ຈີນ ສ້າງອາຄານ ສູນກາງພັກ ໃຫ້ລາວ

ອຸ່ນແກ້ວ ສຸກສະຫວັນ
2016-03-22
ອີແມວລ໌
ຄໍາເຫັນ
Share
ພິມ
ທ່ານ ຈູມມະລີ ໄຊຍະສອນ ແລະ ທ່ານ ຊີ ຊິນປິງ ສ້າງສາຍພົວພັນ ຣະຫວ່າງ ສປປລາວ ແລະ ສປຈີນ
ທ່ານ ຈູມມະລີ ໄຊຍະສອນ ແລະ ທ່ານ ຊີ ຊິນປິງ ສ້າງສາຍພົວພັນ ຣະຫວ່າງ ສປປລາວ ແລະ ສປຈີນ
Screen captured LNTV video

ສໍານັກຂ່າວຊິນຫົວ ຂອງຈີນ ຣາຍງານວ່າ ໂຄງການ ກໍ່ສ້າງ ອາຄານ ຫ້ອງການ ສູນກາງ ພັກ ປະຊາຊົນ ປະຕິວັດລາວ ທີ່ຕັ້ງຢູ່ ຫລັກ 6 ດ້ານຫລັງ ຫໍ ພິພິດຕະພັນ ໄກສອນ ພົມວິຫານ, ນະຄອນຫຼວງ ວຽງຈັນ ສໍາເຣັດແລ້ວ ແລະ ມອບໃຫ້ ທາງການລາວ ເປັນທີ່ ຮຽບຮ້ອຍ ແລ້ວ ໃນວັນຈັນ ທີ່ ຜ່ານມາ.

ໂຄງການ ດັ່ງກ່າວ ຖືວ່າເປັນ ຂອງຂວັນ ທີ່ຈາກ ພັກ ຄອມມູນນິສ ຈີນ ແລະ ຣັຖບານ ຈີນ ທີ່ ໄດ້ມອບໃຫ້ ແກ່ ຣັຖບານລາວ ເນື່ອງໃນ ໂອກາດ ຄອບຮອບ 60 ປີ ໃນການ ສ້າງຕັ້ງ ພັກ ປະຊາຊົນ ປະຕິວັດ ລາວ ແລະ ຄົບຮອບ 40 ປີ ໃນການ ສ້າງຕັ້ງ ສປປລາວ, ແລະ ຄົບຮອບ 55 ປີ ໃນການສ້າງ ສາຍພົວພັນ ທາງການ ທູດ ຣະຫວ່າງ ລາວ-ຈີນ. ຫ້ອງການ ດັ່ງກ່າວ ເປັນຕຶກອາຄານ 3 ຊັ້ນ ກວມເອົາ ເນື້ອທີ່ ປະມານ 20,000 ແມັດກາເຣ.

ຂ່າວຍັງ ຣາຍງານ ອີກວ່າ ສິ່ງດັ່ງກ່າວ ເປັນສັນຍາລັກ ການຮ່ວມມື ແລະ ມິດຕະພາບ ຣະຫວ່າງ ລາວ-ຈີນ ແລະ ຖືວ່າເປັນ ການຮ່ວມມື ທາງດ້ານ ຍຸທສາດ ຮອບດ້ານ. ເຈົ້າໜ້າທີ່ ຈີນ ກ່າວວ່າ ໂຄງການ ດັ່ງກ່າວ ເປັນປໂຍດ ແລະ ການຮ່ວມມື ຣະຫວ່າງ ສອງພັກ-ສອງຣັຖ ລາວ ແລະ ຈີນ.

ນອກຈາກນີ້ ທາງການ ຈີນ ຍັງຈະສືບຕໍ່ ເພີ້ມທະວີ ການຮ່ວມມື ໂດຍສະເພາະ ຈະມີການ ຮ່ວມມືກັນ ສ້າງສາ ຖະໜົນ ສາຍໄໝ ແລະ ຈີນ ຍັງຈະຊ່ວຍ ສະໜັບສະໜູນ ການພັທນາ ຢູ່ ລາວ.

ຄໍາເຫັນ (3)
Share

ດິດທະວົງ

ຈາກ ໂພນເຄັງ

ຂໍຂອບໃຈນຳ ສປ ຈິນ ຊີງເປັນ ປະເທດ ທີ່ເຄີຍສະໜັບສະໜູນ ອູ້ມຊູຊ່ວຍເຫລືອ ເຄືອງອຸປະກອນພ້ອມທັງ ທະຫານແກ່ ປະເທດລາວໃນ ສະໄໝ ການ ຕໍ່ສູ້ ກັບ ຈັກະພັດອາເມລິກາ ພາຍຫລັງ ປີ 1979 ທິ ອ້າຍ ຫວຽດນາມ ນຳພາ ສປປ ລາວຕໍ່ສູ້ ເປັນສັດຕູກັນ ກັບ ສປ ຈິນ ສປປ ລາວ ພົບກັບອຸປະສັກຍາກ ທີ່ ສຸດ ຂໍ ຂອບໃຈ ແລະ ກອງ ທັບ ສປປ ລາວ ຈະ ເປັນ ມິດ ໃຫ້ ສປ ຈິນ ຢ່າງ ໜຽວແໜ້ນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 28, 2016 02:27 PM

ສຳລານ

ຈາກ ໄກສອນພົມວິຫານ

ອາຄານ ເປັນແບບໃດ ບໍ່ມີຮູບບໍ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 23, 2016 02:15 PM

ປະຊາຊົນ

ຈາກ ລາວ

ໂອ້ ອາກົງ ໃຈດີຫລາຍ ແຕ່ຈະໃຈດີແທ້ ບໍ່ທ່ານຜູ້ນຳ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 23, 2016 02:11 PM

ເຕັມຫນ້າ