ពលករ​នៅ​ថៃ កូរ៉េ និង​ជប៉ុន ទាមទារ​ឱ្យ​ដោះ​លែង​លោក កឹម សុខា ដោយ​គ្មាន​លក្ខខណ្ឌ

ដោយ ថន ថារ៉ូ
2020-01-17
អ៊ីម៉ែល
មតិ
Share
បោះពុម្ព
ក្រុម​ពលករ​ខ្មែរ​នៅ​ប្រទេស​កូរ៉េខាងត្បូង បំផុស​គំនិត​ធ្វើ​យុទ្ធនាការ​ពាក់​ម៉ាស់​ខ្មៅ
ក្រុម​ពលករ​ខ្មែរ​នៅ​ប្រទេស​កូរ៉េខាងត្បូង បំផុស​គំនិត​ធ្វើ​យុទ្ធនាការ​ពាក់​ម៉ាស់​ខ្មៅ
Photo courtesy

ក្រុម​ពលករ​ខ្មែរ កំពុង​ធ្វើ​ការ​នៅ​ប្រទេស​ថៃ កូរ៉េខាងត្បូង និង​ប្រទេស​ជប៉ុន ទាមទារ​តុលាការ​នៃ​របប​ក្រុង​ភ្នំពេញ ឱ្យ​ដោះលែង លោក កឹម សុខា ប្រធាន​គណបក្ស​សង្គ្រោះ​ជាតិ ដោយ​គ្មាន​លក្ខខណ្ឌ​។ ពួកគេ​ហៅ​សវនាការ​កាត់ទោស លោក កឹម សុខា ថា ជា​ការ​បង្កើត​បទល្មើស​ប្រឌិត លាប​ពណ៌ លោក កឹម សុខា ដោយ​គ្មាន​ការ​ខ្មាសអៀន។

ពលការិនី​ផ្នែក​ឃ្លាំង​ស្ដុក​ទំនិញ​ម្នាក់ ស្នាក់នៅ​ខេត្ត​សាមុតប្រាកាន (Samut Prakan) ប្រទេស​ថៃ និង​ជា​សកម្មជន​បក្ស​ប្រឆាំង កញ្ញា ដាំ ស្រីធាន ទាមទារ​របប​ក្រុងភ្នំពេញ បង្គាប់​តុលាការ​អាយ៉ង​របស់​ខ្លួន ឱ្យ​ដោះលែង​លោក កឹម សុខា ជា​បន្ទាន់ និង​គ្មាន​លក្ខខណ្ឌ​។ ពល​ការិនី​រូប​នេះ មិន​ជឿ​ថា លោក កឹម សុខា ក្បត់ជាតិ​ឡើយ​។ កញ្ញា​ហៅ​ការចោទប្រកាន់​នេះ​ថា ជា​ល្បិចកល​របស់​លោក ហ៊ុន សែន ផ្ទាល់ ហើយ​បង្កើត​សវនាការ​ឆាកល្ខោន កាត់ទោស​លោក កឹម សុខា៖ «ខ្ញុំ​ទទួលយក​អត់​បាន​សោះ ដោយសារ​អ្វី លោក​ប្រធាន កឹម សុខា អត់​មាន​ទោស​អ្វី​សោះ​។ ការ​កាត់​ទោស​ហ្នឹង គឺជា​ការ​រៀបចំ​ទោសកំហុស ដើម្បី​ទម្លាក់កំហុស​ឱ្យ​លោក​ប្រធាន កឹម សុខា តែប៉ុណ្ណោះ​។ គួរតែ​ដោះលែង លោក​ប្រធាន កឹម សុខា ហើយ ឱ្យ​គណបក្ស​សង្គ្រោះ​ជាតិ​របស់​ពួក​យើង​ហ្នឹង​រស់​ឡើង​សាជាថ្មី ហើយ​រៀបចំ​ប្រទេស​សាជាថ្មី»

