ຄົນງານຕ້ອງຮຽນຮູ້ການໃຊ້ ເຄມີ

ມະນີຈັນ
2014-02-26
Share
ຄົນງານທີ່ໃຊ້ສານເຄມີ ຕ້ອງຮຽນຮູ້ ການໃຊ້ແລະປ້ອງກັນ ຕົນເອງຈາກສານເຄມີ
RFA

 

ຜແນກກະສິກັມແຂວງຜົ້ງສາລີ ສັ່ງໃຫ້ນັກລົງທຶນຈີນທີ່ເຂົ້າມາປູກຢາງພາລາແລະກ້ວຍຢູ່ພາຍໃນແຂວງ ໃຫ້ຄວາມຮູ້ເຣື່ອງວິທີໃຊ້ ສານເຄມີຢ່າງຖືກຕ້ອງແລະປອດພັຍແກ່ຄົນງານລາວທີ່ເຮັດວຽກສີດຜົ່ນສານເຄມີຫລືຢາຂ້າແມງໄມ້ໄດ້ຮັບອັນຕຣາຍຕໍ່ສຸຂພາບ. ດັ່ງເຈົ້າໜ້າທີ່ນາງໜຶ່ງກ່າວວ່າ:

"ຖ້າວ່າບໍຣິສັດໃດນໍາຢາທີ່ວ່າເຂົ້າມາຈັ່ງຊີ້ຫັ້ນນະ ກໍຕ້ອງແບບວ່າແນະນໍາເຕັກນິກວິທີການນໍາໃຊ້ວິທີການປ້ອງກັນ ແມ່ນຫຍັງ ອັນນີ້ແມ່ນເປັນໜ້າທີ່ຂອງບໍຣິສັດທີ່ວ່າຈະຕ້ອງໃຫ້ປະຊາຊົນຮັບຮູ້ເນາະ".

ແລະວ່າແຕ່ກ່ອນການໃຫ້ຄວາມຮູ້ເຣື່ອງໃຊ້ສານເຄມີເປັນໜ້າທີ່ຂອງເຈົ້າໜ້າທີ່ແຕ່ເມື່ອນັກລົງທຶນໄດ້ເອົາສານເຄມີມາໃຊ້ໃນການ ຜລິດຂອງຕົນເອງຢ່າງຫລວງຫລາຍຈຶ່ງຕ້ອງສັ່ງໃຫ້ຂະເຈົ້າ ແນະນໍາຄົນງານລາວໃນທ້ອງຖີ່ນທີ່ມາຮັບຈ້າງ.

ໃນຂະນະດຽວກັນຫາກພົບວ່າບໍຣິສັດໃດທີ່ນໍາສານເຄມີເຂົ້າມາໃຊ້ແຕ່ບໍ່ໄດ້ມີການອົບຮົມໃຫ້ຄົນງານລາວມີຄວາມຮູ້ເຣື່ອງການນໍາ ໃຊ້ກໍຈະຖືວ່າເຮັດຜິດກົດຣະບຽບຊຶ່ງຈະຖືກປັບໃໝຫລືຖືກລົງໂທດ.

ນາງກ່າວໃນຕອນທ້າຍວ່າເຖິງຈະຍັງບໍ່ມີຣາຍງານເຣື່ອງຄົນງານລາວໄດ້ຮັບອັນຕຣາຍຈາກສານເຄມີເຖິງຂັ້ນເຂົ້າໂຮງໝໍໃນຣະຍະ ສອງປີມານີ້ແຕ່ຈະປະມາດບໍ່ໄດ້ເພາະການໃຊ້ສານເຄມີເປັນການສ່ຽງຕໍ່ອັນຕຣາຍສໍາລັບຜູ້ໃຊ້ຜູ້ສິດຜູ້ພົ່ນຢູ່ແລ້ວ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