១ . ក្រសួងការបរទេស ដកបណ្តឹងរដ្ឋប្បវេណីក្រោយលោក គង់ គាំ បង្ខំចិត្តប្រគល់ដី និងផ្ទះ
ក្រសួងការបរទេសកម្ពុជា តាមរយៈលោក ប្រាក់ សុខុន បានសម្រេចជាផ្លូវការដកបណ្តឹងរដ្ឋប្បវេណីឈប់ប្តឹងផ្តល់អតីតទីប្រឹក្សាជាន់ខ្ពស់របស់គណបក្សភ្លើងទៀន គឺលោក គង់ គាំ តទៅទៀត ជំុវិញសំណុំរឿងប្តឹងរឹបអូសយកដីនិងផ្ទះរបស់លោក គង់ គាំ ទំហំជាង ៥ពាន់ម៉ែត្រការ៉េ នៅរាជធានីភ្នំពេញ។ ដីនិងផ្ទះរបស់លោក គង់ គាំង នេះមានតម្លៃមិនតិចជាង ១០លានដុល្លារ។ អានព័ត៌មានពិស្តារ ...
២ . មេដឹកនាំគណបក្សនយោបាយមួយចំនួនផ្ញើសារនយោបាយផ្សេងៗគ្នានៅថ្ងៃបុណ្យមាឃបូជា
ថ្ងៃបុណ្យមាឃបូជា លោកនាយករដ្ឋមន្រ្តី ហ៊ុន សែន លើកឡើងថា ព្រះពុទ្ធសាសនាបានរួមចំណែកឱ្យមានសុខសន្តិភាព ស្ថិរភាពសង្គម។ ប៉ុន្តែមេដឹកនាំបក្សប្រឆាំងអំពាវនាវឱ្យមេដឹកនាំដែលតាំងខ្លួនចង់បានសន្តិភាពនោះត្រូវយល់ពីអត្តន័យពិត ដោយស្តែងតាមរយៈកាយនិងវាចា។ អានព័ត៌មានពិស្តារ ...
៣ . មេដឹកនាំបក្សប្រឆាំង ចោទរដ្ឋាភិបាលលាក់បាំងបញ្ហាបំណុល
មេដឹកនាំបក្សប្រឆាំងចោទប្រកាន់រដ្ឋាភិបាលលោក ហ៊ុន សែន ថា កំពុងលាក់បាំងអំពើពុករលួយ និងទិន្នន័យពិតប្រាកដនៃបំណុលរបស់ជាតិ និងប្រជាពលរដ្ឋដែលបណ្ដាលឱ្យពលរដ្ឋខ្មែរធ្លាក់ទៅក្នុងបន្ទាត់នៃភាពក្រីក្រ។ អ្នកវិភាគសេដ្ឋកិច្ចថា បំណុលសាធារណៈមិនទាន់ធ្លាក់ក្នុងកម្រិតធ្ងន់ធ្ងរតែបំណុលឯកជននៅកម្ពុជាមានកម្រិតខ្ពស់ដែលតម្រូវឱ្យរដ្ឋាភិបាលយកចិត្តទុកដាក់ដោះស្រាយបញ្ហានេះ។ អានព័ត៌មានពិស្តារ ...
៤ . ពលរដ្ឋជាង៤០នាក់ បន្តចូលរួមដង្ហែធម្មយាត្រាដើម្បីលើកកម្ពស់សីលធម៌សង្គម
ប្រជាពលរដ្ឋជាង៤០នាក់ បន្តចូលរួមដង្ហែធម្មយាត្រា លើកកម្ពស់សីលធម៌សង្គមដែលរៀបចំឡើងដោយសមាគមគ្រូបង្រៀនកម្ពុជាឯករាជ្យ។ ក្រុមប្រជាពលរដ្ឋដែលបានចូលរួមដង្ហែធម្មយាត្រា សំណូមពរដល់អ្នកនយោបាយ ឱ្យបញ្ឈប់ការប្រើប្រាស់អំពើហិង្សា និងសម្ដីអសីលធម៌ទៅវិញទៅមក ដើម្បីលើកកម្ពស់តម្លៃរបស់ខ្លួន និងយុត្តិធម៌នៅក្នុងសង្គមផង។ អានព័ត៌មានពិស្តារ ...
៥ . ក្រុមប្រទេសជាសមាជិកអាស៊ានប្តេជ្ញាប្រែក្លាយតំបន់នេះទៅជាតំបន់មានសន្តិភាព និងស្ថិរភាព
ក្រុមប្រទេសជាសមាជិកអាស៊ាន (ASEAN) ប្រកាសដោយជឿជាក់ថា ពួកគេនឹងអាចប្រែក្លាយតំបន់នេះទៅជាតំបន់មានសន្តិភាព ស្ថិរភាព និងវិបុលភាព នាពេលខាងមុខ។ ការប្រកាសនេះ ធ្វើឡើងក្នុងកិច្ចប្រជុំលើកទី៣២ របស់ខ្លួន និងកិច្ចប្រជុំចង្អៀតថ្នាក់រដ្ឋមន្ត្រីការបរទេសអាស៊ាន ដោយមានក្រុមប្រឹក្សាសម្របសម្រួលអាស៊ាន (ACC) ដែលប្រារព្ធធ្វើឡើងមានរយៈពេលពីរថ្ងៃ គឺនៅថ្ងៃទី៣ និងទី៤ ខែកុម្ភៈ ឆ្នាំ២០២៣ នេះ។ អានព័ត៌មានពិស្តារ ...
