ເຂື່ອນດອນສະໂຮງຈະຜັນປ່ຽນ ແລວ ນໍ້າຂອງ

ຈໍາປາທອງ
2014-12-25
Share
F-Don sahong ແມ່ນໍ້າຂອງ ໃນເຂດທີ່ ຈະມີການ ສ້າງເຂື່ອນ ດອນສະໂຮງ
RFA

 

ເຂື່ອນ ໄຟຟ້າ ດອນສະໂຮງ ຈະຕັນ ຜັນປ່ຽນ ແລວນໍ້າ ໃນ ແມ່ນໍ້າຂອງ. ຕາມ ຣາຍງານ ຂ່າວ ຂອງ ໜັງສືພິມ ວຽດນາມ. ອີງໃສ່ ກອງປະຊຸມ ອອກ ຄວາມ ຄິດເຫັນ ແຫ່ງຊາດ ວຽດນາມ ທີ່ຈັດຂຶ້ນ ຢູ່ ກຸງ ຮາໂໜ້ຍ ວັນທີ 23 ທັນວາ 2014 ຊຶ່ງ ກ່ຽວກັບ ການ ກວດສອບ ຜົລກະທົບ ທີ່ ອາຈເກີດ ຈາກ ເຂື່ອນ ໄຟຟ້າ ດອນສະໂຮງ ຂນາດ 260 ເມກາວັດ ຂອງ ສປປ ລາວ.

ນາງ Nguen Hong Phuong ຮອງ ຫົວໜ້າ ຄນະ ເລຂາ ຫ້ອງການ ປະຈໍາ ຂອງ ຄນະ ກັມການ ແມ່ນໍ້າຂອງ ແຫ່ງຊາດ ວຽດນາມ ກ່າວວ່າ ໂຄງການ ເຂື່ອນ ໄຟຟ້າ ດອນສະໂຮງ ນັ້ນ ຕັ້ງຢູ່ ຮູ ສະໂຮງ ບ່ອນທີ່ ກະແສນໍ້າ ສໍາຄັນ ຂອງ ແມ່ນໍ້າຂອງ ໄຫລ ຜ່ານ.

ຜູ້ເຂົ້າຮ່ວມ ກອງ ປະຊຸມ ພາກັນ ເວົ້າວ່າ ເຂື່ອນ ດອນສະໂຮງ ຈະຕັນ ການໄຫລ ຂອງນໍ້າ ຢູ່ ຮູສະໂຮງ, ຈະກັ້ນ ການ ຂຶ້ນ-ລ່ອງ ຂອງໝູ່ປາ, ຈະທໍາລາຍ ສິ່ງ ແວດລ້ອມ ທາງ ຊີວະພາບ ແລະ ຈະມີຜົລ ກະທົບ ຕໍ່ການ ດໍາລົງຊີວິິດ ຂອງ ປະຊາຊົນ ທີ່ ອາສັຍ ແມ່ນໍ້າຂອງ ເປັນບ່ອນ ທໍາມາຫາ ລ້ຽງຊີບ. ເຂື່ອນນີ້ ຈະມີຜົລ ກະທົບ ອັນ ໃຫຍ່ຫລວງ ຕໍ່ ການປະມົງ ໃນ ຂົງເຂດ ນີ້ ຍ້ອນຈະມີ ການປ່ຽນ ແປງ ໃນການ ຂຶ້ນ-ລ່ອງ ຂອງ ພວກໝູ່ປາ.

ເມື່ອເດືອນ ມິຖຸນາ ຜ່ານມາ ທາງການ ລາວ ປະກາດ ເຖິງ ການຕົກລົງ ທີ່ ຈະໃຫ້ມີ ຂະບວນການ ປຶກສາ ຫາລື ລ່ວງໜ້າ ຂອງຄນະ ກັມມາທິການ ແມ່ນໍ້າຂອງ ກ່ຽວກັບ ໂຄງການ ເຂື່ອນ ດອນສະໂຮງ ນັ້ນ. ເຂື່ອນ ດອນສະໂຮງ ຈະຢູ່ໄກ ຈາກ ຊາຍແດນ ກໍາພູຊາ ປະມານ 3 ກິໂລແມັດ ແລະ ຫ່າງຈາກ ຊາຍແດນ ວຽດນາມ ປະມານ 420 ກິໂລແມັດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.