ពលករ​ម្នាក់ទៀត ធ្វើការ​រោងចក្រ​ផ្នែក​ឧស្សាហកម្ម នៅ​ខេត្ត​ស៊ូវុន ប្រទេស​កូរ៉េខាងត្បូង លោក សុខ រដ្ឋា អះអាង​ថា ២​ថ្ងៃ​មកនេះ ពលករ​នាំគ្នា​ជជែក​គ្នា​រឿង​សវនាការ លោក កឹម សុខា ហើយ​ពួកគេ​អស់​សំណើច​នឹង​របប​ក្រុងភ្នំពេញ ដែល​សម្ដែង​ល្ខោន​សវនាការ​មិន​សម​ទំនង ប្រឌិត​បទ​ចោទ​ដាក់​លោក កឹម សុខា ដោយ​គ្មាន​មនុស្ស​ជឿ​។ លោក​ថា ពលករ​នៅ​កូរ៉េខាងត្បូង ក៏​មាន​បំណង​ដូច​ពលរដ្ឋ​ទូទៅ​ដែរ គឺ​ចង់​ឱ្យ​តុលាការ​បញ្ឈប់​ការ​ធ្វើទុក្ខបុកម្នេញ មេ​បក្ស​ប្រឆាំង ស្ដារ​ប្រជាធិបតេយ្យ តាម​ការ​ចង់​បាន​របស់​សហគមន៍​អន្តរជាតិ ដើម្បី​ភាព​រីកចម្រើន​របស់​ពលរដ្ឋ​ខ្មែរ៖ «អើយ​! បើ​តាម​រឿង​ហ្នឹង (​ពលករ​នៅ​កូរ៉េ​) សឹងតែ​១០០% ដែល​គេ​មិន​ជឿ​ទៅលើ​រឿង​អស់ហ្នឹង ព្រោះ យើង​មើល​ឃើញ​ទាំងអស់​គ្នា គាត់​អត់​បាន​ទៅ​កាត់​ដី​ឱ្យ​យួន គាត់​អត់​មានបាន​ទៅ ធ្វើបាប​ប្រជាពលរដ្ឋ គាត់​អត់​មានបាន​ទៅ​លក់​ព្រៃ ទៅ​កាប់​ព្រៃ លក់​ព្រៃ លក់​ឈើ អ្វី ក្បត់ជាតិ វា​អត់​មាន​។ អ៊ីចឹង វា​ឆ្លុះ​បញ្ជាក់​ឱ្យ​ឃើញ​ថា លោក កឹម សុខា គឺ​គាត់​បរិសុទ្ធ​១០០%​ហ្មង​។ អ៊ីចឹង វា​អត់​មាន​នរណា​ជឿ​ថា គាត់​មានទោស ដូច​អ្វី​ជា​ការ​ចោទប្រកាន់​របស់​រដ្ឋាភិបាល​។ វា​គ្រាន់តែ​ជា​រូបភាព​មួយ បាន​បញ្ជាក់​ថា បាន​កាត់ក្ដី​អ្វី​អ៊ីចឹង​ទៅ ព្រោះ​អ្វី​កន្លងមក​អត់​មានការ​ជំនុំជម្រះ​ទេ មានតែ​ការចោទប្រកាន់ ការ​អ្វី អ៊ីចឹង​ទៅ កន្លងមក»

ពលរដ្ឋ​ខ្មែរ​ម្នាក់ទៀត ដែល​មិន​ជឿ​សវនាការ​កាត់ក្ដី លោក កឹម សុខា គឺជា​អ្នក​រស់នៅ​ប្រទេស​ជប៉ុន។ លោកស្រី ណិប បូរ៉ា ដែល​មាន​ស្វាមី​ជា​ជនជាតិ​ជប៉ុន និង​បាន​ទៅ​រស់នៅ​ប្រទេស​ជប៉ុន ក្នុង​គ្រួសារ​របស់​ស្វាមី​ខ្លួន និយាយ​ថា ពលករ និង​អ្នក​រស់នៅ​ប្រទេស​ជប៉ុន គ្មាន​នរណា​ជឿ​លើ​ការ​ប្រឌិត និង​តុលាការ​អាយ៉ង​នៃ​របប​ក្រុងភ្នំពេញ​ឡើយ។

