ຊາວບ້ານ ຖືກທາງດ່ວນ ວຽງຈັນ ໝາຍເລຂ 1 ຍັງບໍ່ຍອມຮັບເອົາເງິນ

ໄຊຍາ
2021-01-01
Share
ຊາວບ້ານ ຖືກທາງດ່ວນ ວຽງຈັນ ໝາຍເລຂ 1 ຍັງບໍ່ຍອມຮັບເອົາເງິນ ເຂດສງວນ ແລວທາງດ່ວນ ວຽງຈັນ ໝາຍເລຂ 1 ທີ່ເຂດບ້ານນາແຄ ເມືອງໄຊທນາ ນະຄອນຫຼວງວຽງຈັນ. ຖ່າຍຮູບເມື່ອ: ເດືອນພຶສຈິກາ 2020. ໂດຍ: TS
RFA

ຊາວບ້ານເມືອງໄຊທານີ ນະຄອນຫຼວງວຽງຈັນຈຳນວນ 22 ຄອບຄົວຍັງບໍ່ຍອມຮັບເອົາ ເງິນຄ່າຊົດເຊີຍທີ່ດິນຈາກໂຄງການສ້າງທາງດ່ວນໝາຍເລກ 1 . ໂດຍຕອນດິນດັ່ງກ່າວ ໂຄງການທາງດ່ວນຕ້ອງການເຮັດດິນສະຫງວນຮວມທັງໝົດ 100 ເຮັກຕ້າ. ດັ່ງຊາວບ້ານ ທີ່ໄດ້ຮັບຜົລກະທົບໄດ້ກ່່າວຕໍ່ເອເຊັຽເສຣີໃນວັນທີ 31 ທັນວາ 20 ວ່າ:

“ຣາຄາຊື້ສາມສ່ວນຫັ້ນເຂົາໃຫ້ແຕ່ສ່ວນດຽວຖ້າເປັນໄປໄດ້ຍາກໃຫ້ເຈ ຣະຈາຊື້ເພາະວ່າໂຕເຂດສະຫງວນນີ້ມັນບໍ່ແມ່ນແຜນຂອງຣັຖບານຖ້າຈະຊື້ຂາຍກາຣາຄາ ທ້ອງຕລາດອັນນີ້ແມ່ນເຮົາຈະຂາຍຄັນເວົ້າເຣື່ອງວຽກທຸຣະກິຈກາຕ້ອງຊື້ຂາຍແລ້ວກໍເຈຣະ ຈານຳເຈົ້າຂອງແຕ່ຣະຄົນ.” 

ທ່ານໄດ້ກ່າວຕື່ມວ່າ ຢາກໃຫ້ທາງເຈົ້າໜ້າທີ່ໂຄງການຢຸດເຊົາເອົານິຕິກັມແລະເອກະສານ ຂອງໂຄງການສ້າງທາງດ່ວນນະຄອນຫຼວງວຽງຈັນໝາຍເລກ 1 ມາອ້າງເພື່ອໃຊ້ສິດຂໍທີ່ດິນ ຈາກຊາວບ້ານແລ້ວສເນີຄ່າຊົດເຊີຍໃນຣາຄາ 80 ພັນກີບຕໍ່ຕາແມັດ.

ສຳລັບຄອບຄົວທີ່ບໍ່ຍອມຮັບເອົາຄ່າຊົດເຊີຍຈາກໂຄງການຍ້ອນບໍ່ພໍໃຈຄ່າຊົດເຊີຍທີ່ໂຄງ ການສເນີໃຫ້ຖ້າຍົກດິນໃຫ້ໂຄງການແລ້ວຈະບໍ່ມີບ່ອນຢູ່. ດັ່ງຊາວບ້ານຜູ້ໄດ້ຮັຜົລກະທົບ ອີກທ່ານນຶ່ງໄດ້ກ່າວວ່າ:

“ບໍ່ທັນຢາກຂາຍປານໃດນ່າເພາະວ່າອັນນຶ່ງບໍ່ມີດິນຢູ່ບໍ່ມີດິນປຸກເຮືອນຢູ່ ແລ້ວເພີ່ນບໍ່ໄດ້ວ່າແນວໃດ.”

ໃນຈຳນວນຕອນດິນທີ່ໂຄງການຈະເອົາເຮັດດິນສະຫງວນ. ຖ້າຍອມຮັບໄປແລ້ວຢ້ານວ່າເງິນທີ່ ໄດ້ບໍ່ພໍໄປຊື້ດິນບ່ອນໃໝ່. ດັ່ງຊາວບ້ານອີກທ່ານນຶ່ງໄດ້ກ່າວວ່າ:

“80 ພັນກີບກາບໍ່ມີໃຜຍອມແຫຼະດິນແຖວນັ້ນມັນ 2-3 ພັນບາດເນາະ ເພິ່ນຊົດເຊີຍໃຫ້ແຕ່ໜ້ອຍດຽວມັນຖືກແລວທາງດ່ວນແທ້ກາບໍ່ວ່າດອກອັນນີ້ມັນຢູ່ຫ່າງໄກ ຈາກແລວທາງຂະເຈົ້າໄປຂູ່ເອົາດິນປະຊາຊົນຊື່ ໆ ເຮົາກາບໍ່ຍອມ.”

