ຣົດບໍຣິສັດຈີນຖືກ ລັດຍິງ

ອຸ່ນແກ້ວ ສຸກສະຫວັນ
2016-01-24
ອີແມວລ໌
ຄໍາເຫັນ
Share
ພິມ
ຣົດ ຍໍຣິສັດ ບໍ່ແຮ່ ຂອງຈີນ ໃນລາວ ຖືກ ລັດຍິງ ຢູ່ ພາກເໜືອ ມີຜູ້ ເສັຽຊີວິດ 2 ຄົນ ບາດເຈັບ 1 ຄົນ.
ຣົດ ຍໍຣິສັດ ບໍ່ແຮ່ ຂອງຈີນ ໃນລາວ ຖືກ ລັດຍິງ ຢູ່ ພາກເໜືອ ມີຜູ້ ເສັຽຊີວິດ 2 ຄົນ ບາດເຈັບ 1 ຄົນ.
Citizen Journalist

ຣົດບໍຣິສັດບໍ່ແຮ່ຈີນຖືກ ລັດຍິງ

ມີ ກຸ່ມຄົນຮ້າຍ ບໍ່ຮູ້ຈໍານວນ ກໍ່ກວນ ຄວາມວຸ້ນວາຍ ລັດຍິງຣົດ ຂອງ ບໍຣິສັດ ບໍ່ແຮ່ ຈີນ ຢູ່ ເສັ້ນທາງ ຣະຫວ່າງ ແຂວງ ຊຽງຂວາງ ແລະ ແຂວງ ໄຊສົມບູນ ພາກເໜືອ ຂອງລາວ, ເຮັດໃຫ້ມີ ຜູ້ເສັຽຊີວິດ 2 ຄົນ ບາດເຈັບ 1 ຄົນ. ຊາວບ້ານ ທ່ານນຶ່ງ ທີ່ ເດີນທາງ ຜ່ານມາພໍດີ ເຫັນເຫດການ ໄດ້ກ່າວຕໍ່ ເອເຊັ ຽເສຣີ ວ່າ:

ເຫດການ ເກີດຂຶ້ນ ເວລາ ປະມານ 10 ໂມງເຊົ້າ ວັນທີ 24 ມົກກະຣາ 2016, ມີຣົດຍີ່ຫໍ້ BMW ສີຂາວ ຊຶ່ງເປັນ ຣົດ ບໍຣິສັດ ບໍ່ແຮ່ ຂອງຈີນ ທີ່ເດີນທາງ ໄປຕາມ ເສັ້ນທາງ ທີ່ ກ່າວມາ ຂ້າງເທິງ ນັ້ນ.

ຊາວບ້ານ ທ່ານນັ້ນ ເວົ້າກັບ ເອເຊັຽ ເສຣີ ອີກວ່າ: ຫຼັງຈາກ ເກີດເຫດການ ລັດຍິງຣົດ ຄັນ ດັ່ງກ່າວ ຕໍ່ມາບໍ່ດົນ, ກໍມີ ເຈົ້າໜ້າທີ່ ທະຫານ ປະມານ 10 ຄົນ ທີ່ ຮັກສາຄວາມ ສະຫງົບ ໃນເຂດນັ້ນ ໄດ້ເຂົ້າມາ ບ່ອນຈຸດ ທີ່ເກີດເຫດ ແລະ ຫ້າມບໍ່ໃຫ້ ມີໃຜ ເຂົ້າໃກ້.

ຈາກ ສະພາບ ຣົດ ທີ່ ຖືກຍິງນັ້ນ ແມ່ນ ທາງຂ້າງ ເບື້ອງຂວາ ມີຮູລູກປືນ ຫຼາຍນັດ, ສັນນິຖານ ວ່າ ເປັນເຫດໃຫ້ ຣົດຄັນນັ້ນ ເສັຽຫຼັກ ເມື່ອຖືກຍິງ ຈຶ່ງ ເຈືອດໄປຕໍາ ໃສ່ເປີ້ນພູ, ຄົນໃນຣົດ ເສັຽຊີວິດ ຄາທີ່ 2 ຄົນ ບາດເຈັບ 1 ຄົນ.

ເຫດການ ລັດດັກຍິງ ຣົດ ຕາມເສັ້ນທາງ ໄປຫາ ແຂວງ ໄຊສົມບູນ ເກີດຂຶ້ນ ຫຼາຍເທື່ອແລ້ວ ນັບແຕ່ ເດືອນ ພຶສຈິກາ 2015 ເປັນຕົ້ນມາ.

ໃນວັນທີ 14 ມົກກະຣາ ກໍມີຣົດເມ ໂດຍສານ ຂອງ ບໍຣິສັດ ຈິດປະສົງ ຍອດນິຍົມ ມຸ້ງໜ້າໄປ ຕາມ ເສັ້ນທາງ ເຂດພູຄູນ ເມືອງ ກາສີ ແຂວງ ວຽງຈັນ ກໍຖືກລັດ ຍິງ ມີຜູ້ ເສັຽຊີວິດ 1 ຄົນ.

