តើ​ការសម្លាប់​រង្គាល​របស់​ខ្មែរ​ក្រហម​អាច​ចាត់​ជា​បទ​ប្រល័យ​ពូជ​សាសន៍​ឬ​យ៉ាង​ណា? (ភាគ១០១)

ក្រោយ​ពេល​រដ្ឋាភិបាល​កម្ពុជា​ប្រជាធិបតេយ្យ​ឬ​របប​ខ្មែរ​ក្រហម​បាន​ត្រូវ​ផ្តួល​រំលំ​ដោយ​កងទ័ព​វៀតណាម​នៅ​ដើម​ឆ្នាំ​១៩៧៩ ពិភពលោក​ចាប់ផ្តើម​ដឹង​អំពី​ការស្លាប់​រង្គាល​របស់​ប្រជាជន​កម្ពុជា​ដែល​ការស្លាប់​ទាំង​នោះ​បណ្តាល​មក​ពី​ការអត់​ឃ្លាន ការបាក់​កម្លាំង​ពី​ពលកម្ម​ចាប់​បង្ខំ ជំងឺ​តម្កាត់ និង​ការប្រហារ​ជីវិត។
ដោយ ហ៊ុយ វណ្ណៈ
2008-11-14
អ៊ីម៉ែល
មតិ
Share
បោះពុម្ព

រហូត​មក​ដល់​ពេល​នេះ នៅ​ក្នុង​ចំណោម​អ្នក​ស្រាវជ្រាវ​របប​ខ្មែរ​ក្រហម​ក៏​ដូច​ជា​អ្នក​ច្បាប់​ខ្លះ​នៅ​មិន​ទាន់​មាន​ការស្រប​គ្នា​ទាំង​ស្រុង​នៅ​ឡើយ​ទេ អំពី​ថា​តើ​ការសម្លាប់​រង្គាល​នោះ​អាច​ចាត់​ចូល​ក្នុង​និយមន័យ បទ​ប្រល័យ​ពូជ​សាសន៍ ឬ​យ៉ាង​ណា?

សូម​អញ្ជើញ​ស្តាប់ លោក ហ៊ុយ វណ្ណៈ រាយការណ៍​ជូន​ជ្រាប​អំពី​បញ្ហា​នេះ​ដែល​មាន​ខ្លឹមសារ​ដូច​ត​ទៅ៖

នៅ​ក្នុង​ខែ​សីហា ឆ្នាំ​១៩៧៩ តុលាការ​ប្រជាជន​បដិវត្តន៍​កម្ពុជា​ត្រូវ​បាន​បង្កើត​ដោយ​របប​ថ្មី គឺ​សាធារណរដ្ឋ​ប្រជាមានិត​កម្ពុជា​ដោយ​មាន​ការជ្រោមជ្រែង​ពី​អាជ្ញាធរ​វៀតណាម។

ពេល​នោះ​មេ​ដឹកនាំ​ខ្មែរ​ក្រហម​តែ​ពីរ​រូប​គត់ គឺ ប៉ុល ពត និង អៀង សារី ត្រូវ​បាន​កាត់​ទោស​ប្រហារ​ជីវិត​ពី​បទ​ប្រល័យ​ពូជ​សាសន៍​ដោយ​កំបាំង​មុខ។

រហូត​មក​ដល់​ពេល​នេះ​នៅ​ក្នុង​ចំណោម​អ្នក​ស្រាវជ្រាវ​របប​ខ្មែរ​ក្រហម​នៅ​មិន​ទាន់​យល់​ស្រប​គ្នា​ទេ​ថា តើ​ការសម្លាប់​រង្គាល​នោះ​គឺ​ជា​បទ​ប្រល័យ​ពូជ​សាសន៍។

អ្នក​ស្រាវជ្រាវ​មួយ​រូប​បាន​ឲ្យ​ដឹង​ថា គេ​នៅ​មិន​ទាន់​មាន​ភស្តុតាង​ណា​មួយ​បញ្ជាក់​ថា ខ្មែរ​ក្រហម​មាន​បំណង​សម្លាប់​ខ្មែរ​និង​ជាតិ​សាសន៍​មួយចំនួន​ទៀត​ឲ្យ​ផុត​ពូជ​នោះ​ឡើយ។

សូម​អញ្ជើញ​ស្តាប់ លោក ហ៊ុយ វណ្ណៈ រាយការណ៍​ជូន​ជ្រាប​អំពី​បញ្ហា​នេះ​ដែល​មាន​ខ្លឹមសារ​ដូច​ត​ទៅ៖

ព័ត៌មាន (0)
Share
គេហទំព័រ​ទាំងមូល