លោកស្រី​ថា សារព័ត៌មាន​ភាសា​ជប៉ុន នៅ​ប្រទេស​ជប៉ុន ក៏​មាន​ចុះផ្សាយ​ពី​ការ​ប្រឌិត​បទល្មើស​ប្រឆាំង​លោក កឹម សុខា នេះ​ដែរ​។ ចំណែក​អ្នក​រស់នៅ​ប្រទេស​ជប៉ុន​វិញ គ្មាន​បាន​សរសើរ​តុលាការ ដែល​យក​លោក កឹម សុខា ជា​មនុស្ស​រងគ្រោះ​មក​កាត់ទោស​ឡើយ គឺ​មានតែ​ចំអក​ឱ្យ​លោក ហ៊ុន សែន​។ លោកស្រី​ជំរុញ​របប​ក្រុងភ្នំពេញ ឱ្យ​ដោះលែង លោក កឹម សុខា និង​ចរចា​គ្នា ដើម្បី​ទទួល​បាន​ការ​អនុគ្រោះ​ពន្ធ (EBA) និង​សាមគ្គី​គ្នា ស្ដារ​ជីវភាព​ពលរដ្ឋ ឱ្យ​ប្រសើរ​ដូច​នៅ​ប្រទេស​ផ្សេង៖ «អត់​មាន​ធ្វើ​អ្វី​ខុសច្បាប់​ផង គាត់​មិនបាន​ធ្វើ​អ្វី​ផង ពិភពលោក ប្រជាជន​អ្នកណា​ក៏​ដឹង​ដែរ ហើយ​ប្រឌិត​ធ្វើជា​រឿង ឱ្យ​ទៅជា​ឡើង​តុលាការ កាត់ក្ដី កាត់​អ្វី ឯណា ពីរ បី​ថ្ងៃ​។ គ្មាន​ជា​សាធារណៈ​ទៀត​។ វា​ដូចជា ទ្រើស​ភ្នែក​ណាស់ ខ្មាស​គេ​ប្រទេសជិតខាង ។ វា​មិនគួរ​ណា ឱ្យ​កើតមាន​លើ​ប្រទេស​កម្ពុជា របស់​យើង​ណា»

ពលករ​ធ្វើការ​នៅ​ប្រទេស​ថៃ កូរ៉េខាងត្បូង និង​ជប៉ុន ក៏​ទទូច​ដូច​ពលរដ្ឋ​ផ្សេងទៀត​ដែរ គឺ​ចង់​ឱ្យ​អ្នកនយោបាយ​បញ្ចប់​ជម្លោះ​គ្នា ហើយ​ចរចា​គ្នា​រក​វិធី​កសាង​ជាតិ ឱ្យ​ម្ចាស់​ឆ្នោត​រស់នៅ​ក្នុង​ភាព​ថ្លៃថ្នូរ មាន​ជីវភាព​ប្រសើរ ដូច​ប្រទេស​ក្បែរ​ខាង​។ ពួកគេ​ស្នើសុំ​ថា អ្នកនយោបាយ​ខ្មែរ​ល្មម​ឈប់​ឈ្លោះ​គ្នា​ទៅ ព្រោះ​ម្នាក់ៗ ចាស់​សក់ស្កូវ រៀងខ្លួន​អស់​ទៅ​ហើយ​។ ពលរដ្ឋ​ថា ការ​ឈ្លោះគ្នា​ដូច​សព្វថ្ងៃ​នេះ មិន​អាច​ធ្វើ​ឱ្យ​ពួកគាត់ រស់​នៅ​មាន​សេចក្ដី​សុខ​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

No one is above the LAW

The current govm'th has no power to take pple's rights away from u,and the govm't can't take away or restrict freedom of speech,freedom of press,freedom of advertising,freedom of assembly,or petition to the govm't.But,unfortunately the right of Cambodians which guaranteed by the national's constitution laws had been violated by one-man-lead and one-man-rule.So,why is access to freedom of expression important-where not talking about the classic examples of challenges to freedom of expression where repressive regime attempt to block,limit and inhibit across populations as a whole rather we are look at cases where in both more and less free societies particular groups face greater barrier to free expression than the wider population such as groups can often be denied and unequal voice,and active and meaningful participation in political to establish and maintaining the rule of law across the globe.The launching point for this exercise was a comparison between the rule and the domestic and international levels.There was general consensus about essential elements that belong to both including equality before the law,restrict observance of due process ,and judicial independence,several participants offered what they personally viewed as a central tenets of the rule of law,whether at the domestic or international levels,sovereignty over arbitrariness is the essential meaning of the rule of law means that NO ONE IS ABOVE THE LAW,including the pm,president,authorities,military"say a judge from a human rights court,or pple court".

Jan 18, 2020 02:46 PM

គេហទំព័រ​ទាំងមូល