ຍວດຍານພາຫະນະເພີ້ມຂຶ້ນ ໃນລາວ

ໃນ 2-3 ປີມານີ້ ລາວ ໄດ້ນໍາເອົາຣົດເຂົ້າປະເທດເພີ້ມຂຶ້ນເລື້ອຍໆ ແລະເກີນຄວາມຕ້ອງການ ເຮັດໃຫ້ມີການວິພາກວິຈານວ່າເຮັດໃຫ້ການ ຈະຣາຈອນຕິດຂັດ. ເຈົ້າໜ້າທີ່ກະຊວງ ອຸດສາຫະກັມການຄ້າ ອະທິບາຍວ່າການນໍາເຂົ້າ ແລະຈໍາຫນ່າຍຣົດ ຈາກຕ່າງປະເທດນີ້ ມີໃນທົ່ວ ປະເທດ. ຣົດທີ່ນໍາເຂົ້ານັ້ນມີທັງຖືກຕ້ອງແລະບໍ່ຖືກຕ້ອງຕາມກົດໝາຍ ຍ້ອນການກວດກາບໍ່ເຂັ້ມງວດ.

ເມື່ຶອນໍາຣົດເຂົ້າມາແລ້ວ ການຈັດຕັ້ງປະຕິບັດຣະບຽບຫລັກການ ການຈະຣາຈອນບໍ່ເປັນຣະບຽບຖນົນຫົນທາງກໍສ້າງບໍ່ທ່ວງທັນກັບຈໍານວນ ຍວດຍານພາຫະນະທີ່ເພີ້ມຂຶ້ນ ການຄຸ້ມຄອງພາຫະນະ ກໍບໍ່ໄດ້ດີເທົ່າທີ່ຄວນ ເຮັດໃຫ້ການຈະຣາຈອນໃນໂຕເມືອງໃຫ່ຽຕິດຂັດ.

ເຈົ້າໜ້າທີ່ ກະຊວງອຸດສາຫະກັມວ່າ ກ່ຽວກັບການນໍາເຂົ້າລົດນີ້ ຫລາຍພາກສ່ວນກ່ຽວຂ້ອງ ບໍ່ເອົາໃຈໃສ່ນໍາການ ຈັດຕັ້ງປະຕິບັດຣະບຽບ ຫລັກການ. ຍັງມີການອະນຸມັດໃຫ້ບໍຣິສັດ ທີ່ບໍ່ມີ ເງື່ອນໄຂ ຫລືໄດ້ມາຕຖານ ນໍາລົດເຂົ້າມາຈໍາຫນ່າຍຄືເກົ່າ ທັງເປັນການລະເມີດ ຂໍ້ດໍາຣັດ ນາຍົກຣັຖມົນຕຣີ ທີ່ສັ່ງໃຫ້ຢຸດນໍາລົດມືສອງເຂົ້າປະເທດ, ຍຸຕິນະໂຍບາຍຫລຸດຜ່ອນພາສີ ແລະ ອຶ່ນໆ.

ການນໍາຣົດເຂົ້າໃນລາວເພີ້ມຂຶ້ນທຸກປີຄືຈາກ 1 ລ້ານ 1 ແສນຄັນ. ໃນປີ 2011 ເພີ້ມຂຶ້ນອີກ 12 ສ່ວນຮ້ອຍໃນປີ 2012 ແລະເພີ້ມຂຶ້ນ ອີກ 5 ສ່ວນຮ້ອໃນຕົ້ນ 6 ເດືອນຂອງປີ 2013 ໃນນັ້ນຣົດທີ່ລົງທະບຽນມີທັງໝົດ 1 ລ້ານ 3 ແສນຄັນເທົ່ານັ້ນສ່ວນຫຼາຍແມ່ນຣົດຈັກ.