គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្រ្វែល (Comfrel) បានចេញរបាយការណ៍មួយបង្ហាញថា នៅក្នុងសម័យប្រជុំពិភាក្សាសេចក្ដីព្រាងច្បាប់ក្នុងរដ្ឋសភា តំណាងរាស្ត្រពីគណបក្សប្រជាជនកម្ពុជា តែងតែខំប្រឹងប្រែងនិយាយការពារសេចក្ដីព្រាងច្បាប់ទៅតាមដែលរដ្ឋាភិបាលចង់បាន ដោយមិនបានយកចិត្តទុកដាក់ពិនិត្យពិភាក្សាស៊ីជម្រៅលើខ្លឹមសារ និងផលប៉ះពាល់នានារបស់សេចក្ដីព្រាងច្បាប់ទៅលើពលរដ្ឋក្នុងមណ្ឌលរបស់ខ្លួនទេ។ លើសពីនេះទៀត តំណាងរាស្ត្រពីគណបក្សកាន់អំណាច ក៏តែងដើរតួជួសមុខអោយរដ្ឋាភិបាល វាយប្រហារទៅលើតំណាងរាស្ត្របក្សប្រឆាំងទៀតផង។
មានសេចក្ដីព្រាងច្បាប់ធំៗជាច្រើន ក្នុងនោះរួមមាន ច្បាប់ថវិកាជាតិ ច្បាប់៣ទាក់ទងនឹងវិស័យតុលាការ ច្បាប់គ្រប់គ្រងសមាគមអង្គការជាដើម សុទ្ធតែត្រូវបានតំណាងរាស្ត្រពីគណបក្សប្រជាជនកម្ពុជា មិនបានចំណាយពេលយូរជជែកដេញដោលរកគុណវិបត្តិ និងផលប៉ះពាល់អោយបានផុសផុលស៊ីជម្រៅនោះទេ។
សូមស្ដាប់បទសម្ភាសន៍របស់លោក ជី វិតា ជាមួយលោក គល់ បញ្ញា នាយកប្រតិបត្តិនៃអង្គការខុមហ្រ្វែល អំពីរឿងនេះ៖
