មន្ត្រីអ.ស.ប អ្នកស្រី រ៉ូណា ស្មីត ទៅគោរពវិញ្ញាណក្ខន្ធបណ្ឌិត កែម ឡី
2016.10.15
អ្នករាយការណ៍ពិសេសនៃអង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជា អ្នកស្រី រ៉ូណា ស្មីត (Rhona Smith) ចូលរួមគោរពវិញ្ញាណក្ខន្ធបណ្ឌិត កែម ឡី ក្នុងពិធីបុណ្យខួប ១០០ថ្ងៃលោក នៅវត្តចាស់ រាជធានីភ្នំពេញ នៅថ្ងៃទី១៥ តុលា ឆ្នាំ២០១៦។
RFA/Cheu Sideth
អ្នករាយការណ៍ពិសេសនៃអង្គការសហប្រជាជាតិទទួលបន្ទុកផ្នែកសិទ្ធិមនុស្សនៅកម្ពុជា អ្នកស្រី រ៉ូណា ស្មីត (Rhona Smith) នៅព្រឹកថ្ងៃទី១៥ តុលា អញ្ជើញទៅគោរពវិញ្ញាណក្ខន្ធបណ្ឌិត កែម ឡី នៅវត្តចាស់។
នៅពេលដែលអ្នកស្រី រ៉ូណា ស្មីត កំពុងចូលរួមពិធីនេះ មានពលរដ្ឋភាគច្រើន ស្រែកអំពាវនាវដល់អ្នកស្រី ឲ្យធ្វើយ៉ាងណា រកយុត្តិធម៌ដល់បណ្ឌិត កែម ឡី។
អ្នកស្រី រ៉ូណា ស្មីត មកបំពេញទស្សនកិច្ចរយៈពេល ១០ថ្ងៃនៅកម្ពុជា គឺចាប់ពីថ្ងៃទី១០ ដល់ថ្ងៃទី២០ ខែតុលា ដើម្បីពិនិត្យអំពីស្ថានភាពសិទ្ធិមនុស្ស និងតាមដានការអនុវត្តអនុសាសន៍ដែលអ្នកស្រីដាក់ជូនរាជរដ្ឋាភិបាលសម្រាប់ការកែលំអស្ថានភាពគោរពសិទ្ធិមនុស្សនៅកម្ពុជា ឲ្យបានប្រសើរឡើង។
នៅថ្ងៃទី១៥ ខែតុលា នេះ គឺជាពិធីបុណ្យគម្រប់ខួប ១០០ថ្ងៃបណ្ឌិត កែម ឡី ថ្ងៃទី២។ ប្រជាពលរដ្ឋមកពីគ្រប់ទិសទីបន្តមកចូលរួមកម្មវិធីបុណ្យនេះ។ កម្មវិធីបុណ្យនៅព្រឹកនេះ មានពិធីរាប់បាត្រព្រះសង្ឃប្រមាណ ៥០០អង្គ នៅម៉ោង ជិត ១០ព្រឹក។
កម្មវិធីគម្រប់ខួប ១០០ថ្ងៃបណ្ឌិត កែម ឡី នៅវត្តចាស់នេះ នឹងបញ្ចប់នៅថ្ងៃទី១៦ ខែតុលា ដោយនៅថ្ងៃនោះ នឹងមានពិធីដង្ហែរូបសំណាកលោកបណ្ឌិតឆ្ពោះទៅកាន់ខេត្តតាកែវ កន្លែងបញ្ចុះសពរបស់លោក។ ថ្ងៃទី១៧ ខែតុលា គឺជាថ្ងៃចុងក្រោយនៃពិធីបុណ្យ ១០០ថ្ងៃនេះ។
សូមស្ដាប់សេចក្ដីរាយការណ៍ផ្ទាល់របស់លោក ថា កិត្យា ពីវត្តចាស់៖
ដំណាលគ្នានឹងការរៀបចំពិធីបុណ្យខួប ១០០ថ្ងៃ លោកបណ្ឌិត កែម ឡី នៅវត្តចាស់ រាជធានីភ្នំពេញ នេះដែរ នៅឯស្រុកកំណើត លោកបណ្ឌិត កែមឡី នៅខេត្តតាកែវ ឯណោះវិញ ក៏បានរៀបចំរួចរាល់ហើយសម្រាប់ការទទួលក្រុមគណៈកម្មការ ប្រជាពលរដ្ឋ ព្រមទាំងរូបសំណាកលោកបណ្ឌិត កែម ឡី។
សូមស្ដាប់សេចក្ដីរាយការណ៍ផ្ទាល់របស់លោក ម៉ម មុនីរតន៍ ពីខេត្តតាកែវ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ជនជាតិឥណ្ឌា ៦៧នាក់ទៀត ត្រូវបានសង្គ្រោះចេញពីកន្លែងឆបោកតាមអនឡាញនៅកម្ពុជា
- តុលាការចោទប្រកាន់ពលករខ្មែរដែលបញ្ជូនពីម៉ាឡេស៊ី ពីបទញុះញង់ និងឃុំខ្លួននៅពន្ធនាគារ
- សារលោក ហ៊ុន សែន បញ្ជាឲ្យកម្ទេចអ្នករិះគន់ «ជាភស្តុតាងអាចប្តឹងទៅតុលាការ ICC»
