សហរដ្ឋ​អាមេរិក​អំពាវនាវ​ជា​ថ្មី​ទៀត ឱ្យ​មាន​ការ​ដោះលែង​លោក កឹម សុខា

ដោយ ហេង រស្មី
2019-09-10
អ៊ីម៉ែល
មតិ
Share
បោះពុម្ព
អ្នក​ស្រី ម៉ូហ្គែន អរថាហ្គឺស (Morgan Ortagus) អ្នក​នាំ​ពាក្យ​ក្រសួង​ការបរទេស​អាមេរិក ថ្លែង​ក្នុង​វីដេអូ​ខ្លី​ ដែល​ត្រូវ​បាន​បង្ហោះ​លើ​ទំព័រ​ហ្វេសប៊ុក​របស់​ស្ថានទូត​អាមេរិក​ប្រចាំកម្ពុជា នៅថ្ងៃទី១០ ខែ​កញ្ញា ឆ្នាំ២០១៩។
អ្នក​ស្រី ម៉ូហ្គែន អរថាហ្គឺស (Morgan Ortagus) អ្នក​នាំ​ពាក្យ​ក្រសួង​ការបរទេស​អាមេរិក ថ្លែង​ក្នុង​វីដេអូ​ខ្លី​ ដែល​ត្រូវ​បាន​បង្ហោះ​លើ​ទំព័រ​ហ្វេសប៊ុក​របស់​ស្ថានទូត​អាមេរិក​ប្រចាំកម្ពុជា នៅថ្ងៃទី១០ ខែ​កញ្ញា ឆ្នាំ២០១៩។
រូប៖ Screenshot

សហរដ្ឋ​អាមេរិក​អំពាវនាវ​ជា​ថ្មី​ម្តង​ទៀត​ដល់​របបក្រុ​ងលោក ហ៊ុន សែន ឱ្យ​ដោះ​លែង​មេ​បក្ស​ប្រឆាំង​លោក កឹម សុខា ដែល​កំពុង​ជាប់​ឃុំ​ក្នុង​ផ្ទះ។ ក្រសួង​យុត្តិធម៌​ថា ការ​អំពាវនាវ​របស់​សហរដ្ឋ​អាមេរិក​នេះ មាន​ចេតនា​ផ្សេង​នៅ​ពី​ក្រោយ និង​មិន​បាន​ពិនិត្យ​មើល​ទិដ្ឋភាព​ច្បាប់​របស់​កម្ពុជា។

សហរដ្ឋ​អាមេរិក​​​​ចាត់​ទុកចំណាត់​ការ​លើ​​លោក កឹម សុខា និង​ការ​រំលាយ​គណបក្ស​សង្គ្រោះ​ជាតិ​ដោយ​គ្មាន​ភស្តុតាង​ច្បាស់​លាស់​នោះ​ថា ជា​​ការ​បំផ្លាញ​ប្រជាធិបតេយ្យ​នៅ​កម្ពុជា។

អ្នក​នាំពាក្យ​ក្រសួង​ការ​បរទេស​អាមេរិក អ្នក​ស្រី ម៉ូហ្គែន អរថាហ្គឺស (Morgan Ortagus) ថ្លែង​ក្នុង​វីដេអូ​ខ្លី​មួយ ដែល​ត្រូវ​បាន​បង្ហោះ​លើ​ទំព័រ​ហ្វេសប៊ុក​របស់​ស្ថានទូត​អាមេរិក​ប្រចាំ​កម្ពុជា​នៅ​ថ្ងៃ​ទី១០ កញ្ញា​ថា បទ​ចោទ​ប្រកាន់​ដែល​ត្រូវ​បាន​ប្រើ​ដើម្បី​​ចាប់​ខ្លួន​លោក​​ កឹម សុខា នោះ គឺ​ជា​បទ​ចោទ​ប្រកាន់​ដែល​​គ្មាន​មូលដ្ឋាន។ អ្នក​ស្រី​បន្ត​​ថា របបលោក ហ៊ុន សែន ​មិន​បាន​បង្ហាញ​ភស្តុតាង​រឹងមាំ ដើម្បី​រំលាយ​គណបក្ស​សង្គ្រោះ​ជាតិ​​នោះ​ទេ ដែល​ទង្វើ​​ទាំង​នេះ​​ជា​ការ​អនុវត្ត​បំពាន​រដ្ឋធម្មនុញ្ញ​របស់​កម្ពុជា៖ «រដ្ឋាភិបាល​កម្ពុជាមិន​ទាន់​បាន​កាត់​ទោស​ ឬបង្ហាញ​​ភស្តុតាង​ណា​មួយ​ដ៏​​គួរ​ឱ្យ​ទុកចិត្ត​នោះ​ឡើយ ដើម្បី​បញ្ជាក់​ចំពោះ​ការ​អះអាង​របស់​ខ្លួន ដែល​ត្រូវ​បាន​ប្រើ​ដើម្បី​រំលាយ​គណបក្ស​ប្រឆាំង​ដ៏​ធំ​ជាង​គេ​ គឺ​គណបក្ស​សង្គ្រោះ​ជាតិ និង​ដើម្បី​ដក​តំណែង​តំណាង​ជាប់​ឆ្នោត​ត្រឹម​ត្រូវ​ជាង ៥.០០០​នាក់។ ទង្វើ​នេះ​បំផ្លាញលទ្ធិ​ប្រជាធិបតេយ្យ​ពហុបក្ស​នៅ​ប្រទេស​កម្ពុជា ដែល​ជា​គោល​ការណ៍​មាន​ចែង​ក្នុង​រដ្ឋធម្មនុញ្ញ​របស់​ប្រទេស​នេះ។ សហរដ្ឋ​អាមេរិក​សូ​មអំពាវនាវ​ម្តង​ទៀត​ដល់​រដ្ឋាភិបាល​កម្ពុជា​ឱ្យ​ទម្លាក់​រាល់​ការ​ចោទ​ប្រកាន់​ទាំង​ឡាយ​ទៅ​លើ​លោក កឹម សុខា ប្រគល់​ឡើង​វិញ​នូវ​សិទ្ធិ​នយោបាយ និង​សិទ្ធិ​ពលរដ្ឋ​ជូន​គាត់ និង​ដោះ​លែង​នូវ​អ្នក​ទាំងឡាយ​ណា​ដែល​ត្រូវ​បាន​ឃុំ​ខ្លួន​តាម​អំពើ​ចិត្ត»

ទន្ទឹម​នេះ សហរដ្ឋ​អាមេរិក​ក៏​អំពាវនាវ​ដល់​របប​ក្រុង​ភ្នំពេញ​ឱ្យ​ប្រកាន់​យក​ជំហាន​ជាក់​ស្តែង ដើម្បី​ជំរុញ​ការ​ផ្សះផ្សា​ឡើង​វិញ ដោយ​អនុញ្ញាត​ឱ្យ​ប្រព័ន្ធ​ផ្សព្វផ្សាយ និង​សង្គម​ស៊ីវិល​ដំណើរ​ការ​ដោយ​មិន​ភ័យ​ខ្លាច​​ការ​គំរាម​កំហែង ឬ​ការ​សងសឹក ដោយសារ​ការ​អនុវត្ត​សិទ្ធ​របស់​ពួក​គេ​ក្នុង​ការ​បញ្ចេញ​មតិ និង​ការ​ជួប​ប្រជុំ​ ដែល​ធានា​ដោយ​ច្បាប់​ផង​ដែរ។

ការ​អំពាវនាវ​ជាថ្មី​ទៀត​របស់​កំពូល​មហា​អំណាច​ពិភពលោក​នេះ ធ្វើ​ឡើង​បន្ទាប់​ពី​របប​លោក ហ៊ុន សែន ​បន្ត​ឃុំ​ខ្លួន​ លោក កឹម សុខា ក្នុង​ផ្ទះ ហើយ​ស្ថានការណ៍​ធ្លាក់​ចុះ​ផ្នែក​សិទ្ធិ​មនុស្ស និង​ប្រជាធិបតេយ្យ​នៅ​កម្ពុជា នៅ​តែ​ស្ថិត​ក្នុង​ភាព​យ៉ាប់យ៉ឺន​ដដែល។

