លោក​ ទៀ បាញ់ ​បញ្ជា​ឲ្យ​កងទ័ព​បង្ក្រាប​សកម្មជន​​គណបក្ស​​សង្គ្រោះ​ជាតិ

ដោយ មាន ឫទ្ធិ
2019-10-14
អ៊ីម៉ែល
មតិ
Share
បោះពុម្ព
លោក ទៀ បាញ់ រដ្ឋមន្ត្រីក្រសួង​ការពារ​ជាតិ។
លោក ទៀ បាញ់ រដ្ឋមន្ត្រីក្រសួង​ការពារ​ជាតិ។
រូប៖ ហ្វេសប៊ុក General TEA Banh

ប្រមុខ​ការពារ​ជាតិ​របប​ក្រុង​ភ្នំពេញ ចេញ​បញ្ជា​ឲ្យ​កងទ័ព​សហការ​គ្នា ដើម្បី​ចាត់​វិធានការ​បង្ក្រាប​លោក សម រង្ស៊ី និង​អ្នក​គាំទ្រ ដែល​លោក​ចោទ​ថា ប៉ុនប៉ង​ធ្វើ​រដ្ឋ​ប្រហារ​ផ្ដួល​រំលំ​រដ្ឋាភិបាល​ដឹក​នាំ ដោយ លោក ហ៊ុន សែន។ សង្គម​ស៊ីវិល និង​តំណាងរាស្ត្រ​គណបក្ស​សង្គ្រោះ​ជាតិ ចាត់​ទុក​ថា បទ​បញ្ជា របស់​លោក ទៀ បាញ់ ជា​រឿង​ខុស​ច្បាប់ ព្រោះ​កងទ័ព​សម្រាប់​ការពារ​ជាតិ មិន​មែន​សម្រាប់​បង្ក្រាប ពលរដ្ឋ​ខ្មែរ​នោះ​ទេ។

រដ្ឋមន្ត្រី​ក្រសួង​ការពារ​ជាតិ លោក ទៀ បាញ់ ចេញ​បញ្ជា​ឲ្យ​មេបញ្ជាការ មេបញ្ជាការ​រង និង​ពល​ទាហាន​នៃ​កងពល​តូច​លេខ៧០ ព្រម​ទាំង​កងទ័ព​ទាំង​អស់ ត្រូវ​សហការ​ជាមួយ​ក្រសួង ស្ថាប័ន មាន​សមត្ថកិច្ច និង​អាជ្ញាធរ​ដែន​ដី​គ្រប់​លំដាប់​ថ្នាក់ ដើម្បី​ចាត់​វិធានការ​បង្ក្រាប​ប្រធាន​ស្ដីទី​គណបក្ស​សង្គ្រោះ​ជាតិ​លោក សម រង្ស៉ី និង​អ្នក​គាំទ្រ​នៅ​គ្រប់​ទីកន្លែង​ទាំង​អស់។ លោក ទៀ បាញ់ ចោទ​លោក សម រង្ស៊ី ថា បាន​ឆ្លង​ផុត​បន្ទាត់​ក្រហម តាម​រយៈ​ការ​អំពាវនាវ​​​អូស​ទាញ​ពលរដ្ឋ និង​កង​កម្លាំង​ប្រដាប់​អាវុធ ឲ្យ​​ចូលរួម​​ក្រោក​​ឈរ​​តវ៉ា​​ក្នុង​​ចេតនា​​ប៉ុនប៉ង​​ធ្វើ​​រដ្ឋប្រហារ​​ទម្លាក់​​​លោក ហ៊ុន សែន។ បទ​បញ្ជា​ផ្ទាល់​មាត់​នេះ ធ្វើ​ឡើង​ក្នុង​ពិធី​ប្រារព្ធ​ខួប ២៥ឆ្នាំនៃថ្ងៃបង្កើតកងពល​​តូច​លេខ៧០ នៅ​​ព្រឹក​ថ្ងៃ​ទី១៤ ខែ​តុលា នៅ​ឯ​បញ្ជាការដ្ឋាន កងពល​តូច​លេខ​៧០ ដោយ​​មាន​ការ​​បង្ហាញ​​ក្បួន​​យោធា រថក្រោះ និង​​អាវុធ​​ធុន​​ធ្ងន់​​ដទៃ​​ទៀត៖ «»

