ព័ត៌មាន​សំខាន់ៗ​ចំនួន ៧ ដែល​លោកអ្នក​នាង​គួរ​អាន​នៅ​ថ្ងៃអង្គារនេះ

ដោយ អាស៊ីសេរី
2022.11.28
Share on WhatsApp
Share on WhatsApp
ព័ត៌មាន​សំខាន់ៗ​ចំនួន ៧ ដែល​លោកអ្នក​នាង​គួរ​អាន​នៅ​ថ្ងៃអង្គារនេះ បណ្ឌិត យ៉ង សាំងកុមារ (ឆ្វេង) ឈរថតរូបជាមួយលោក ហ៊ុន សែន ក្រោយប្រកាស​ចុះចូល​ជាមួយ​គណបក្ស​ប្រជាជន​កម្ពុជា។
រូប៖ SPM

. អ្នកវិភាគនិង​យុវជន​យល់ថា បណ្ឌិត យ៉ង សាំងកុមារ ចុះចូលគណបក្ស​កាន់អំណាច​ទំនង​រឿង​នយោបាយ​ច្រើនជាង​ដើម្បី​ជួយ​វិស័យ​កសិកម្ម

អ្នកវិភាគ និង​យុវជនមើលឃើញថា អតីត​មេដឹកនាំ​គណបក្ស​ប្រជាធិបតេយ្យ​មូលដ្ឋាន​ គឺ​បណ្ឌិត យ៉ង សាំងកុមារ និង​លោក ឡឹក សុធារ សម្រេចចិត្ត​ចុះចូល​ជាមួយ​គណបក្ស​កាន់អំណាច​ទំនង​មក​ពី​រឿង​ផ្ទាល់​ខ្លួន និង​នយោបាយ​ច្រើនជាង​ហេតុផល​ដើម្បី​ជួយ​វិស័យ​កសិកម្ម។ ប៉ុន្តែមន្រ្តី​គណបក្ស​ប្រជាជនអះអាងថា ការ​សម្រេច​ចិត្ត​ចូលរួម​ជីវភាព​នយោបាយ​ជាមួយ​ពួកគេ​ ដើម្បី​អភិវឌ្ឍ​វិស័យ​កសិកម្ម​ឱ្យ​ឈាន​ទៅ​មុខ។ អានព័ត៌មានពិស្តារ...

. អាជ្ញាធរ​ក្រុង​ភ្នំពេញ​រារាំង​ក្រុម​យុវជន​ចលនា​មាតា​ធម្មជាតិ ដែល​ចែក​ខិត្តប័ណ្ណ​ផ្សព្វផ្សាយ​ជំរុញ​ឱ្យ​ពលរដ្ឋ​ទៅ​លេង​កោះ​កុង​ក្រៅ

ក្រុម​អាជ្ញាធរ​ខណ្ឌ​ទួលគោក រារាំង​ក្រុម​យុវជន​ចលនា​មាតា​ធម្មជាតិ ខណៈ​ពួកគេ​ចុះ​ទៅ​ចែក​ខិត្តប័ណ្ណ​អំពី​កោះ​កុង​ក្រៅ​ទៅ​ដល់​អ្នក​ដែល​ធ្វើ​ដំណើរ​នៅ​ក្នុង​តំបន់​នោះ នៅ​ថ្ងៃ​ទី២៨ ខែ​វិច្ឆិកា​នេះ។ មន្ត្រី​អង្គការ​សង្គម​ស៊ីវិល​យល់​ឃើញ​ថា ការ​រារាំង​របស់​ក្រុម​អាជ្ញាធរ​នេះ ធ្វើ​ឡើង​ក្នុង​ន័យ​គំរាម​កំហែង​ដល់​ក្រុម​យុវជន ដែល​សកម្ម​ក្នុង​ការ​គិតគូរ​ពី​បរិស្ថាន ធនធាន​ធម្មជាតិ ដែល​ជា​ទ្រព្យ​សម្បត្តិ​របស់​ប្រជាពលរដ្ឋ​ទាំង​អស់​គ្នា។ អានព័ត៌មានពិស្តារ...

. សមាជិក​សភា​ជាន់ខ្ពស់​អូស្ត្រាលី ទាមទារ​ឲ្យ​ដោះលែង​មេដឹកនាំ​សហជីព​កញ្ញា ​ឈឹម ស៊ីថរ

សមាជិក​សភា​ជាន់ខ្ពស់​អូស្ត្រាលី​ ទាមទារ​ឲ្យ​រដ្ឋាភិបាល​អូស្ត្រាលី ជួយ​អន្ត រាគមន៍​ទៅ​រដ្ឋាភិបាល​លោក ​ហ៊ុន សែន ឲ្យ​ដោះលែង​មេដឹកនាំ​សហជីព ​ប្រចាំ​ក្រុមហ៊ុន​កាស៊ីណូ​ណាហ្គាវើលដ៍ (Naga world) កញ្ញា ឈឹម ស៊ីថរ ​ឲ្យ​មាន​សេរីភាព​ឡើងវិញ។ មន្ត្រី​សហជីព ​យល់ថា​ រដ្ឋាភិបាល ​គួរតែ​ប្រគល់​សេរីភាព​ជូន​កញ្ញា ឈឹម ស៊ីថរ ​ឡើងវិញ ​ព្រោះ​ការ​ចាប់​ឃុំ​ខ្លួន​​ស្ត្រី​សហជីព​វ័យ​ក្មេង​នេះ គ្មាន​ផល​ចំណេញ​អ្វី​ឡើយ ប៉ុន្តែ​កាន់តែ​ធ្វើឲ្យ​រដ្ឋាភិបាល​ ទទួល​រង​នូវ​ការរិះគន់​និង​ភាព​អាម៉ាស់​ថែម​ទៀត។ អានព័ត៌មានពិស្តារ...