អនុប្រធាន​គណៈកម្មាធិការ​សិទ្ធិ​មនុស្ស​កម្ពុជា និង​ជា​អ្នក​នាំពាក្យ​ក្រសួង​យុត្តិធម៌ លោក ជិន ម៉ាលីន ចាត់​ទុក​សេចក្តីអំពាវនាវ​របស់​សហរដ្ឋ​អាមេរិ​ក​នេះ ថា​ជា​ការ​ជំរុញ​ឱ្យ​រដ្ឋាភិបាល​បំពាន​ច្បាប់។ លោក​​ថ្លែង​ថា ទាំង​ករណី​លោក កឹម សុខា និង​ការ​រំលាយ​គណបក្ស​សង្គ្រោះជាតិ​ សុទ្ធសឹង​ជា​ការ​អនុវត្ត​ច្បាប់​របស់​ស្ថាប័ន​តុលាការ ដែល​រដ្ឋាភិបាល​មិន​អាច​លូក​លាន់​បាន​ឡើយ៖ «វា​ដូច​អត់​មាន​រឿង​អី​ចម្លែក​ទេ ដែល​ខាង​ស្ថាន​ទូត​លើក​ឡើង ហើយ​វា​មិន​មែន​ជា​លើក​ទីមួយ​ទេ ដែល​ធ្វើ​មិន​ព្រម​យល់ មិន​ព្រម​ទទួល​យក​យន្ត​ការ​អនុវត្ត​ច្បាប់​របស់កម្ពុជា។ ប្រហែល​ជា​​មាន​អី​នៅក្រោយ​ហ្នឹង ក៏​ប៉ុន្តែ​ខ្ញុំ​មិនអាច​ធ្វើ​ការ​​សន្និដ្ឋាន​បាន​​ទេ ទាល់​តែ​សួរ​ខាង​ស្ថានទូត​អាមេរិក។ ក៏​ប៉ុន្តែ​សម្រាប់​កម្ពុជា យើង​នៅ​តែ​ប្រកាន់​ជំហរ​ថា អ្វី​ដែល​ខាង​​សហរដ្ឋ​អាមេរិក​បាន​លើក​ឡើង​ គឺ​ជា​យន្ត​ការនៃ​ការ​​អនុវត្ត​ច្បាប់​របស់​កម្ពុជា»

ប្រធាន​​គណបក្ស​​សង្គ្រោះ​ជាតិ​​លោក កឹម សុខា ត្រូវ​​បាន​​សមត្ថកិច្ច​​របប​ក្រុង​​ភ្នំពេញ​សម្រុក​​ចូល​​ចាប់​ខ្លួន​​ទាំង​​កណ្តាល​​​អាធ្រាត្រ​ថ្ងៃ​ទី២ ឈាន​​ចូល​​ថ្ងៃ​ទី៣ កញ្ញា ឆ្នាំ២០១៧ ទាំង​​ពេល​ដែល​​រូប​​លោក​​កំពុង​មាន​​​អភ័យ​​ឯក​សិទ្ធិ​សភា ក្នុង​​នាម​​ជា​​អ្នក​​តំណាង​​រាស្ត្រ​​ស្រប​​ច្បាប់​នៅ​​ឡើយ។ ​តុលាការ​របប​លោក ហ៊ុន សែន ​បាន​​ចោទ​​ប្រកាន់​លោក​​​​ពី​​បទ​ “សន្ទិដ្ឋិភាព” ឬ​​ការ​​ត្រូវ​រ៉ូវ​គ្នា​​​ជាមួយ​​បរទេស​ ដើម្បី​​ផ្តួល​រំលំ​រដ្ឋាភិបាល។ របប​ក្រុង​​ភ្នំពេញ​ តាម​​រយៈ​​ការ​​ស្រែក​​បន្ទរ​​ពី​​ប្រព័ន្ធ​ឃោសនា​ស្មោះស្ម័គ្រ​នឹង​​​ខ្លួន បានចោទ​​​​សហរដ្ឋ​អាមេរិក​​ថា ជា​​អ្នក​​រៀប​ចំ​ផែន​ការ​​ពី​​ក្រោយ​​ខ្នង​​លោក កឹម សុខា។

