ក្រសួងថា ក្រឡតូចធំជិត ៣រយដែលរឹបអូសពីជនជាតិវៀតណាម គឺជាវត្ថុបុរាណសម័យដើម
2020.10.03
កុលាលភាជន៍ ឬក្រឡតូចធំជិត ៣រយ ដែលអាជ្ញាធររឹបអូសពីអ្នកនេសាទជនជាតិវៀតណាម ក្នុងខេត្តព្រះសីហនុ។
រូបក្រសួងវប្បធម៌
ក្រសួងវប្បធម៌បញ្ជាក់ថា កុលាលភាជន៍ ឬក្រឡតូចធំជិត ៣រយ ដែលរឹបអូសពីអ្នកនេសាទជនជាតិវៀតណាម ក្នុងខេត្តព្រះសីហនុ កាលពីសប្ដាហ៍មុន គឺពិតជាវត្ថុបុរាណ ដែលផលិតឡើងចន្លោះពីសតវត្សទី១៥ ដល់ ទី១៧។
សេចក្ដីប្រកាសរបស់ក្រសួងវប្បធម៌កាលពីថ្ងៃទី១ ខែតុលា ឲ្យដឹងថា អ្នកជំនាញវត្ថុបុរាណពីនាយកដ្ឋានបេតិកភណ្ឌនៃក្រសួងវប្បធម៌ បានសហការជាមួយក្រសួងវប្បធម៌ខេត្តព្រះសីហនុ ធ្វើកោសល្យវិច័យលើ កុលាលភាជន៍ទាំងនោះ បានបង្ហាញច្បាស់ថា ពិតជាវត្ថបុរាណពីសម័យដើម។
អាជ្ញាខេត្តព្រះសីហនុ កាលពីសប្ដាហ៍មុន បានឃាត់ខ្លួនបុរសនេសាទវៀតណាមម្នាក់ អាយុ ៤២ឆ្នាំ ដែលជាអ្នកជំនាញខាងមុជទឹក។ អាជ្ញាធរមិនបានប្រាប់ឈ្មោះអ្នកនេសាទរូបនេះទេ ប៉ុន្តែបុរសនោះបានចុះមុជទឹកប្រមូលយកក្រឡតូចធំទាំងនេះ នៅបាតសមុទ្ទ ដែលគេជឿជាក់ថា ជាកន្លែងកប៉ាល់ចិនលិច ត្រង់ម្ដុំឈូងសមុទ្រថៃ ដើម្បីយកមកស្តុកទុកក្នុងផ្ទះ ដោយមិនបានរាយការណ៍ជូនអាជ្ញាធរឡើយ។ រហូតមកដល់ពេលនេះ បុរសនេសាទវៀតណាមនេះ នៅមិនទាន់ត្រូវចោទប្រកាន់នៅឡើយទេ ហើយគេក៏មិនបានដឹងថា ការប្រមូលវត្ថុបុរាណទាំងនោះ ក្នុងគោលបំណងលក់ដូរ ទៅថ្ងៃអនាគត ឬយ៉ាងណានោះទេ។
អាស៊ីសេរី មិនអាចទាក់ទងរដ្ឋមន្ត្រីក្រសួងវប្បធម៌ និងវិចិត្រសិល្បៈ អ្នកស្រី ភឿង សកុណា ដើម្បីសាកសួរ ថាតើត្រូវបញ្ជូនកុលាលភាជន៍ទាំងនោះ មករក្សាទុកក្នុងសារមន្ទីរនៅរាជធានីភ្នំពេញ ឬយ៉ាងណា។ ក៏ប៉ុន្តែបច្ចុប្បន្ន បានរក្សាទុកជាសម្បត្តិបេតិកភណ្ឌវប្បធម៌ជាតិ នៅក្រសួងវប្បធម៌ ខេត្តព្រះសីហនុ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- កញ្ញា ឈឹម ស៊ីថរ រក្សាជំហរតស៊ូ ដើម្បីសេរីភាពសហជីព និងការពារផលប្រយោជន៍កម្មករក្រោយមានសេរីភាព
- ហេតុអ្វីបានជាអាមេរិកដាក់ទណ្ឌកម្ម «ស្តេចកោះកុង»?
- ក្រសួងការបទេស និងគណបក្សប្រជាជនកម្ពុជាចាត់ទុកថា ជារឿងអយុត្តិធម៌ ដែលក្រសួងរតនាគារសហរដ្ឋអាមេរិកដាក់ទណ្ឌកម្មលើលោក លី យ៉ុងផាត់
- ពលរដ្ឋរិះគន់អាជ្ញាធរអប្សរាបណ្តោយឱ្យអ្នកមានលុយមានអំណាចសង់ផ្នូរខ្មោចចិនមួយធំក្នុងតំបន់អង្គរ