៦ . ល្បែងស៊ីសងតាមអនឡាញ ក្នុងមូលដ្ឋានមួយចំនួននៅតែបន្តដំណើរការ
ការភ្នាល់ល្បែងស៊ីសងតាមប្រព័ន្ធអនឡាញ (Online) នៅតែបន្តកើតមានច្រើន ដោយសារតែអាជ្ញាធរមូលដ្ឋានទទួលលុយសំណូកពីម្ចាស់អាជីវកម្មដែលបើកល្បែងភ្នាល់តាមអនឡាញ។ មន្ត្រីសង្គមស៊ីវិលជំរុញដល់រដ្ឋាភិបាលគួរបោសសម្អាតមន្ត្រីពុករលួយតាមមូលដ្ឋានជាមុនសិន ទើបអាចចាត់វិធានការលើល្បែងភ្នាល់តាមអនឡាញនេះមានប្រសិទ្ធភាព។ អានព័ត៌មានពិស្តារ ...
៧ . គណបក្សនយោបាយមួយចំនួនត្រៀមបេក្ខជនរួចរាល់ដើម្បីចុះបញ្ជីឈរឈ្មោះបោះឆ្នោតជ្រើសតាំងតំណាងរាស្ត្រ
គណបក្សនយោបាយដែលទទួលបានប្រិយភាពក្នុងការបោះឆ្នោតឃុំសង្កាត់អាណត្តិ៍ទី៥បានត្រៀមខ្លួនរួចជាស្រេចក្នុងការចុះបញ្ជីគណបក្សនយោបាយឈរឈ្មោះបោះឆ្នោតនិងបេក្ខជនឈរឈ្មោះបោះឆ្នោតសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។
៨ . សង្គមស៊ីវិលរិះគន់រដ្ឋាភិបាលដំឡើងប្រាក់ខែដល់មន្ត្រីរាជការថាជាការកេងចំណេញនយោបាយ
សង្គមស៊ីវិលរិះគន់រដ្ឋាភិបាលថាការដំឡើងប្រាក់ខែដល់មន្ត្រីរាជការស្របពេលការបោះឆ្នោតជិតមកដល់ថា ជាការកេងចំណេញនយោបាយ។ ការរិះគន់នេះធ្វើឡើងក្រោយពេលរដ្ឋាភិបាលប្រកាសដំឡើងប្រាក់ខែក្នុងឆ្នាំ២០២៣ ដល់មន្ត្រីរាជការកងកម្លាំងប្រដាប់អាវុធដែលខកខានជាង២ឆ្នាំ បន្ទាប់ពីការរីករាលដាលនៃជំងឺកូវីត-១៩។
៩ . កញ្ញា ឈឹម ស៊ីថរ មិនខ្លាចជាប់គុកដោយសារទាមទារឲ្យណាហ្គាវើលដ៍គោរពសិទ្ធិសហជីព
សហរដ្ឋអាមេរិក ផ្តល់ពានរង្វាន់អ្នកការពារសិទ្ធិមនុស្ស ដល់មេដឹកនាំសហជីពប្រចាំក្រុមហ៊ុនកាស៊ីណូណាហ្គាវើលដ៍ (Nagaworld) កញ្ញា ឈឹម ស៊ីថរ ដែលកំពុងជាប់ក្នុងពន្ធនាគារព្រៃស។
តើកញ្ញា ឈឹម ស៊ីថរ បានធ្វើអ្វីខ្លះ ដើម្បីការពារអត្ថប្រយោជន៍បុគ្គលិកនិងថាតើមូលហេតុអ្វីបានជាស្ត្រីវ័យក្មេងរូបនេះជ្រើសរើសតួនាទីជាប្រធានសហជីពដែលត្រូវប្រឈមការជាប់ពន្ធនាគារជាលើកទី២? អានព័ត៌មានពិស្តារ ...
១០ . សកម្មជនបក្សភ្លើងទៀននិងពលករខ្មែរនៅប្រទេសថៃប្ដេជ្ញាចិត្តនឹងទៅបោះឆ្នោតថ្នាក់ជាតិដើម្បីស្ដារប្រជាធិបតេយ្យ
សកម្មជនបក្សភ្លើងទៀននិងពលករខ្មែរដែលរស់នៅប្រទេសថៃប្ដេជ្ញាចិត្តថានឹងត្រឡប់ទៅចូលរួមការបោះឆ្នោតថ្នាក់ជាតិនៅពេលខាងមុខដើម្បីស្ដារប្រជាធិបតេយ្យនៅកម្ពុជាឡើងវិញ។ តំណាងរដ្ឋាភិបាលថាកម្ពុជាស្វាគមន៍ប្រជាពលរដ្ឋគ្រប់រូបដើម្បីចូលរួមបោះឆ្នោតជ្រើសតាំងមេដឹកនាំដែលខ្លួនស្រឡាញ់ដោយពុំមានការរឹតត្បិតនោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។