បន្ទាប់​ពី​​ចាប់​ខ្លួន​លោក​ កឹម សុខា របប​ក្រុង​ភ្នំពេញ​បាន​​រំលាយ​គណបក្ស​សង្រោះ​ជាតិ ​នៅ​ខែ​វិច្ឆិកា ឆ្នាំ២០១៧ ។ របបនេះ​បាន​ហាម​ឃាត់​ថ្នាក់​ដឹកនាំ​គណបក្ស​នេះ​​ មិន​ឱ្យ​ធ្វើសកម្មភាពនយោបាយ​រយៈពេល៥ ឆ្នាំ ហើយ​បាន​យក​អាសនៈសភា និង​ក្រុម​ប្រឹក្សាឃុំ​សង្កាត់​ជាង ៥ពាន់​អាសនៈ​របស់​បក្ស​ប្រឆាំង​ទៅ​ចែក​គ្នា​កាន់​​កាប់ ប្រៀប​បាន​នឹង​គេ​កាត់​នំ​ចែក​គ្នា​ហូប​យ៉ាង​ដូច្នេះ​ដែរ។

បន្ទាប់​ពី​អវត្ត​មាន​បក្ស​សង្គ្រោះ​ជាតិ របប​លោក ហ៊ុន សែន បាន​រៀប​ចំ​ការ​បោះ​ឆ្នោត​បែប​បង្រ្គប់​កិច្ច​ នៅ​ចុង​ខែ​កក្កដា ឆ្នាំ២០១៨ ដោយ​ក្រសោប​យក​អាសនៈ​សភា​ទាំង​ស្រុង​មក​ក្តោបក្តាប់​តែ​ម្នាក់​ឯង ធ្វើ​ឱ្យ​កម្ពុជា​ប្រែក្លាយ​ជា​ប្រទេស​ឯក​បក្ស​មិន​ធ្លាប់​មានក្នុង​ប្រវត្តិសាស្ត្រ ​ក្រោយ​កិច្ចព្រម​ព្រៀង​សន្តិភាព​ក្រុង​ប៉ារីស​ឆ្នាំ១៩៩១។ ទង្វើ​ទាំង​អស់​នេះ​ហើយ​ ដែល​សហគមន៍​អន្តរជាតិ​និយម​ប្រជាធិបតេយ្យ​វាយ​តម្លៃ​ថា ​ជា​ការ​អនុវត្ត​ផ្ទុយ​នឹង​ស្មារតី​នៃ​រដ្ឋធម្មនុញ្ញ និងបទ​ដ្ឋាន​អន្តរជាតិ​នានា ដែល​កម្ពុជា​បាន​ចុះ​ហត្ថលេខា​ទទួល​ស្គាល់។

