កម្ពុជារកបានមេដាយ ៩ ត្រឹមយប់ថ្ងៃ៤ ឧសភា
2023.05.05
កីឡាករខ្មែរប្រភេទកីឡាជូជីតស៊ូ ផ្នែកសម្ដែងគូបុរស ឈ្នះមេដាយមាស កាលពីថ្ងៃទី៤ ឧសភា ២០២៣។
រូប៖ ហ្វេសប៊ុកលោក ហ៊ុន សែន
កម្ពុជាទទួលបានមេដាយសរុបចំនួន ៩ គ្រឿងហើយ ក្នុងព្រឹត្តិការណ៍កីឡាស៊ីហ្គេម គិតត្រឹមយប់ថ្ងៃទី៤ ឧសភា ក្នុងនោះ ៥ គ្រឿងជាមេដាយមាស និង ៤គ្រឿងទៀតជាមេដាយប្រាក់។ មេដាយមាស ៥ គ្រឿងនោះ ទទួលបានលើប្រភេទកីឡាគុនល្បុក្កតោ ៤ គ្រឿង ហើយមួយគ្រឿងទៀតលើប្រភេទកីឡាជូជីតស៊ូ ផ្នែកសម្ដែងគូបុរស។
ការទទួលបានមេដាយ ៩ គ្រឿងនេះ ធ្វើឱ្យកម្ពុជាឈរលេខរៀងទីមួយជាបណ្ដោះអាសន្ន ខណៈកម្មវិធីបើកព្រឹត្តិការណ៍កីឡាស៊ីហ្គេមលើកទី៣២ នឹងប្រព្រឹត្តទៅនៅថ្ងៃ សុក្រ ទី៥ ខែឧសភានេះ។ កម្មវិធីប្រកួតលើប្រភេទកីឡាជាច្រើន នឹងប្រព្រឹត្តទៅជារៀងរាល់ថ្ងៃរហូតដល់ពេលបិទព្រឹត្តិការណ៍នេះ គឺនៅថ្ងៃទី ១៧ ខែឧសភា ខាងមុខ។
រដ្ឋាភិបាលលោក ហ៊ុន សែន គ្រោងចំណាយថវិកាប្រមាណ ២០០ លានដុល្លារសម្រាប់ព្រឹត្តិការណ៍កីឡាកីឡាស៊ីហ្គេមលើកទី ៣២នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មន្ត្រីធនាគារបង្ខំឲ្យកូនបំណុលលក់ទ្រព្យសម្បត្តិសងលុយទៅធនាគារខ្លួន
- តំណាងរាស្ត្រនិងទីប្រឹក្សាបក្សប្រជាជនប្រតិកម្មលើការប្រមូលពន្ធថា គាបសង្កត់ពលរដ្ឋក្នុងគ្រាលំបាក
- អាជ្ញាធរបញ្ជូនកញ្ញា សេង ធារី ទៅឃុំខ្លួននៅពន្ធនាគារព្រៃសវិញ ក្រោយពេលមន្ត្រីអាមេរិកជួបលោក ហ៊ុន ម៉ាណែត ផ្ទួនៗ គ្នា
- អាមេរិកផ្ដល់ជំនួយ ១៨លានដុល្លារមកកម្ពុជាវិញ តែមិនបានទទួលស្គាល់ថា ការបោះឆ្នោតត្រឹមត្រូវទេ
- អ្នកវិភាគថា អាមេរិកផ្ដល់ជំនួយឲ្យកម្ពុជាឡើងវិញ ដើម្បីទប់ទល់នឹងឥទ្ធិពលចិន