គណបក្សប្រឆាំងថា យុទ្ធនាការជាវប័ណ្ណនាឡិកាលោក សម រង្ស៊ី បានបង្កើនគោលដៅឲ្យបាន ៤ ម៉ឺនប័ណ្ណ
2021.05.24
លោក សម រង្ស៊ី ប្រធានស្ដីទីគណបក្ស សង្គ្រោះជាតិ និងលោក ហ៊ុន សែន ប្រធានគណបក្ស ប្រជាជនកម្ពុជា។
ចំនួនអ្នកជាវប័ណ្ណនាឡិកាលោក សម រង្ស៊ី បានកើនដល់ជាង ៣ ម៉ឺនសន្លឹកហើយ ក្នុងរយៈពេល១សប្ដាហ៍។
គណៈកម្មាការរៀបចំជាវនាឡិការបស់លោក សម រង្ស៊ី គឺលោក ទេព មនោរម្យ ឲ្យដឹងថា គណៈកម្មការកំពុងតែរៀបចំបោះពុម្ពប័ណ្ណចំនួន១ម៉ឺនសន្លឹកថែមទៀត ដោយសារតែក្នុងរយៈពេលប៉ុន្មានថ្ងៃមកនេះ ចំនួនអ្នកជាវប័ណ្ណនៅតែមានសន្ទុះកើនឡើងខ្លាំង។ លោកបញ្ជាក់ថា ឥលូវនេះ គណៈកម្មការ បានបង្កើនគោលដៅឲ្យបាន ៤ ម៉ឺនប័ណ្ណ រហួតដល់ថ្ងៃទី៦ ខែមិថុនា ដែលជាថ្ងៃផុតកំណត់។
លោក ទេព មនោរម្យ បន្ថែមថា គណៈកម្មការបានកំណត់រយៈពេលបីថ្ងៃបូកសំរុបចំនួនអ្នកជាវប័ណ្ណម្ដង។
ចំពោះថវិកាដែលប្រមូលបានពីការជាវប័ណ្ណនាឡិកាលោក សម រង្ស៊ី នេះវិញ នឹងចែកជូនពលរដ្ឋដែលដាច់ស្បៀងក្នុងមួយគ្រួសារពី១០ម៉ឺនរៀល ឬលើសពីនេះ អាស្រ័យសមាជិកគ្រូសារតិចឬច្រើន។ លោកបញ្ជាក់ថា ការចែកថវិកាពីការលក់នាឡិកាលោក សម រង្ស៊ីនេះ ជារឿងមនុស្សធម៌សុទ្ធសាធ។ ការចែកថវិកាជូននេះទៀត ក៏មិនរើសអើងគណបក្សនយោបាយអ្វីដែរ។ លោកបន្ថែមថា បើសិនជាមេភូមិ មកពីគណបក្សប្រជាជនកម្ពុជា ចង់យកថវិកានេះទៅចែកក៏គណៈកម្មការព្រមដែរ តែត្រូវមានតម្លាភាពច្បាស់លាស់។
លោកបន្ថែមថា វិធីសាស្រ្តចែកថវិកាមនុសុ្សធម៌នេះ មានពីរប្រភេទ ទី១ គឺចែកជាលក្ខណៈសម្ងាត់ ដើម្បីជៀសវាងអាជ្ញាធររបបលោក ហ៊ុន សែន ហាមឃាត់។ តែបើសិនជា ការចែកជាសម្ងាត់នេះ មិនបានទៀត គណៈកម្មការនឹងចែកដោយបើកចំហរ ដើម្បីបង្ហាញថា តើរបបឯកបក្សរិតត្បិតដូចម្ដេចខ្លះ។
យុទ្ធនាការជាវប័ណ្ណនាឡិកាដៃលោកសម រង្ស៊ី បានចាប់ផ្ដើមពីថ្ងៃទី១៦ ខែឧសភា។ លោក សម រង្ស៊ី នឹងចាប់យកប័ណ្ណតែមួយសន្លឹកក្នុងចំណោមប័ណ្ណរាប់ម៉ឺនសន្លឹកនេះ ដើម្បីរកអ្នកដែលមានសំណាងបាននាឡិការបស់លោកសមរង្ស៊ី ម៉ាកកាស្យូ (CASIO) ផលិតនៅប្រទេសជប៉ុន ដែលមានថ្លៃដើមប្រមាណ ២៥ ដុល្លារ ឬ ១០ម៉ឺនរៀល។ ប័ណ្ណនីមួយៗមានលេខសម្គាល់នៅលើនោះ។ អ្នកជាវប័ណ្ណទាំងអស់ត្រូវរក្សាទុកលេខសម្គាល់នៅលើប័ណ្ណរៀងៗខ្លួន ដើម្បីផ្ទៀងផ្ទាត់នៅពេលលោកសម រង្ស៊ី បង្ហាញការចាប់យកសន្លឹកប័ណ្ណ និងប្រកាសលទ្ធផល នៅថ្ងៃទី៦ ខែមិថុនា។
ថវិកាទាំងអស់ដែលបានមកពីការជាវប័ណ្ណនេះ លោក សម រង្ស៊ី អះអាងថា នឹងយកចែកជូនអ្នកដែលដាច់ស្បៀង ដោយសារតែរដ្ឋាភិបាលបិទខ្ទប់ ក្នុងពេលវិបត្តិជំជឺកូវីដ១៩។ លោក សម រង្ស៊ី បានធ្វើយុទ្ធនាការនេះឡើង ក្រោយលោកជំរុញឲ្យលោកនាយករដ្ឋមន្ត្រី ហ៊ុន សែន លក់នាឡិកាដៃទំនើបៗរបស់លោកជាច្រើន គ្រឿងដែលមានតម្លៃរហូតដល់រាប់លានដុល្លារ ដើម្បីយកលុយទាំងនោះ មកជួយពលរដ្ឋក្រីក្រដែលកំពុងរងគ្រោះដោយសារជំងឺកូវីដ១៩៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា