ប័ណ្ណសារព័ត៌មាន
2022-07-06
ក្នុងឱកាសខួប ៦ឆ្នាំនៃឃាតកម្មលើបណ្ឌិត កែម ឡី មជ្ឈមណ្ឌលសិទ្ធិមនុស្សកម្ពុជា (CCHR) ប្រារព្ធពិធីរម្លឹកខួបលោកបណ្ឌិតដោយមានការរៀបចំពិធីបង្សុល និមន្តព្រះសង្ឃសូត្រមន្តរាប់បាត្រ ដើម្បីឧទ្ទិសជូនលោកបណ្ឌិត កែម ឡី និងចាក់បញ្ចាំងវីដេអូឯកសារ និងទស្សនទានលោកបណ្ឌិត ដើម្បីដាស់តឿនដល់សារធាណៈជនឱ្យចងចាំនូវរវីភាពរបស់លោកបណ្ឌិត។
2022-07-06
មន្ត្រីសង្គមស៊ីវិល និងពលរដ្ឋរស់នៅខេត្តកែបសោកស្តាយ ភ្នំធម្មជាតិចំនួន ៣កន្លែងដែលជាតំបន់ទេសចរណ៍ធម្មជាតិស្រស់ស្អាតទាក់ទាញភ្ញៀវទេសចរ កំពុងប្រឈមការកាយកម្ទេច ដើម្បីយកដី និងថ្មចាក់លុបឆ្នេរសមុទ្រខ្នាតធំ ក្នុងក្រុងកែប។ ពលរដ្ឋថា អាជីវកម្មរំលាយភ្នំទាំងនេះ ធ្វើឱ្យប៉ះពាល់សម្រស់ធម្មជាតិ និងអត្តសញ្ញាណវប្បធម៌ខ្មែរនៅតំបន់ឧទ្យានជាតិកែប ដែលអ្នកស្រុករកប្រាក់ចំណូលតាមរយៈវិស័យទេសចរណ៍។
2022-07-06
មេដឹកនាំគណបក្សចំនួន៥ ដែលមានបំណងចងសម្ព័ន្ធភាពគ្នា គ្រោងជួបគ្នានៅថ្ងៃទី៦ ខែកក្កដាស្អែកនេះ ដើម្បីពិភាក្សា ពីរឿងរួបរួមគ្នា និងការធ្វើសំណើមួយចំនួនទៅរដ្ឋាភិបាល។ អ្នកវិភាគគាំទ្រឲ្យមានការរួបរួមគ្នានេះ ប៉ុន្តែ គណបក្សកាន់អំណាចថា គណបក្សមិនបារម្ភពីរួបរួមរបស់គណបក្សទាំងនោះឡើយ។
2022-07-06
គណបក្សភ្លើងទៀនស្នើក្រសួងមហាផ្ទៃទប់ស្កាត់ការរើសអើងនិន្នាការនយោបាយនានាក្នុងពេលក្រុមប្រឹក្សាឃុំ-សង្កាត់ចូលកាន់មុខតំណែងថ្មី ដើម្បីឱ្យមន្ត្រីជាប់ឆ្នោតទាំងនោះសហការគ្នាបំពេញតួនាទីដឹកនាំមូលដ្ឋានឱ្យមានការអភិវឌ្ឍ និងមានភាពរីកចំរើនស្របតាមគោលការណ៍ច្បាប់។ ការលើកឡើងនេះ កើតឡើងបន្ទាប់ពីអភិបាលខេត្តប៉ៃលិនថ្លែងសារឌឺដង និងព្រមានចាត់វិធានការចំពោះមន្ត្រីបក្សភ្លើងទៀនដែលអាជ្ញាធរយល់ថា ចង្រៃដល់សង្គម។
2022-07-06
កម្ពុជានិងថៃគ្រោងចុះហត្ថលេខាលើអនុស្សរណៈយោគយល់គ្នា (MoU) ស្តីពីការលុបបំបាត់ការបោកប្រាស់តាមប្រព័ន្ធអនឡាញ រវាងប្រទេសទាំងពីរ នៅថ្ងៃទី១១ ខែកក្កដាខាងមុខ។
2022-07-06
