...

ស្ថានទូត​អាមេរិក និង​ដៃគូ​អនុវត្ត​យុទ្ធនាការ​ទុក​ដាក់​សំរាម​ឱ្យ​បាន​ត្រឹមត្រូវ

ស្ថានទូត​សហរដ្ឋអាមេរិក សហការ​ជាមួយ​ដៃគូ​ពាក់ព័ន្ធ រួមមាន​ក្រសួង​បរិស្ថាន សាលា​រាជធានី​ភ្នំពេញ ក្រុម​យុវជន និង​វិស័យ​ឯកជន ប្រកាស​ជា​ផ្លូវការ​នូវ​យុទ្ធនាការ «តោះ​និយាយ​ពី​ការ​ទុក​ដាក់​សំរាម»។ យុទ្ធនាការ​នេះ​មាន​គោលបំណង​លើក​ទឹកចិត្ត​ដល់​ពលរដ្ឋ​ខ្មែរ​ឱ្យ​បញ្ឈប់​ការ​ចោល​សំរាម​មិន​ត្រឹមត្រូវ បញ្ឈប់​ការ​ដុត​សំណល់​ប្លាស្ទិក និង​កាត់​បន្ថយ​ការ​ប្រើប្រាស់​ប្លាស្ទិក។

អាន​ព័ត៌មាន​ពិស្ដារ...

សហជីព​ស្នើ​លោក ហ៊ុន សែន ជួប​សន្ទនា​ជាមួយ​កូដករ​ណាហ្គាវើលដ៍​ផ្ទាល់ ជា​ជាង​ការ​ចោទ​ពួក​គាត់​ថា ជា​ក្រុម​បដិវត្តន៍​ពណ៌

ក្រុម​សហជីព​ចង់​ឃើញ​លោក​នាយក​រដ្ឋមន្រ្តី ហ៊ុន សែន បើក​វេទិកា​ជួប​សន្ទនា​ផ្ទាល់​ជាមួយ​ក្រុម​កូដករ​ណាហ្គាវើលដ៍ ដើម្បី​ដោះ​ស្រាយ​បញ្ចប់​វិវាទ​ការងារ ដែល​បាន​អូស​បន្លាយ​អស់​រយៈ​ពេល​ជាង ១ឆ្នាំ​មក​នេះ។ ការ​ស្នើ​នេះ ធ្វើ​ឡើង​ស្រប​ពេល ដែល​សហជីព​ចាត់​ទុក​ការ​ចោទ​ប្រកាន់​របស់​លោក ហ៊ុន សែន លើ​ក្រុម​កូដករ​ណាហ្គាវើលដ៍ ថា​ជា​ក្រុម​ស៊ី​ឈ្នួល​ធ្វើ​បាតុកម្ម គឺ​ជា​កំហុស​ដ៏​ធ្ងន់ធ្ងរ​មួយ។

អាន​ព័ត៌មាន​ពិស្ដារ...

សមត្ថកិច្ច​ខេត្ត​បាត់ដំបង​ដោះលែង​ព្រះអង្គ សយ សាត វិញ នៅ​ល្ងាច​ថ្ងៃ​ទី១០ ខែ​មីនា
សមត្ថកិច្ច​ខេត្ត​បាត់ដំបង​បាន​សម្រេច​ដោះ​លែង ព្រះតេជព្រះគុណ សយ សាត វិញ​ហើយ នៅ​ល្ងាច​ថ្ងៃ​ទី១០ ខែ​មីនា ក្រោយ​ឃុំ​ព្រះ​កាយ​ព្រះ​អង្គ​អស់​រយៈ​ពេល​ជាង ២៤ម៉ោង។ មន្ត្រី​សិទ្ធិមនុស្ស​ស្វាគមន៍​ការ​ដោះលែង​នេះ ​ប៉ុន្តែ​ពួកគេ​ រិះគន់​ថា ការ​ចាប់​ផ្សឹក និង​ការ​ឃុំ​ព្រះ​កាយ​ព្រះ​អង្គ​នេះ​ថា ជា​ការ​ធ្វើ​ទុក្ខ​បុក​ម្នេញ​លើ​ព្រះសង្ឃ ដែល​ធ្វើ​ការងារ​សង្គម។

អាន​ព័ត៌មាន​ពិស្ដារ...

កសិករ​នៅ​បាត់ដំបង​ថា អាជ្ញាធរ​ខ្វះ​តម្លាភាព​គ្រប់គ្រង​ទ្វារ​ទឹក​បណ្ដាល​ឱ្យ​ប៉ះពាល់​ដល់​ការ​ដាំដុះ​ស្រូវ​ស្ទើរ​គ្រប់​រដូវ

ប្រជា​កសិករ​នៅ​ស្រុក​បាណន់​ ខេត្ត​បាត់ដំបង​ ត្អូញត្អែរ​ថា អាជ្ញាធរ​និង​មន្ទីរ​ពាក់ព័ន្ធ​ គ្រប់គ្រង​ទ្វារ​អាងទឹក​កំពីងពួយ​មិន​មើល​ពី​ស្ថានភាព​នៃ​ការ​ដាំដុះ​ស្រូវ​របស់​ពលរដ្ឋ ដោយ​បង្ខាំង​ទឹក​ជ្រុល​ហួសហេតុ​នៅ​រដូវ​ប្រាំង បណ្ដាល​ឱ្យ​ស្រូវ​ងាប់​ជាច្រើន​ហិកតារ។ មន្ត្រី​សង្គម​ស៊ីវិល​ជំរុញ​ឱ្យ​អភិបាល​ស្រុក​ធ្វើ​អន្តរាគមន៍​លើ​បញ្ហា​នេះ ព្រម​ទាំង​ស្នើ​ទៅ​រដ្ឋបាល​ខេត្ត និង​មន្ទីរ​ធនធាន​ទឹក​ គ្រប់គ្រង​ចរន្ត​ទឹក​ដោយ​តម្លាភាព​ដើម្បី​ឱ្យ​ប្រជា​កសិករ​ធ្វើ​ស្រែ​បាន​គ្រប់​រដូវ។

អាន​ព័ត៌មាន​ពិស្ដារ...

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។