អ្នក​ជំនាញ​ខាង​វិទ្យាសាស្ត្រ​នយោបាយ លោក ឯម សុវណ្ណរ៉ា យល់​ថា មាន​មូលហេតុ​មួយ​ចំនួន​ដែល​សហរដ្ឋ​អាមេរិក​អំពាវនាវ​ម្ត​ងហើយ​ម្តង​ទៀត​ឱ្យ​មាន​ការ​ដោះ​លែង​លោក កឹម សុខា។ លោក​ថា ទីមួយ​ដោយសារ​រដ្ឋាភិបាល​កម្ពុជា​ចោទ​អាមេរិក​ថា ជា​អ្នក​នៅពីក្រោយ​ខ្នង លោក កឹម សុខា ដូច្នេះ​អាមេរិក​ចាំបាច់​ត្រូវ​តែរក​ខុស​ត្រូវ​រឿង​នេះ។ ទីពីរ​លោក​ថា ក្នុង​នាម​ជា​ប្រទេស​ប្រជាធិបតេយ្យ​គំរូ សហរដ្ឋ​អាមេរិក​ចាំបាច់​ត្រូវ​តែ​បង្ហាញ​កង្វល់​របស់​ខ្លួន​​នៅ​ពេល​ឃើញ​កម្ពុជា​ដើរ​ផ្ទុយ​ពី​គោល​ការណ៍​ប្រជាធិបតេយ្យ។ ម្យ៉ាង​វិញ​ទៀត លោក​ថា​ការ​អំពាវនាវ​នេះ ទំនង​ជា​សហរដ្ឋ​អាមេរិក​ចង់​ដាស់​តឿន​រដ្ឋាភិបាល​​កម្ពុជា​ឱ្យ​ងាក​មក​ដោះស្រាយ​បញ្ហា​នយោបាយ​ស្រុក​ទេស​វិញ ដើម្បី​បញ្ចៀស​ទណ្ឌកម្ម​ការ​ទូត និង​សេដ្ឋកិច្ច​ពី​សហរដ្ឋ​អាមេរិក​ផ្ទាល់ និង​ពី​សហភាពអឺរ៉ុប៖ «បើ​ស្ថានភាព​របស់​កម្ពុជា​យើង​អត់​មាន​ឆ្លើយ​តប​ទៅនឹង​ការ​លើក​ឡើង​ពី​​ភាគី​អាមេរិក ឬ​អឺរ៉ុប​ទេ ខ្ញុំ​គិត​ថា សហរដ្ឋ​អាមេរិក​អាច​នឹង​មាន​វិធានការ​បន្ត​បន្ទាប់ ដូច​ជា ពន្លឿន​នីតិវិធី​ច្បាប់​ពាក់ព័ន្ធ​នឹង​ច្បាប់​ប្រជាធិបតេយ្យ​ H.R ៥២៦ ការ​ជំរុញ​ឱ្យ​មាន​ការ​កោះ​ប្រជុំ​សមាជិក​ហត្ថលេខី​នៃ​កិច្ច​ព្រម​ព្រៀង​សន្តិភាព​ក្រុង​ប៉ារីស​ឡើង​វិញ ទី​បី អាច​វិធានការ​ GSP ដែល​កម្ពុជា​ទទួល​បាន​ពីរ​ឆ្នាំ​ម្តងៗ ហ្នឹង»

សមាជិក​សភា​សហរដ្ឋ​អាមេរិក​កំពុង​រៀប​ចំ​​ច្បាប់​ស្តីពីប្រជាធិបតេយ្យ​កម្ពុជា ឆ្នាំ២០១៩ ឬ H.R.៥២៦ ដើម្បី​​ដាក់​ទណ្ឌកម្ម​របប​លោក ហ៊ុន សែន ចំពោះ​ទង្វើ​រំលោភ​សិទ្ធិមនុស្ស និង​ប្រជាធិបតេយ្យ​ធ្ងន់ធ្ងរ​នៅ​កម្ពុជា។ ច្បាប់​នេះកំពុង​ស្ថិត​ក្នុង​ដៃ​ព្រឹទ្ធសភា​អាមេរិក ហើយ​ប្រសិន​បើ​ច្បាប់​នេះ​អាច​អនុម័ត​បាន​មែន នោះ​​សហរដ្ឋ​អាមេរិកនឹង​បង្កក​​ទ្រព្យ​សម្បត្តិ​ និង​បដិសេធ​ទិដ្ឋការ​មន្ត្រី​គ្រាក់ៗ របប​ក្រុង​ភ្នំពេញ​មិន​ឱ្យ​ជាន់​ទឹក​ដី​អាមេរិក។