ប្រជាពលរដ្ឋជាង២រយ (២៥០) គ្រួសាររស់នៅក្បែរបឹងតាមោកស្ថិតនៅភូមិសំរោងត្បូង សង្កាត់សំរោង ខណ្ឌព្រែកព្នៅ បន្តប្រមូលផ្តុំជួបជុំគ្នាតវ៉ា និងធ្វើយុទ្ធនាការជិះទូករារាំងក្រុមឈ្មួញអ្នកមានអំណាចឱ្យបញ្ឈប់ការបឹងតាមោក ក៏ប៉ុន្តែត្រូវកងកម្លាំងប្រដាប់ដោយអាវុធស្រែកគំរាមពួកគាត់នៅថ្ងៃទី០៥ កក្កដា។ មន្ត្រីសង្គមស៊ីវិល ចាត់ទុកទង្វើរបស់កម្លាំងអាជ្ញាធរបែបនេះថា ជាការអនុវត្តតួនាទីផ្ទុយពីច្បាប់ និងជាអំពើរំលោភសិទ្ធិមនុស្សធ្ងន់ធ្ងរ។
2022-07-06
ជីវភាពអ្នកធ្វើការក្នុងវិស័យទេសចរណ៍ នៅតែមានការលំបាក ទោះបីមានការកើនឡើងភ្ញៀវទេសចរក្នុងស្រុក។ អង្គការសង្គមស៊ីវិលធ្វើការទាក់ទងជាមួយវិស័យសេវាកម្មកម្ពុជា នៅតែព្រួយបារម្ភចំពោះជីវភាពប្រជាពលរដ្ឋធ្វើការទាក់ទងនិងវិស័យទេសចរណ៍ ខណៈអ្នកធ្វើការក្នុងវិស័យនេះខ្លះបានធ្វើចំណាកស្រុកទៅធ្វើការនៅប្រទេសថៃ។
2022-07-05
ក្រុមកូដករណាហ្គាវើលដ៍ ដង្ហែរក្បួនតវ៉ាទាមទារអោយរកដំណោះស្រាយក្នុងវិវាទការងាររវាងក្រុមកម្មករ និងក្រុមហ៊ុនបនល្បែងកាស៊ីណូណាហ្គាវើលដ៍។ ការដង្ហែក្បួននេះ ធ្វើឡើងបន្ទាប់ពីគ្មានការឆ្លើយតបញត្តិរបស់ខុទ្ទកាល័យនាយករដ្ឋមន្ត្រីនិងរដ្ឋសភា ដែលពួកគេបានដាក់ទៅកាលពីថ្ងៃ ២០ ខែមិថុនា។ ក្រុមកូដករបញ្ជាក់ថា ប្រសិនបើមិនមានដំណោះស្រាយណាមួយទេនោះ ពួកគេនឹងបន្តការធ្វើកូដកម្មតវ៉ារហូតដល់ទទួលបានដំណោះស្រាយសមស្រប។
2022-07-05
ក្រុមអង្គការសង្គមស៊ីវិលចាប់ផ្ដើមធ្វើយុទ្ធនាការប្រមូលហត្ថលេខាគាំទ្រញត្តិ តាមអ៊ិធឺណិត ឬអនឡាញ ដើម្បីស្នើសុំអន្តរាគមន៍ពីប្រធានាធិបតីអាមេរិកលោក ចូ បៃឌិន (Joe Biden) និងរដ្ឋបាលរបស់លោក ព្រឹទ្ធសភា និងសមាជិកសភា ព្រមទាំងគណៈកម្មការសិទ្ធិមនុស្សក្នុងរដ្ឋសភា នៅសហរដ្ឋអាមេរិក ដើម្បីជំរុញឱ្យមានការដោះលែងកញ្ញា សេង ធារី និងអ្នកជាប់ទោសនយោបាយដទៃទៀតឱ្យមានសេរីភាព។
2022-07-05
កម្ពុជា និងចិនបញ្ជាក់ជំហរជួយគ្នាក្នុងរឿងរក្សាស្ថិរភាពនយោបាយនៅកម្ពុជា និងរឿងគោលនយោបាយចិនតែមួយចំពោះកោះតៃវ៉ាន់ (Taiwan) រួមទាំងតំបន់ចម្រូងចម្រាស់ផ្សេងទៀតនៅប្រទេសចិន។ អ្នកជំនាញលើកឡើងថា កម្ពុជាប្រកាសដូច្នេះ ព្រោះចង់ឱ្យចិនជួយរក្សាអំណាចឱ្យបានយូរអង្វែង ខណៈជំហរចិនតែមួយនឹងធ្វើឱ្យកម្ពុជាប្រឈមនឹងបញ្ហាខ្លាំង ប្រសិនបើមានសង្គ្រាមឈ្លានពានកោះតៃវ៉ាន់។
2022-07-05