ໂຄງການຕ້ອງໄປສຶກສາຣາຄາທີ່ດິນໂຕຈິງຢູ່ເຂດດັ່ງກ່າວກ່ອນເພື່ອທີ່ຈະສາມາດຄິດໄລ່ຄ່າ ຊົດເຊີຍທີ່ເໝາະສົມກັບຣາຄາຕລາດບໍ່ແມ່ນວ່າຈະກຳນົດຄ່າຊົດເຊີຍແບບຕາມໃຈແລະເອົາ ປຽບຊາວບ້ານ. ດັ່ງຊາວບ້ານທີ່ໄດ້ຮັບຜົລກະທົບອີກທ່ານນຶ່ງໄດ້ກ່າວວ່າ:

“ຕ້ອງເບິ່ງຕາມຕລາດຊື້-ຂາຍດິນວ່າປະຊາຊົນເຂດນັ້ນເຂົາຂາຍກັນ ເທົ່າໃດ. ເອົາໂຕຢ່າງຄືຂ້ອຍຊື້ແມັດນຶ່ງ 800-900ບາດດຽວນີ້ຣາຄາມັນກາຕ້ອງຂື້ນຢູ່ແລ້ວ. ດຽວນີ້ເຂົາຂາຍເຂົາຄິດໄລ່ແມັດລະ 1.600 ບາດຖືກເງິນລາວມັນກາຢູ່ປະມານ 3ແສນ ຫາ 4 ແສນແລ້ວເດເຮົາຊິຂາຍໃຫ້ຄັນແມັດ 100 ຫຼຽນຄັນບໍຣິສັດມີຄວາມສາມາດຈ່າຍໄດ້ໃດ"

ຕໍ່ບັນຫາດັ່ງກ່າວທາງເຈົ້າຂອງໂຄງການກໍ່ສ້າງທາງດ່ວນເລກ 1 ນະຄອນຫຼວງວຽງຈັນ ຍັງບໍ່ທັນໄດ້ອອກມາຊີ້ແຈງເຖີງເຫດການທີ່ເກີດຂື້ນ. ບັນຫານີ້ແມ່ນແກ່ຍາວມາຫຼາຍເດືອນ ແລ້ວແຕ່ທາງເຈົ້າຂອງໂຄງການກໍຍັງມິດງຽບບໍ່ຍອມອອກມາເຈຣະຈາກັບຜູ້ໄດ້ຮັບຜົລກະ ທົບ. ພວກເຮົາໄດ້ຕິດຕໍ່ໄປຍັງເຈົ້າຂອງໂຄງການແຕ່ກໍບໍ່ໄດ້ຮັບຄຳຕອບ.

ໃນຂນະທີ່ ທ່ານ ພູໂຂງ ບັນນາວົງ ຮອງເຈົ້າຄອງນະຄອນຫຼວງວຽງຈັນ ແລະ ຫົວໜ້າ ຜແນກແຜນການແລະການລົງທືນຂອງນະຄອນຫຼວງວຽງຈັນໄດ້ກ່່າວໃນກອງປະຊຸມສມັຍ ສາມັນຄັ້ງທີ 10 ຂອງສະພານະຄອນຫຼວງເມື່ອວັນທີ 29 ທັນວາ 20 ວ່າ:

“ໂຕທາງດ່ວນຫັ້ນແມ່ນຖືວ່າຈະແຈ້ງແລ້ວມີແຕ່ໂຕໂຄງການປີ່ນອ້ອມຖື ວ່າເຈຣະຈາໄດ້ເທົ່າໃດຈ່າຍໄດ້ເທົ່າໃດກາຖືວ່າແມ່ນຂື້ນກັບການເຈຣະຈາຣະຫວ່າງເຈົ້າຂອງ ບໍຣິສັດ. ສະນັ້ນການດຳເນີນສູ່ມື້ນີ້ເຮົາການເນັ້ນໃສ່ໂຕທາງດ່ວນເປັນຫຼັກ. ກາເຮັດໄປຄວບ ຄູ່ກັບໂຕໂຄງການປີ່ນອ້ອມເພາະມັນຕິດພັນແຕ່ວ່າກາໄດ້ເຈຣະຈາໄປນໍາ.”

ໂຄງການກໍ່ສ້າງທາງດ່ວນນະຄອນຫຼວງວຽງຈັນໝາຍເລຂ 1 ມູນຄ່າ 200 ລ້ານໂດລາ ສະຫະຣັຖ. ໂດຍບໍຣິສັດທາງດ່ວນວຽງຈັນໝາຍເລຂ 1 ຈຳກັດ ເປັນຜູ້ລົງທືນ. ໂດຍເຣີ້ມກໍ ສ້າງຈາກເຂດເສຖກິຈສະເພາະບຶງທາດຫຼວງຫາເຂດດົງໝາກຄາຍມີຄວາມຍາວ 15 ກິໂລ ແມັດ. ເຣິ້ມດຳເນີນການກໍ່ສ້າງມາຕັ້ງແຕ່ເດືອນກຸ່ມປີ 2020 ຄາດວ່າຈະສຳເຣັດໃນຕົ້ນປີ 2023.

ຄໍາເຫັນ (0)

ເບິ່ງຄວາມເຫັນທັງໝົດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