ដោយ​ឡែក សហភាព​អឺរ៉ុប​វិញ​កំពុង​តែ​អនុវត្ត​​​នីតិវិធី​ព្យួរ​ការ​​អនុគ្រោះ​ពន្ធ EBA ពី​កម្ពុជា ហើយ​ការ​សម្រេច​ចិត្ត​ចុង​ក្រោយ​នឹង​ធ្វើ​ឡើង​នៅ​អំឡុង​ខែ​កុម្ភៈ ឆ្នាំ២០២០ ខាង​មុខ។ សហភាព​អឺរ៉ុប​បាន​បញ្ជាក់​រួច​ហើយ​ថា ប្រសិន​បើ​ស្ថានភាពស្រុក​ខ្មែរ​មិន​ប្រសើរឡើង​ទេ នោះ​កម្ពុជា​នឹង​បាត់​បង់​ការ​អនុគ្រោះ​ពន្ធ ដែល​ធ្លាប់​ទទួល​បាន​នា​ពេល​កន្លង​មក។

អ្នក​ជំនាញ​ខាង​វិទ្យាសាស្ត្រ​នយោបាយ លោក ឯម សុវណ្ណារ៉ា ថ្លែង​ថា រដ្ឋាភិបាល​គួរ​តែ​ឆ្លើយ​តប​ជាវិជ្ជមាន​ចំពោះ​កង្វល់ និង​លក្ខខណ្ឌ​របស់​សហភាព​អឺរ៉ុប និង​សហរដ្ឋ​អាមេរិក បើ​ពុំ​ដូច្នេះ​ទេ​កម្ពុជា​នឹង​រង​ផល​ប៉ះពាល់​ពីការ​ដាក់​ទណ្ឌកម្ម​របស់​ក្រុម​ប្រទេស​ប្រជាធិបតេយ្យ​ទាំង​នោះ៖ «អំណាច​មិន​ស្ថិត​លើ​តុលាការ​ឯករាជ្យ​ឯ​ណា? តុលាការ​របស់​កម្ពុជា​មាន​ស្ថានភាព​មួយ​ក្រោម​ឥទ្ធិពល​នៃ​គណបក្ស​កាន់​អំណាច​ទេ។ នាយក​រដ្ឋ​មន្ត្រី​លោក​មាន​ឥទ្ធិពល​នៅ​ក្នុង​ការ​ដោះ​ស្រាយ​ទេ មិន​មែន​ថា តុលាការ​ផ្សេង នាយក​រដ្ឋ​មន្ត្រី​ផ្សេង​នោះ​ទេ អាហ្នឹង​សហគមន៍​អន្តរជាតិ ពលរដ្ឋ​កម្ពុជា​ក៏​អាច​មើល​ឃើញ​ទិដ្ឋភាព​នេះ​ដែរ។ អ៊ីចឹង​កន្លែង​ហ្នឹង ខ្ញុំ​គិត​ថា គួរ​ឆ្លើយ​តប​ឱ្យ​ត្រូវ​នឹង​អ្វី​ដែល​ទិដ្ឋភាព​ជាក់​ស្តែង​ជា​ជាង​ការ​ដោះ​បន្ទុក។ កាល​ណា​ដោះ​បន្ទុក វា​មិន​អាច​ជា​ដំណោះ​ស្រាយ​ទេ»