គ្រួសារមន្រ្ដីបក្សភ្លើងទៀន ដែលកំពុងជាប់ឃុំនៅពន្ធនាគារខេត្តបាត់ដំបង ស្នើតុលាការដោះលែងសមាជិកគ្រួសារខ្លួនឱ្យនៅក្រៅឃុំ ដោយសារស្ថានភាពរស់នៅក្នុងពន្ធនាគារជួបការលំបាក។ ចំណែកមេធាវីការពារក្ដីជំរុញឱ្យតុលាការពន្លឿនការបើកសវនាការជំនុំជម្រះឱ្យបានឆាប់រហ័ស ចៀសវាងការឃុំខ្លួនកូនក្ដីរយៈពេលយូរ ដែលធ្វើឱ្យប៉ះពាល់ដល់សិទ្ធិសេរីភាពបុគ្គល។
2022-07-05
ប្រពន្ធ និងកូនៗរបស់សកម្មជនគណបក្សភ្លើងទៀននៅខេត្តពោធិ៍សាត់ស្នើយ៉ាងទទូចដល់តុលាការខេត្តនេះទម្លាក់ចោលបទចោទប្រកាន់ និងដោះលែងមេគ្រួសារពួកគេពីពន្ធនាគារឱ្យមានសេរីភាពនៅថ្ងៃសវនាការឆាប់ៗខាងមុខនេះ។ មន្រ្តីសិទ្ធិមនុស្សមើលឃើញថា ការឃុំខ្លួនសកម្មជននទាំងនោះបន្តទៀត គឺជារឿងអយុត្តិធម៌សម្រាប់ពួកគេ ព្រោះតុលាការហាក់ពុំមានភស្តុតាងគ្រប់គ្រាន់ក្នុងការចោទប្រកាន់នោះទេ។
2022-07-05
សហព័ន្ធខ្មែរកម្ពុជាក្រោមដែលមានមូលដ្ឋាននៅសហរដ្ឋអាមេរិកកំពុងធ្វើយុទ្ធនាការ ប្រឆាំងនឹងរដ្ឋាភិបាលវៀតណាម ដែលកំពុងចង់សុំធ្វើសមាជិក ក្រុមប្រឹក្សាសិទ្ធិមនុស្សរបស់អង្គការសហប្រជាជាតិសម្រាប់អាណតិ្តបីឆ្នាំពីឆ្នាំ២០២៣ ដល់ឆ្នាំ២០២៥។ សហព័ន្ធខ្មែរកម្ពុជាក្រោមអះអាងថា វៀតណាមកំពុងរំលោភសិទ្ធិមនុស្ស ជាពិសេសខ្មែរកម្ពុជាក្រោម ដែលជាម្ចាស់ស្រុក ដូច្នោះវៀតណាមនេះមិនអាចក្លាយជាសមាជិកក្រុមប្រឹក្សាសិទ្ធិមនុស្សរបស់អង្គការសហប្រជាជាតិបានទេ។
2022-07-05
ក្នុងខួបទី២៥ឆ្នាំនៃរដ្ឋប្រហារដ៏បង្ហូរឈាមនៅកណ្តាលទីក្រុងភ្នំពេញថ្ងៃទី៥-៦ ខែកក្កដា ឆ្នាំ១៩៩៧កន្លងមកនេះ សូមអញ្ជើញលោកអ្នកនាងអាន និងទស្សនាឡើងវិញនូវសេចក្តីរាយការណ៍របស់លោក ជី វិតា កាលពីឆ្នាំ២០១៨ ជុំវិញរឿងនេះ៖
2022-07-05
ក្នុងគម្រប់ខួប៦ឆ្នាំនៃឃាតកម្មលើបណ្ឌិត កែម ឡី នៅថ្ងៃទី១០ ខែកក្កដា ខាងមុខនេះ ប្រជាពលរដ្ឋក្មេងចាស់ប្រុសស្រី រួមទាំងប្រជាកសិករ និងព្រះសង្ឃលើកឡើងថា ពួកគាត់នៅតែគោរពស្រលាញ់ ចងចាំដល់វីរភាពរបស់លោកបណ្ឌិត កែម ឡី ជានិច្ច និងដិតដាមនូវក្ដីរន្ធត់ សោកស្ដាយ ចំពោះឃាតករព្រៃផ្សៃដែលឆក់យកជីវិតលោកទាំងកណ្ដាលថ្ងៃនៅក្រុងភ្នំពេញ កាលពីថ្ងៃទី១០ ខែកក្កដា ឆ្នាំ២០១៦។ ប្រជាពលរដ្ឋ និងមន្រ្តីសង្គមស៊ីវិល នៅតែទទូចដល់រដ្ឋាភិបាលស៊ើបអង្កេតដោយឯករាជ្យតាមចាប់ខ្លួនអ្នកពាក់ព័ន្ធទាំងអស់ និងឃាតកពិតប្រាកដយកដាក់ទោស ដើម្បីលុបបំបាត់អំពើនិទណ្ឌភាពក្នុងសង្គម និងផ្តល់យុត្តិធម៌ដល់ជនរងគ្រោះ។