រី​ឯ​មេបញ្ជាការ​រង​កងទ័ព​ជើង​គោក និងជាមេបញ្ជាការកងពលតូចលេខ៧០ លោក ម៉ៅ សុផាន់ បាន ប្រកាស​ប្ដេជ្ញា​ចំពោះ​មុខ​លោក ទៀ បាញ់ ថា កងពល​របស់​លោក​ត្រៀម​ខ្លួន​ជា​និច្ច ដើម្បី​វាយ​កម្ទេច​រាល់​ការ​ឃុបឃិត ប៉ុនប៉ង​បំផ្លាញ​សន្តិភាព និង​ឧបាយកល​បង្កើត​ឲ្យ​មាន​បដិវត្តន៍​ពណ៌​លើ​ទឹក​ដី​កម្ពុជា ព្រម​ទាំង​ប្រឆាំង​ដាច់ខាត ចំពោះ​ការ​ជ្រៀត​ជ្រែក​កិច្ចការ​ផ្ទៃក្នុង​កម្ពុជា​ពី​មជ្ឈដ្ឋាន​ខាង​ក្រៅ៖ «»

ការ​ចេញ​បទបញ្ជា​ជា​បន្ត​បន្ទាប់​របស់​ក្រុម​មេទ័ព​របប​ក្រុង​ភ្នំពេញ​នេះ គឺ​បន្ទាប់​ពី​ប្រធាន​ស្ដីទី​គណបក្ស​សង្គ្រោះ​ជាតិ លោក សម រង្ស៊ី ប្រកាស​វិល​ចូល​កម្ពុជា​វិញ​នៅ​ថ្ងៃ​ទី៩ ខែ​វិច្ឆិកា ដើម្បី​ស្ដារ​លទ្ធិ​ប្រជាធិបតេយ្យ និង​ការ​គោរព​សិទ្ធិមនុស្ស។

តំណាង​រាស្ត្រ​គណបក្ស​សង្គ្រោះជាតិ លោក អ៊ុំ សំអាន មាន​ប្រសាសន៍​ថា តាម​ច្បាប់ គឺ​កងទ័ព​ត្រូវ រក្សា​អព្យាក្រឹតភាព មិន​កាន់​ជើង​គណបក្ស​ណាមួយ​ទេ ប៉ុន្តែ​លោក ទៀ បាញ់ កំពុង​ប្រើប្រាស់​កង ទ័ព​ជា​ឧបករណ៍​ការពារ​អំណាច​លោក ហ៊ុន សែន និង​ក្រុម​គ្រួសារ​លោក ហ៊ុន សែន។ លោក​យល់​ថា លោក ទៀ បាញ់ គួរ​តែ​យក​កងទ័ព​ទៅ​ការពារ​ព្រំដែន​ជាមួយ​ប្រទេស​ជិត​ខាង កុំ​ឲ្យ​បរទេស​ឈ្លាន​ទឹក​ដី​កម្ពុជា មិន​មែន​ប្រើ​កងទ័ព សម្រាប់​បាញ់​បង្ក្រាប​ពលរដ្ឋ​ខ្មែរ​ស្លូត​ត្រង់​ ដែល​គ្រាន់​តែ​អនុវត្ត​សិទ្ធិ​ស្រប​ច្បាប់​របស់​ខ្លួន​នោះ​ទេ។ មន្ត្រី​ជាន់​ខ្ពស់​បក្ស​ប្រឆាំង​រូប​នេះ បញ្ជាក់​ថា ការ​ប្រើប្រាស់​កង​កម្លាំង​ប្រដាប់​អាវុធ​ទៅ​បាញ់​បង្ក្រាប​ពលរដ្ឋ ដែល​អត់​មាន​អាវុធ​ក្នុង​ដៃ​នោះ គឺជា​អំពើ​ខុស​ច្បាប់​ធ្ងន់ធ្ងរ ហើយ​ក្រុម​មេ​ដឹក​នាំ​របប​លោក ហ៊ុន សែន នឹង​មិន​អាច​គេច​ផុត​ពី​សំណាញ់​ច្បាប់​អន្តរជាតិ​ឡើយ។

ដោយ​ឡែក​ពលរដ្ឋ និង​ក្រុម​អង្គការ​សង្គម​ស៊ីវិល ក៏​បាន​បញ្ចេញ​ប្រតិកម្ម​ថា របប​ក្រុង​ភ្នំពេញ គួរ​តែ​បញ្ឈប់​ការ​ប្រើ​ពាក្យ​វាយ​កម្ទេច​ត​ទៅ​ទៀត ព្រោះ​ពាក្យ​នេះ​ពួក​ខ្មែរ​ក្រហម​ធ្លាប់​ប្រើ និង​អនុវត្ត​លើ​​ប្រជាពលរដ្ឋ​ខ្មែរ​ស្លូត​ត្រង់​ស្ទើរ​តែ​ផុត​ពូជ​ខ្មែរ​ម្ដង​រួច​មក​ហើយ។

មន្ត្រី​គម្រោង​នៃ​មជ្ឈមណ្ឌល​ប្រជា​ពលរដ្ឋ​ដើម្បី​អភិវឌ្ឍ​និង​សន្តិភាព លោក ហេង គឹមហុង ថ្លែង​ថា ស្ថានភាព​កម្ពុជា​បច្ចុប្បន្ន មិន​គួរ​រដ្ឋាភិបាល​ចេញ​បញ្ជា​ឲ្យ​ប្រើប្រាស់​កម្លាំង​យោធា​នោះ​ទេ ព្រោះ​កម្លាំង​យោធា​ប្រើ​សម្រាប់​តែ​ក្នុង​ពេល​មាន​ទំនាស់​តាម​ព្រំដែន និង​កន្លែង​ណា ដែល​ច្បាប់​អនុញ្ញាត ប៉ុណ្ណោះ។ លោក​យល់​ថា ឲ្យ​អ្នក​នយោបាយ​ខ្មែរ​ល្មម​ដល់​ពេល​ជែក​ផ្សះផ្សា​គ្នា ដើម្បី​កុំ​ឲ្យ​បែក​បាក់​ជាតិ និង​កុំ​ឲ្យ​ពលរដ្ឋ​រង​គ្រោះ​ដូច​សម័យ​ខ្មែរ​ក្រហម​ម្ដង​ទៀត៖ «»

ទាក់ទង​នឹង​ករណី​នេះ ប្រធាន​វេទិកា​អនាគត លោក អ៊ូ វីរៈ ក៏​បង្ហោះ​សារ​នៅ​លើ​ហ្វេសប៊ុក ស្នើសុំ​ឲ្យ​រដ្ឋាភិបាល​ចៀសវាង​ប្រើ​ពាក្យពេចន៍ ដែល​រំលឹក​ដល់​អតីតកាល​ខ្មៅ​ងងឹត។

បើ​ទោះ​មានការ​គំរាមកំហែង និង​ចាប់ខ្លួន​សកម្មជន​បក្ស​ប្រឆាំង​រាល់ថ្ងៃ​ក៏ដោយ មេ​បក្ស​ប្រឆាំង​លោក សម រង្ស៊ី នៅ​តែ​រក្សា​ជំហរ​ថា លោក និង​ថ្នាក់ដឹកនាំ​គណបក្ស​ប្រឆាំង គ្មាន​ការ​រួញរា ចំពោះ​ការ​វិល​ចូល​ស្រុក​វិញ​នោះ​ទេ នៅ​ថ្ងៃ​ទី៩ ខែ​វិច្ឆិកា​។ លោក សម រង្ស៊ី អះអាង​ថា វត្តមាន​របស់​លោក ​នឹង​ធ្វើ​ឱ្យ​កម្ពុជា​មានការ​ផ្លាស់​ប្ដូរ​ មាន​ប្រជាធិបតេយ្យ​ និង​ការ​គោរព​សិទ្ធិមនុស្ស​ឡើងវិញ ​ព្រមទាំង​ដោះស្រាយ​បញ្ហា​ប្រឈម​ទាំងឡាយ​របស់​ជាតិ​ ដែល​របប​លោក​ ហ៊ុន​ សែន​មិន​អាច​ដោះស្រាយ​បាន ​ជាពិសេស ​គឺ​ជួយ​កុំ​ឱ្យ​​មាន​ការ​​ដក​​ប្រព័ន្ធ​​អនុគ្រោះ​​ពន្ធ EBA