ទាក់ទង​នឹង​ចំណាត់​ការ​លើ​លោក​ កឹម សុខា និង​ការ​រំលាយ​គណបក្ស​សង្គ្រោះជាតិ​នេះ អង្គការ​ឃ្លាំមើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) បាន​ពិនិត្យ​ឃើញ​ថា ករណី​នេះ​ជា​រឿង​នយោបាយ​សុទ្ធសាធ ហើយ​ធ្វើ​ឡើង​ដើម្បី​រក្សា​អំណាច​របស់​លោក ហ៊ុន សែន។ អង្គការ​នេះ​វាយ​តម្លៃ​ជា​រួម​ថា លោក ហ៊ុន សែន ដែល​កាន់​អំណាច​ជាង ៣០ឆ្នាំ​មក​ហើយ​នោះ បាន​ប្រើ​ល្បិច​កល​មិន​ស្រប​ច្បាប់​គ្រប់​បែប​យ៉ាង ដែល​មាន​ក្នុង​សៀវភៅ ដើម្បី​ពង្រឹង​ការ​គ្រប់​គ្រង​បែប​ផ្តាច់​ការ​ឯក​បក្ស និង​កម្ទេច​គណបក្ស​ប្រឆាំង​ដែល​មាន​សង្ឃឹម​ឈ្នះ​ឆ្នោត​តែ​មួយ​គត់​នៅ​កម្ពុជា។ អង្គការ​អន្តរជាតិ​មួយ​នេះ ជំរុញ​ឱ្យ​ប្រទេស​ម្ចាស់​ជំនួយ និង​ដៃគូ​ពាណិជ្ជកម្ម​ជាមួយ​កម្ពុជាទាំងអស់ ដាក់​សម្ពាធ​ឱ្យ​របបក្រុង​ភ្នំពេញ​ដោះ​លែង​លោក​ កឹម សុខា ដោយ​ឥត​លក្ខខណ្ឌ ដែល​ជា​ជំហាន​ឆ្ពោះ​ទៅ​បញ្ឈប់​ការ​ធ្លាក់​ចុះ​ដុន​ដាប​សឹង​មិន​គួរ​ឱ្យ​ជឿ​នៃ​វិស័យ​សិទ្ធិ​មនុស្ស​នៅក​ម្ពុជា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

China/Viet secret revealed to take over Cambodia

1959 Sihanouk and Mao Zedong"chairman central of China communist party" were best friendship with the two countries since then.Mao Zedong seemingly seen a geopolitical interested with Indochina states after the French colony pulled out,and then Mao got new secreted political strategy plans to takes over indochina states with no matter how long it's gonna taking for?,or how many Chinese leaders will get them?so master Mao have to plays trick,or treat with sacrificed something to king"Sihanouk"and Laos king"Souvanna Phouma"in 1960.Mao tried to kept both king popularity seems like a play chess and kept Ho Chi Minh as his enemy,or as his pawn.Mao's first studied about indochina states geographical secreted strategy by borrowed Ho Chi Minh's hands"north Hanoi"with brainwashed by Peking communist ideology such as against western democracy system,abolished monarchy ruled,against imperialism,abolish all religions,against all capitalism,against human rights,against feudalism and etc.During Mao Zedong's reigned Sihanouk met him 7 times and Ho Chi Minh 5 times,and Souvanna Phoma 2 times.In 1967 leftist radical like Hou Yun,Hou Nim,Son Sen,Kiev Somphon whose disliked the monarchy rule with missing in phnom Penh city by without know the reason why or how?,1970 Lon Nol ousted Sihanouk from the power by accused him who been supported the north Vietcong guerrillas fighter whose hiding inside Cambodia territory"Svay Rieng,Ratanakiri,Mundulkiri and Takeo provinces"to avoided u.s bombardment"1965-1969".In 1970 after the Lon Nol ousted Sihanouk from power during routine medical check up in Peking,Sihanouk became lost controls over his power and can't return home.After he stayed in Peking"his palace",Sihanouk tried to meet China premier Zhu Enlai and other Chinese top officials to discussed the bad situations that his close top commander in-chef"Lon Nol" took over power.In the meantime,Sihanouk used China communist radio broadcast news from Peking to appeal all his beloved pple must be resist and fight back against the Lon Nol republic regime and to get the power back,and Sihanouk appealed all his beloved pple time to joins him at a jungle training boots camp which called"Prey Macquis".1970 Sihanouk talked secrets with north Vietnam communist leader's"Pham Van Dong"to help him fights back against the Lon Nol regime,and then Pham Van Dong promised Sihanouk with guaranteed 100% will take back from Lon Nol's govm't.In 1971-1975 Pham Van Dong sent ten thousands to hundreds of thousands of north Vietcong communist guerrillas warfare"call child soldier"across Cambodia to help its allies called"Khmer national liberal front army+khmer rouge ally",and north Vietcong leader permission the khmer rouge guerrillas group to opened a radio broadcast system from"Hanoi city"hosted by Eing Sary's wife"Eing Thearith"to refueling the civil war between khmer pple who supported the Lon Nol republic regime and other khmer guerrillas group,or khmer rouge group who supported Sihanouk+north Vietcong communist guerrillas fighting along with them,but most part in battleground the north Vietcong guerrillas fighters always killed them both,or just a few north Vietcong dead body laid up there.They used in different war tactics to avoid any news reporter suspicious on them and in easier to eliminated all of them.

