ក្រសួងអប់រំបន្តបិទសាលារៀនដោយមិនកំណត់ពេល
រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន ថ្លែងទៅកាន់អ្នកសារព័ត៌មាន កាលពីថ្ងៃទី២៤ ឧសភា ២០១៤ រាជធានីភ្នំពេញ។
ក្រសួងអប់រំ យុវជន និងកីឡា សម្រេចបិទសាលារៀនទាំងរដ្ឋ និងឯកជនគ្រប់កម្រិតបន្តទៅទៀត ដោយគ្មានពេលកំណត់ដោយអះអាងថា ដើម្បីបង្ការ និងទប់ស្កាត់ការរីករាលដាលជំងឺកូវីដ-១៩។ ក្រសួងបញ្ជាក់នៅក្នុងសេចក្តីណែនាំចុះថ្ងៃទី១៧ មេសាថា ការសម្រេចបន្តបិទសាលារៀននេះ គឺផ្អែកតាមរបាយការណ៍របស់ក្រសួងសុខាភិបាលស្តីពីស្ថានភាពរាតត្បាតនៃជំងឺកូវីដ-១៩។
ទន្ទឹមនឹងការប្រកាសបិទសាលារៀនបន្តទៅទៀតនេះ ក្រសួងអប់រំលើកទឹកចិត្តឱ្យសិស្ស-និស្សិត សិក្សាតាមប្រព័ន្ធអេឡិចត្រូនិក (E-learning) និងអនុវត្តវិធានការអនាម័យឱ្យបានជាប់ជាប្រចាំ។ ក្រសួងក៏ស្នើដល់មាតាបិតា និងអាណាព្យាបាលសិស្សគ្រប់រូប ត្រូវបន្តជំរុញកូនចៅឱ្យធ្វើស្វ័យសិក្សានៅតាមផ្ទះ សិក្សាតាមប្រព័ន្ធអេឡិចត្រូនិក និងមើលថែទាំកូនចៅឱ្យបានដិតដល់ កុំឱ្យឆ្លងជំងឺកូវីដ-១៩។
ប្រធានសមាគមគ្រូបង្រៀនកម្ពុជាឯករាជ្យ អ្នកស្រី អ៊ុក ឆាយ៉ាវី គាំទ្រសេចក្ដីសម្រេចរបស់ក្រសួង ប៉ុន្តែអ្នកស្រីក៏ព្រួយបារម្ភអំពីការថយចុះគុណភាពសិក្សារបស់សិស្ស-និស្សិតដែរ ពីព្រោះការបិទសាលានេះ បានចាប់ផ្តើមអនុវត្តតាំងពីពាក់កណ្ដាលខែមីនាមកម្ល៉េះ និងត្រូវបន្តដោយមិនកំណត់ពេលវេលា។ ម្យ៉ាងវិញទៀត កន្លងមកឪពុកម្ដាយសិស្សខ្លះធ្លាប់លើកឡើងថា ពួកគេមិនមានចំណេះដឹងគ្រប់គ្រាន់ដើម្បីជួយបង្រៀនកូនៗទេ ហើយក៏គ្មានលទ្ធភាពភ្ជាប់បណ្ដាញអ៊ីនធឺណិតដើម្បីឱ្យកូនសិក្សាតាមប្រព័ន្ធអ៊ីនធឺណិតដែរ។
កម្ពុជាមានសាលារៀនចំណេះទូទៅទាំងរដ្ឋ និងឯកជនសរុបជាង១ ម៉ឺន ៤ពាន់កន្លែង (១៤.៩០៥) និងមានសិស្សចំនួនជាង ៣លាន ៤សែននាក់ (៣.៤០៧.៥២៩) ចំណែកគ្រឹះស្ថានឧត្ដមសិក្សារដ្ឋ និងឯកជនមានចំនួន ១២១កន្លែង ដោយមាននិស្សិតជាង ២សែននាក់ (២១១.៤៨៤)៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- បក្សប្រឆាំង និងអ្នកឃ្លាំមើលថា លោក ហ៊ុន សែន កំពុងប្រើវិបត្តិកូវីដ-១៩ ដើម្បីលើកស្ទួយកូនប្រុសច្បង
- លោក ហ៊ុន សែន ប្ដេជ្ញាការពារត្រកូលហ៊ុន ទោះបីជារលាយផែនដីក៏ដោយ
- លោក ហ៊ុន សែន ដាក់គោលដៅប្ដឹងអ្នកសារព័ត៌មានដែលស្រង់សម្ដីលោកបាត់ខ្លឹមសារ
- តំណាងរាស្រ្តអាមេរិក ៨ រូប ស្នើឲ្យរដ្ឋាភិបាលអាមេរិក ដាក់ទណ្ឌកម្មមន្រ្តីជាន់ខ្ពស់របបលោក ហ៊ុន សែន និងពិនិត្យប្រព័ន្ធអនុគ្រោះពន្ធឡើងវិញ
- រដ្ឋាភិបាលស៊ុយអែតសម្រេចបិទស្ថានទូតនៅកម្ពុជានៅចុងឆ្នាំ២០២១
