ເຂື່ອນປາກແບງ,ປາກລາຍ ຍັງຢູ່ ໃນແຜນ

ສຸພັດຕາ
2018-08-20
ອີແມວລ໌
ຄໍາເຫັນ
Share
ພິມ
ຊາວປະມົງ ທັງ ລາວແລະໄທ ທີ່ຫາປາລ້ຽງຊີບ ຕາມລໍາແມ່ນໍ້າຂອງ
ຊາວປະມົງ ທັງ ລາວແລະໄທ ທີ່ຫາປາລ້ຽງຊີບ ຕາມລໍາແມ່ນໍ້າຂອງ
RFA/TP

ໂຄງການເຂື່ອນປາກແບງ ຢູ່ເມືອງປາກແບງ ແຂວງອຸດົມໄຊ ແລະເຂື່ອນປາກລາຍ ຢູ່ເມືອງປາກລາຍ ແຂວງໄຊຍະບູລີ ຊຶ່ງເປັນເຂື່ອນ ໄຟຟ້າຂນາດໃຫຍ່ ໃນແມ່ນໍ້າຂອງ ທີ່ຣັຖບານສປປລາວມີແຜນຈະສ້າງ ກ່ອນໜ້ານັ້ນ ປັດຈຸບັນ 2 ໂຄງການດັ່ງກ່າວ ຍັງສຳຣວດ ແລະ ສຶກສາຄວາມເປັນໄປໄດ້ ໃນການກໍ່ສ້າງຕໍ່ໄປ. ຕາມແຜນ ຍັງບໍ່ທັນໄດ້ຮັບຄຳສັ່ງ ຈາກຣັຖບາລໃຫ້ໂຈະ ຫລືກວດກາເທື່ອ. ດັ່ງເຈົ້າໜ້າທີ່ ກ່ຽວຂ້ອງ ກັບໂຄງການເຂື່ອນໄຟຟ້າປາກລາຍ ຢືນຢັນກັບຕໍ່ວິທຍຸເອເຊັຍເສຣີ ໃນມື້ວັນທີ 10 ສິງຫາ ນີ້ວ່າ:

“ເຄື່ອງຈັກສຳຣວດ ແລ້ວແຕ່ວ່າຍັງບໍ່ມີຄວາມຄືບໜ້າ ຫຍັງເທື່ອນີ້ນ່າ ເພາະວ່າມີຖແລງຂ່າວ ວ່າຂອງທ່ານນາຍົກ ມີແຕ່ສັ່ງໂຈະນັ້ນຊື່ໆ ແຕ່ວ່າບໍ່ເຫັນເປັນທາງການ ມາຈາກເມືອງ ທາງຫ້ອງການເຮົາໄດ້ໄປຕິດຕາມ ແຕ່ວ່າບໍ່ເຫັນເປັນທາງການມາ ບໍ່ມີພາກສ່ວນໃດມາ ພົວພັນເຈົ້າ.”

ສໍາລັບເຂື່ອນປາກແບງນັ້ນ ເຈົ້າໜ້າທີ່ກ່ຽວຂ້ອງກ່າວວ່າ ມາຮອດມືຶ້ນີ້ ທັງແຂວງແລະເມືອງ ຍັງບໍ່ໄດ້ຮັບຣາຍງານ ຈາກສູນກາງວ່າໃຫ້ໂຈະ ແຜນການຫລືກວດກາແຜນເຂື່ອນປາກແບງ ຄືນໃໝ່ເທື່ອ ມີແຕ່ວ່າ ໃຫ້ກວດກາເຂື່ອນອື່ນໆ ດັ່ງທີ່ທ່ານກ່າວວ່າ:

”ເຂື່ອນໄຟຟ້າປາກແບງບໍ່ມີນ່າ ເພິ່ນກໍ່ບໍ່ໄດ້ແຈ້ງວ່າໃຫ້ກວດຄືນ ຢູ່ນີ້ເພິ່ນບໍ່ແຈ້ງມາກວດກາແຕ່ເພິ່ນບອກວ່າ ໃຫ້ກວດກາຄືນແຕ່ເຂື່ອນດິນ ເຂື່ອນຫຍັງ ແຕ່ເຮົາບໍ່ມີຫຍັງດອກ ຝົນຕົກກໍ່ບໍ່ມີບັນຫາຫຍັງດອກ ກວດຄືນມັນກໍ່ຍັງ ສະພາບຄືປົກກະຕິດ ຈະໄປເປັນອີສັງ ບໍ່ມີຫຍັງດອກ.”

ກ່ຽວກັບເຣື້ອງນີ້ ເອເຊັຽເສຣີ ກໍໄດ້ ໂທຣະສັບໄປຖາມອົງການແມ່ນ້ຳ ແລະກໍໄດ້ຄຳຕອບເປັນຂໍ້ຄວາມ ໃນມື້ວັນທີ 17 ສິງຫາວ່າ:

"ສຳລັບໂຄງການເຂື່ອນປາກແບງ ແລະປາກລາຍນັ້ນທັງສອງເຂື່ອນ ຍັງຢູ່ໃນຂັ້ນຕອນ ການປືກສາຫາລືກັນລ່ວງຫນ້າ, ເຂື່ອນປາກແບງ ຜ່ານຂັ້ນຕອນ ການປຶກສາຫາລືກັນລ່ວງໜ້າເປັນເວລາ 6 ເດືອນແລ້ວ ໃນຂນະທີ່ເຂື່ອນປາກລາຍກຳລັງເລີ້ມຂັ້ນຕອນ ດັ່ງກ່າວໃນມື້ວັນທີ 8 ສິງຫາ ນີ້, ແຕ່ເລຂາທິການແມ່ນ້ຳຂອງ ທ່ານ ຟາມທວນພານ ໄດ້ສເນີໃຫ້ເລື່ອນຂັ້ນຕອນ ການປຶກສາຫາລືກັນລ່ວງຫນ້າ ກ່ຽວກັບໂຄງການ ເຂື່ອນປາກລາຍ ໄວ້ກ່ອນ ຫລັງຈາກທີ່ ນາຍົກຣັຖມົນຕຣີ ສປປລາວ ໄດ້ປະກາດໃຫ້ກວດຄືນເຂື່ອນໃນແຜນການ ແລະໃຫ້ໂຈະການລົງທຶນ ສ້າງເຂື່ອນໃຫມ່ ໃນລາວ.

ຕົວແທນຈາກ ສປປລາວ ຜູ້ເຂົ້າຮ່ວມໃນກອງປະຊຸມຄັ້ງທຳອິດ ຂອງຂັ້ນຕອນການປຶກສາຫາລືກັນ ລ່ວງຫນ້າ ໃນໂຄງການເຂື່ອນປາກລາຍ ສັນຍາວ່າ ຣັຖບານລາວ ຈະໃຫ້ແຈ້ງການກ່ຽວກັບເຣື້ອງນີ້ວ່າຄຳສັ່ງ ຂອງນາຍົກຣັຖມົນຕຣີ ສປປລາວ ນັ້ນຈະສົ່ງ ຜົລກະທົບ ຕໍ່ໂຄງການ ເຂື່ອນປາກລາຍ ຫລືບໍ່ ເທົ່າເຖິງປັດຈຸບັນ ອົງການແມ່ນ້ຳຂອງ ຍັງບໍ່ໄດ້ຮັບການແຈ້ງການນັ້ນເລີຍ”.

ເຕັມຫນ້າ