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

Sror Nors

ពី Poi Pet

មតិ៖
ខ្ញុំយល់ឃើញថា ការបង្រ្កាបទៅលើអ្នកតវ៉ាខ្មែរខាងមុខ
គឺមិនសមទេ ព្រោះអ្នកដែលតវ៉ាគឺជាខ្មែរដែល មិន
សប្បាយចិត្តនឹងរបបមួយ ដែលធ្វើអោយមនុស្សរងទុក្ខ
គេមិនពេញចិត្តជាច្រើនចំណុច ដែលរដ្ឋបានបង្កឡើង។
១.ដូចជារំលាយ បក្សប្រឆាំងធំមួយ ដោយចោទប្រកាន់
ថា ក្បត់ជាតិ។ ខ្ញុំមិនបានយល់ស្រប់នឹងការចោទទេ
២.​ព្រៃឈើ ដែលបានបំផ្លាញយ៉ាងខ្លាំង។ ៣. រឿងដីធ្លី
ដែលប្រជាជន ត្រូវបានដេញចេញពីដីនឹងផ្ទះរបស់គាត់។ នឹងផ្សេងៗទៀត ដូច្នេះការតវ៉ាគឺជាសិទ្ធស្រប់
ច្បាប់របស់ពួកគាតិ។
សូមអរគុណដែលបានអាន។

Oct 16, 2019 01:35 AM

អ្នក​អាន​អនាមិក

ឥឡូវនេះដល់ពេលយើងយកអាមាន់ស្ងោរមកក្លែមហើយ
ថ្ងៃទី ៩ ខែវិច្ឆិកា ២០១៩

Oct 15, 2019 07:47 AM

Ge.TBanh says comrade Hun Sen fleeing to eastern Europe and fears all military men/officers will arrest him

Ge.TBanh's secret reveals latest news claims that comrade Hun Sen is escaping to eastern Europe communist counties for looking asylum before opposition leaders return home.Because,he was concerning about his own safety at home,despite the political crisis and escalating between him and opposition party leaders return home.Hun Sen knew clearly that his unofficial pm,unofficial govm't,and unrecognized by international community that made him hard to make a change.If,he decides to accept The EBA/GPS sanctions coming,there everything will cause him out of power with dead treat,or face a justice at ICC.Ge.TBanh repeats that comrade Hun Sen fears the most khmer military men/officers will arrest and brought him to justice,that why he try to flees the country before everything lockup.In his departure to eastern communist countries at this political crisis at home is not for any politic reason,but just looking for a safe haven rather better around countries in southeast Asia region.An anonymous who working at P Penh airport reported suspicious that Hun Sen and his left-wing men taken 5 pallets fulled of gold bars with them+millions dollars cashes sealed tightly by plastics wrapped"secret unrecognized items".Why dictator Hun Sen try to flee to other country,because if he accepts the EBA/GPS sanctions+reinstall the democracy system+release opposition party leader Kem Sokha+other political unrest+set a new fair election by international community observers,superpowers,UN there he thought no way he's gonna win at all,because he got the power by used physical forced ,or coup d'etat in the last 4 decades repression.Ge.TBanh appealing to all dear beloved Khmer pple inside and abroad must stay stronger than before and unity as one khmer,one nation,one god and one goal to move our country forward by a new leadership.

Oct 14, 2019 03:27 PM

គេហទំព័រ​ទាំងមូល