ໃນ ເດືອນ ພຶສຈິກາ ຫາ ເດືອນ ທັນວາ 2015 ຢູ່ ແຂວງ ໄຊສົມບູນ ກໍມີເຫດ ລັດຍິງ ຣົດ ຕາມເສັ້ນທາງ ຫຼາຍຄັ້ງ ແລະ ເກີດການ ປະທະກັນ ຣະຫວ່າງ  ກໍາລັງ ທະຫານ ຂອງທາງການ ກັບກຸ່ມຄົນ ບໍຮູ້ວ່າເປັນ ຝ່າຍໃດ, ໃນເຫດການ ຄັ້ງນັ້ນ ປະຊາຊົນ ເສັຽຊີວິດ 4 ຄົນ, ຝ່າຍທະຫານ ເສັຽຊີວິດ 3 ຄົນ.

ຄໍາເຫັນ (13)
Share

ຄ.ນະຄຳມ່ວນ

ຈາກ ທ່າແຂກ

ຍຸກເກົ່າສະໃຫມບູຮານ ພວກທະຫານແກວ ບໍ່ເຄີຍຂາດ ຢູ່ເຂດທົ່ງໄຫຫີນຊຽງຂວາງ, ໄນເມື່ອມາຍາດຜົນປະໂຍດ ໂດຍຕຣົງກໍ່ຈະປົງສັງຂານ ໃຫ້ຊະແນວນີ້ແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 27, 2016 03:17 PM

ເຜົ່າລາວ

ຈາກ ແຜ່ນດີນລ້ານຊ້າງ

ຄວາມເຫັນ ຂອງທ່ານ Lao Patriot ມີຄວາມເປັນໄປໄດ້ສຼງ ເພາະວ່າ ເພື່ອຜົນປໂຍດທີ່ຈະໄດ້ໄປຈາກ ຜືນແຜ່ນດີນລາວ ອັນອູດົມສົມບຼນນັ້ນ ຫວຽດນາມໄດ້ສົ່ງພວກຫວຽດໂງ່ ມາຕາຍນັບເປັນແສນໆຄົນ ມາບັດນີ້ຈີນ ຈະສວຍໂອກາດມາ
ຍາດແຍ່ງແບ່ງປັນນັ້ນ ມັນບໍ່ຫ່ອນຈະຍອມຮັບໄດ້ ແມ້ຈະເກີດມວຍເດັກກັບຜຼ້ໃຫຍ່ ກໍຕ້ອງສ່ຽງ ດີກ່ວາປ່ອຍໃຫ້ສາຍເກີນແກ້. ນອກຈາກຈະເປັນການເຕືອນ ທັງຝ່າຍຣັຖບານລາວ ແລະຈີນແລ້ວ ຍັງເປັນການສ້າງສຖານະການ ເພືອນຳເອົາກອງ
ກຳລັງຫວຽດນາມ ເຂົ້າມາເພີມອີກ ເພື່ອກ້ຳເກິ່ງກັບອິດທິພົນ ຂອງຈີນໃນລາວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 27, 2016 03:15 PM

ຈຳປາ

ຈາກ ນາແປ່

ອັນນີ້ເຂົາວ່າແຄ້ນແຕ່ເກົ່າແກ່ ຕ້ອງນຳມາແກ້ໃນໂລກາໃຫມ່ ພະຍາມັງກອນ, ຕ້ອງແຈບໃຫ້ຫມາຂີ້ເຮື້ອນ ກຳລັງເປັນວໍ້ ບໍ່ຍອມຂໍງໍ້ໃຫ້ ຜູ້ໄດອີກແລ້ວ. ແກວແດງຂ້າເຈັກແດງ ລາວ ກໍ່ຕົບມືພືຜ້າ ໃຫ້ໄດ້ນັ້ນແລ້ວ!555.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 07:15 PM

Lao Patriot

ຈາກ Vientiane, Laos

This is the full responsibility of Vietnamese troops in Xieng Khouang because in the past years, Choummaly, Thong Sing and Somsavath gave too much projects over the country to China. Soon, Laos will be flooded by Chinese people, so that the Vietnamese can not accept it that's why they warned China not to go so far or there will be war between the two countries.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 07:12 PM

ຈິດປະສົງ

ຈາກ ພູເບັ້ຍ

ນີ້ແລ້ວຄືການບຸກທະລຸ ທີ່ຈູມມະລີ ໄຊຍະສອນ ກ່າວ, ຖ້າບໍ່ເຊື່ອກໍລອງ ຝ່າຝືນໄຟອຳນາດ ຂອງພວກວ່າ ມີສະເຖັຍລະພາບອີກເບິ່ງ. ແຈບໆໆໆໆ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 07:11 PM

ເບິ່ງຄວາມເຫັນທັງໝົດ.

ເຕັມຫນ້າ