ប័ណ្ណសារព័ត៌មាន
ក្នុងឆ្នាំ២០២៣ ក្រុមហ៊ុនចិនមកបណ្ដាក់ទុនរកស៊ីនៅកម្ពុជាច្រើនជាងគេ ខណៈអ្នកជំនួញចិនខ្លះចូលមក «បង្កការភ័យខ្លាច» ដល់ពលរដ្ឋ
ក្នុងឆ្នាំ២០២៣ កន្លងទៅក្រុមហ៊ុនចិនបានចូលបោះទុនវិនិយោគនៅកម្ពុជាច្រើនជាងគេដែលមានទំហំទឹកប្រាក់ទុនសរុបជាង ៣ពាន់ ២រយ លានដុល្លារអាមេរិក។ ទោះបីជាយ៉ាងណា មន្ត្រីសង្គមស៊ីវិល និងអ្នកឃ្លាំមើលលើកឡើងថា អ្នកជំនួញចិនខ្លះចូលមកកម្ពុជាបានបង្កការភ័យខ្លាចដល់ពលរដ្ឋតាមរយៈការធ្វើជំនួញខុសច្បាប់ និងប្រព្រឹត្តអំពើពុករលួយជាប្រព័ន្ធជាមួយអ្នកមានអំណាច ដែលធ្វើឱ្យពលរដ្ឋពុំទទួលបានផលប្រយោជន៍ពីគម្រោងអភិវឌ្ឍ។
ក្រុមយុវជនសកម្មការងារសង្គមចង់ឃើញរដ្ឋាភិបាលបើកលំហប្រជាធិបតេយ្យនៅឆ្នាំ២០២៤
ក្រុមយុវជនសកម្មការងារសង្គមចង់ឃើញរដ្ឋាភិបាល បើកលំហសេរីភាពការងារសកម្មជនសិទ្ធិមនុស្សឡើងវិញនៅក្នុងឆ្នាំ២០២៤ខាងមុខ។ មន្ត្រីសង្គមស៊ីវិលថា យុវជនស្ម័គ្រចិត្តចូលរួមការងារសង្គម គឺជាយុវជនគំរូ ដូច្នេះពួកគេគួរទទួលបានការលើកទឹកចិត្តពីរដ្ឋាភិបាល ជាជាងទទួលបានការគំរាមកំហែងពីប្រព័ន្ធតុលាការ។
តើរដ្ឋាភិបាលគួរមានយុទ្ធសាស្ត្របែបណាសម្រាប់ដោះស្រាយបញ្ហាជួញដូរមនុស្សនៅឆ្នាំ២០២៤?
រយៈពេលជិត ១០ឆ្នាំចុងក្រោយនេះ កម្ពុជាជាប់ឈ្មោះជាប្រទេសខ្វះនីតិរដ្ឋ និងសម្បូរដោយឧក្រិដ្ឋកម្មនានា ខណៈប្រទេសមហាអំណាចធំៗកំពុងសម្លឹងឃើញថា កម្ពុជាកំពុងក្លាយជាទីតាំងរបស់ឧក្រិដ្ឋជនសម្រាប់ជួញដូរមនុស្សក្នុងចំណោមប្រទេសផ្សេងទៀតក្នុងតំបន់។ រដ្ឋាភិបាលតែងតែប្រកាសប្ដេជ្ញាចិត្តប្រឆាំង និងទប់ស្កាត់ឧក្រិដ្ឋកម្មជួញដូរមនុស្ស ប៉ុន្តែបញ្ហានេះ នៅតែបន្តកើតមានដដែល និងបានបង្កផលប៉ះពាល់ និងកេរ្តិ៍ឈ្មោះកម្ពុជាលើឆាកអន្តរជាតិ។
ខ្មែរក្រោមរស់នៅលើទឹកដីកំណើតនិងនៅកម្ពុជាបន្តរងការរំលោភបំពានផ្នែកសិទ្ធិមនុស្សនិងសាសនា
នៅឆ្នាំ២០២៣ នេះ ខ្មែរកម្ពុជាក្រោមរស់នៅលើទឹកដីកំណើតបន្តជួបប្រទះការរំលោភសិទ្ធិមនុស្សនិងសិទ្ធិសាសនា ពីសំណាក់អាជ្ញាធរវៀតណាម។ ដោយឡែកពលរដ្ឋខ្មែរក្រោមនៅកម្ពុជាវិញ ក៏បន្តជួបប្រទះបញ្ហារើសអើង ខណៈអ្នកនយោបាយខ្មែរក្រោមត្រូវរងការធ្វើទុក្ខបុកម្នេញពីសំណាក់មន្ត្រីគណបក្សកាន់អំណាច។
តើព្រឹត្តិការណ៍សំខាន់ៗអ្វីខ្លះកើតឡើងនៅកម្ពុជាក្នុងឆ្នាំ២០២៣?
នៅប្រទេសកម្ពុជាក្នុងឆ្នាំ២០២៣ ព្រឹត្តិការណ៍ដែលបានកើតឡើងនិងលេចធ្លោជាងគេនោះ គឺការរៀបចំបោះឆ្នោតជាតិក្លែងក្លាយ ដើម្បីឲ្យក្រុមមេដឹកនាំបក្សកាន់អំណាច ផ្ទេរអំណាចដល់កូនចៅជំនាន់ក្រោយរបស់ពួកគេ ដែលកាន់តែធ្វើឲ្យដំណើរការប្រជាធិបតេយ្យ វិបត្តិនយោបាយ និងវិបត្តិសង្គមសេដ្ឋកិច្ច កាន់តែបន្តជាប់គាំងថែមទៀតមកទល់ពេលនេះ។ ក្រៅពីនោះ ការចាប់ចង និងការប្រើប្រព័ន្ធតុលាការកាត់ទោសមេដឹកនាំ និងសកម្មជនបក្សប្រឆាំង និងការរំលោភសិទ្ធិមនុស្ស ក៏នៅតែបន្តកើតមាន។
ការតស៊ូ ដើម្បីសិទ្ធិសេរីភាព និងយុត្តិធម៌សង្គមរបស់ក្រុមស្ត្រីក្នុងឆ្នាំ២០២៣
ក្នុងឆ្នាំ២០២៣ដែលជិតកន្លងផុតទៅនេះ ក្រុមស្ត្រីមួយចំនួនបានបន្តតស៊ូ ដើម្បីយុត្តិធម៌សង្គម និងការអនុវត្តសិទ្ធិរបស់ពួកគេក្នុងនាមជាពលរដ្ឋក្នុងសង្គមប្រជាធិបតេយ្យ។ ស្ត្រីដែលលេចធ្លោក្នុងការតស៊ូនេះមានដូចជា កញ្ញា សេង ធារី កញ្ញា ឈឹម ស៊ីថរ និងក្រុមកូដករណាហ្គាវើលដ៍ ក្រុមស្ត្រីមានជម្លោះដីធ្លី ក្រុមស្ត្រីថ្ងៃសុក្រ និងក្រុមស្ត្រីវ័យក្មេង នៃចលនាមាតាធម្មជាតិជាដើម។ តើការតស៊ូរបស់ក្រុមស្ត្រីទាំងនេះឆ្លុះបញ្ចាំងពីអ្វីខ្លះនៅក្នុងឆ្នាំ២០២៣នេះ? តើពួកគេចង់បានឱ្យមានការផ្លាស់ប្ដូរអ្វីខ្លះនៅក្នុងឆ្នាំ២០២៤ខាងមុខ?