Sep 13, 2019 02:05 PM

អ្នក​អាន​អនាមិក

ពី anonymous secret revealed

Cambodia-khmer counterintelligence who worked under 4 regimes secrets revealed leaking news-one close aid anonymous who'd been worked through in the last 4 regimes as khmer counterintelligence Unit"KCU" and be quieted lonely investigator under Sihaouk,Lon Nol,Pol Pot,and last is Hun Sen regime.In 1933 Ho Chi Minh went to met Peking leaders and Sihanouk met Ho Chi Minh in Hanoi in the same year to created a new Indochina communist states"Khmer,Laos and Viet"and lead by big brethren Ho.In 1949 French illegal signed treaty kampuchea Krom,or called khmer delta"to Vietnam by without khmer king approved"maybe Viet pm Huynh Thuc or Pham Van Dong regime".In 1953 French declared Cambodia and other Indochina states as dependence state"Sihanouk era"French pulled out of Indochina states.In 1961 the first u.s 35th president"JFK"official visited in Phnom Penh"Sihanouk era",the u.s helped built a first highway"called national route#4"started from Chom Chao to KompongSom port.In 1962 the China communist leader"Zhou Enlai called Sihanouk to meet him in Peking,migh be Zhou Enlai disappointed with Sihanouk political strategy sway sided to the western influenced,and during time Zhou regime,Sihanouk always busiest with Peking govm't,or called in the faked name of routine medical check up 3 to4 times per year rather better say a word of visitor to avoid khmer public suspicious"China communist leaders tried to brainwashing Sihanouk"or be best friendship with China".In 1965 Ho Chi Minh's secreted telegram to Sihanouk come to meet him in north Hanoi capital,comrade Ho tried to brainwash,or screw up Sihanouk to helps his north Vietcong guerrillas warfare fighters against the south Vietnam war"call Kampuchea Krom"to permission the north Hanoi's guerrillas fighters settled inside Cambodia's territories to avoid the u.s bombers raid over north Vietcong insurgencies"u.s chased the nvc fighters"the u.s B-52 bomber+other fighter jets raided daily light and night,that why made north Vietcong guerrillas fighters gotten more suffocated,so those guerrillas must fled inside to Cambodia.In 1967 Ho Chi Minh met Sihanouk again in Peking to disclosed a new Vietnam's war political strategy and want Sihanouk to helps him in supplies food,medicine and smuggling weaponry from China and Russia through to KompongSom port"Cambodia".In 1967 Sihanouk started to deliver tons of food+thousands cattle alive+medicines and weaponry with hundreds of loaded trucks across into north Vietnam territory,or in Vietcong guerrillas camps.In 1968 Ho chi Minh promised Sihanouk if the north Vietcong liberated the south,he'll gives up that southern land become a rightful of Cambodian,or let Sihanouk can lead the 3 Indochina states as he wants"but matter fact it was lies,liars and cheater",see next continue story.

Sep 12, 2019 03:05 PM

អ្នក​អាន​អនាមិក

USA should take immediate actions against the Hun Sen government. This is time for action, statement is not enough.

Sep 10, 2019 10:40 AM

គេហទំព័រ​ទាំងមូល