. ពលរដ្ឋ និង​ព្រះសង្ឃ​នៅ​កម្ពុជាក្រោម​ព្យាយាម​បង្រៀន​អក្សរ​ខ្មែរ​ដល់​កុមារ​ខ្មែរ​ដើម្បី​រក្សា​អត្តសញ្ញាណ​ជាតិ

ពលរដ្ឋ និង​ព្រះសង្ឃ​នៅ​កម្ពុជាក្រោម ​ព្យាយាម​បង្រៀន​អក្សរ​ខ្មែរ​ដល់​កូនចៅ​ដើម្បី​រក្សា​អត្តសញ្ញាណ​ជាតិ និង​ដើម្បី​លើក​កម្ពស់​វប្បធម៌ អរិយធម៌​ខ្មែរ។ ខ្មែរ​ក្រោម​តែង​ដាស់តឿន​កូនចៅ​ឲ្យ​ទៅ​រៀន​អក្សរ​ខ្មែរ​នៅ​តាម​វត្តអារាម ដែល​មាន​ព្រះសង្ឃ និង​គ្រូ​ជា​អ្នកបង្រៀន ដោយ​មិន​គិត​ពី​ការ​នឿយហត់។ គ្រូបង្រៀន​នៅ​កម្ពុជាក្រោម ​ខិតខំ​បណ្ដុះបណ្ដាល​កុមារ​ខ្មែរ​ក្រោម​ឲ្យ​ចេះ​អក្សរ​សាស្ត្រ​ជាតិ ដោយ​មិន​គិត​ពី​ប្រាក់ខែ​ឡើយ។ អានព័ត៌មានពិស្តារ...

. ជនជាតិ​អូស្ត្រាលី​ដើមកំណើត​ខ្មែរ​បន្តជាប់​ឆ្នោត​ជា​សមាជិក​សភា​មួយ​អាណត្តិ

ពលរដ្ឋ​អូស្ត្រាលី​ដើមកំណើត​ខ្មែរ​មួយ​រូប គឺលោក តាក់ ម៉េងហ៊ាង បន្តជាប់ឆ្នោត​ជាសមាជិក​សភា​មួយ​អាណត្តិ​ទៀត នៅរដ្ឋវិចតូរីយ៉ា (Victoria) ។លោក ប្ដេជ្ញាបន្តខិតខំ​ជួយដោះស្រាយ​បញ្ហា​សហគមន៍​ខ្មែរ និង​សហគមន៍​ជាតិសាសន៍ដទៃទៀត ឲ្យកាន់តែ​ប្រសើរ​ឡើង​ថែម​ទៀត។ តើលោក តាក់ ម៉េងហ៊ាង មានប្រវត្តិ​បែបណា និង​បាន​ធ្វើអ្វីខ្លះដើម្បី​សហគមន៍ខ្មែរ? អានព័ត៌មានពិស្តារ...

. ជនជាតិ​ដើម​ចារ៉ាយ ៣ភូមិ ខេត្តរតនគិរី​ត្អូញថយចុះ​ទិន្នផលត្រី​ដោយសារ ​បទល្មើស​នេសាទ​កើន​ឡើង
ជនជាតិដើមភាគតិច​ចារ៉ាយ​ជាច្រើន​គ្រួសារ រស់នៅក្នុង​ភូមិចំនួនក្នុងខេត្តរតនគិរី​កៀកព្រំដែន​ប្រទេស​វៀតណាម ត្អូញត្អែរ​ពីការ​ថយចុះ​ទិន្នផលត្រី តាមដង​ទន្លេសេសាន ដោយសារ​បទល្មើស​នេសាទ​នៅតែ​កើតមាន​ច្រើន។ អ្នកភូមិថា អាជ្ញាធរមូលដ្ឋានខេត្តនេះ មិនអើពើ​បង្ក្រាប​បទល្មើស​នេសាទ​ទាំង​នេះ នោះទេ។ អានព័ត៌មានពិស្តារ...

. ពលរដ្ឋ​រស់នៅ​ខេត្តបាត់ដំបង រិះគន់​អាជ្ញាធរ​យក​ដី​សួន​ច្បារ ​ទៅ​ធ្វើ​ផ្សារ​រាត្រី

ពលរដ្ឋនៅខេត្តបាត់ដំបង រិះគន់​អាជ្ញាធរខេត្តនេះ យកដីសួនច្បារ​សាធារណៈរបស់រដ្ឋ ទៅ​ធ្វើ​ជា​ផ្សារ​រាត្រី។ ប្រតិកម្ម​របស់​ពលរដ្ឋនេះ ធ្វើឡើង​បន្ទាប់ពី​អាជ្ញាធរ​ខេត្តបាត់ដំបង រុះរើដីសួនច្បារ​មុខអតីត​សណ្ឋាគារ​តេអូ ដើម្បី​អភិវឌ្ឍន៍​ទៅជា​ផ្សារ​រាត្រី។ មន្ត្រីសង្គមស៊ីវិល យល់ថា អាជ្ញាធរ​ខេត្តគួរ​គិតគូ​ឡើងវិញ​ អំពី​សំណូមពរ​របស់​ពលរដ្ឋ និងគួរមាន​កិច្ចពិគ្រោះយោបល់​ជាមួយ​ពលរដ្ឋ​ជា​មុន​សិន។ អានព័ត៌មានពិស្តារ...

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។