ជនសង្ស័យ​សម្លាប់​កាត់​ក្បាល​ជីដូន​និង​ចៅស្រី​នៅ​ខេត្ត​កំពង់ចាម​ត្រូវ​បាន​ចាប់​ខ្លួន

ដោយ អាស៊ីសេរី
2019-04-08
អ៊ីម៉ែល
មតិ
Share
បោះពុម្ព
អាជ្ញាធរ​​ខេត្តកំពង់ចាម ចុះត្រួតពិនិត្យ​សាកសព​នៃ​អំពើ​ឃាតកម្ម​ នៅ​ភូមិ​ទួល​ថ្ម ឃុំ​ថ្មពូន ស្រុក​ព្រៃឈរ ខេត្ត​កំពង់ចាម កាលពី​យប់​ថ្ងៃ​ទី​២ ខែ​មេសា ឆ្នាំ២០១៩ ដែល​ ២នាក់​យាយ និង​ចៅ​ ត្រូវ​ឃាតក​កាត់​ក្បាល​យក​ទៅ​បាត់។
អាជ្ញាធរ​​ខេត្តកំពង់ចាម ចុះត្រួតពិនិត្យ​សាកសព​នៃ​អំពើ​ឃាតកម្ម​ នៅ​ភូមិ​ទួល​ថ្ម ឃុំ​ថ្មពូន ស្រុក​ព្រៃឈរ ខេត្ត​កំពង់ចាម កាលពី​យប់​ថ្ងៃ​ទី​២ ខែ​មេសា ឆ្នាំ២០១៩ ដែល​ ២នាក់​យាយ និង​ចៅ​ ត្រូវ​ឃាតក​កាត់​ក្បាល​យក​ទៅ​បាត់។
រូប៖ ហ្វេសប៊ុក គួចចំរើន/KuochChamroeun

សមត្ថកិច្ច​ខេត្ត​កំពង់ចាម នៅ​ថ្ងៃ​សៅរ៍ ទី៦ មេសា ចាប់​បាន​ជនសង្ស័យ ដែល​សម្លាប់​ស្ត្រី​វ័យ​ចំណាស់ និង​ក្មេង​ស្រី អាយុ​៦​ឆ្នាំ​ម្នាក់ ដោយ​កាត់​ក្បាល និង​យក​ដងខ្លួន នៃ​សាកសព​ទាំងពីរ​នាក់ ជីដូន និង​ចៅ ទៅ​ផ្លុង​ចោល​ក្នុង​ព្រៃ នៅ​ក្រោយ​ផ្ទះ​របស់​ជនរងគ្រោះ។

គេហទំព័រ​អគ្គស្នងការ​នគរបាល​ជាតិ​បង្ហាញ​ថា ជនសង្ស័យ ឈ្មោះ ស៊ឹម ខេង ភេទ​ប្រុស អាយុ​៥៥​ឆ្នាំ​រស់នៅ​ភូមិ​ត្រពាំង​បឹង ឃុំ​ថ្មពូន ស្រុក​ព្រៃឈរ ខេត្ត​កំពង់ចាម ។ ជនសង្ស័យ​សារភាព ប្រាប់​សមត្ថកិច្ច​ថា សម្លាប់​ស្ត្រី​ទាំងពីរ​នាក់ ដោយសារ​រឿង​គំនុំ។

អាស៊ីសេរី មិនទាន់​អាច​សុំ​ការ​បញ្ជាក់​បន្ថែម​ពី អធិការ​ស្រុក​ព្រៃឈរ និង​អ្នកនាំពាក្យ​អគ្គស្នងការ​នគរបាល​ជាតិ លោក ឆាយ គឹមខឿន បាន​ទេ ដោយសារ​មិន​ទទួល​ទូរស័ព្ទ និង​ប្រព័ន្ធ​ទូរស័ព្ទ​ដំណើរការ​មិនល្អ មិន​អាច​ស្ដាប់​គ្នា​បាន។

កាលពី​ថ្ងៃ​ទី​៣ មេសា ពលរដ្ឋ​បាន​រាយការណ៍​ទៅ​សមត្ថកិច្ច​ថា ប្រទះឃើញ​សាកសព​កំបុត​ក្បាល​២​នាក់ នៅ​ក្នុង​ចម្ការ ក្រោយ​ផ្ទះ​ជនរងគ្រោះ ប្រហែល​៣៥០​ម៉ែត្រ ស្ថិតនៅ​ភូមិ​ទួល​ថ្ម ឃុំ​ថ្ម​ពូន ស្រុក​ព្រៃឈរ។ សមត្ថកិច្ច​បាន​ចុះ​ទៅ​ពិនិត្យ​នៅ​កន្លែង​កើត​ហេតុ ឃើញ​សាកសព​ដាច់​ក្បាល​២​នាក់ គឺ​សព​ស្ត្រី​វ័យ​ចំណាស់ ឈ្មោះ ពូ អូន អាយុ​៦៥​ឆ្នាំ នឹង​ក្មេង​ស្រី ឈ្មោះ ខេង សាវឿន អាយុ​៦​ឆ្នាំ ត្រូវជា​ជីដូន និង​ចៅស្រី ដែល​ត្រូវ​ឃាតក​កាត់​ក្បាល សម្លាប់​ទាំង​២​នាក់ ហើយ​បន្សល់ទុក​ដងខ្លួន នៅ​ក្រោយ​ផ្ទះ​ជនរងគ្រោះ​។ សមត្ថកិច្ច សន្និដ្ឋាន​ថា សាកសព​ត្រូវ​ឃាតក សម្លាប់​នៅ​យប់​ថ្ងៃ​ទី​២ មេសា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល