ງາຊ້າງຈະມາລາວຖືກຈັບ ຢູ່ໄທ

ເຈົ້າຫນ້າທີ່ ພາສີ ອາກອນ ໄທ ເວົ້າວ່າ ງາຊ້າງ ນ້ຳຫນັກ ກວ່າ 3 ຕັນ ບັນຈຸ ໃນ ຕູ້ ບັນທຸກ ສິນຄ້າ ທີ່ ສົ່ງຈາກ ປະເທດ ເຄັນຢາ ມາ ສປປລາວ ຖືກຈັບ ຢູ່ ທ່າເຮືອ ໄທ ຊື່ງ ເປັນການ ຍຶດ ງາຊ້າງ ຈາກ ອາຟຣິກາ ມາ ລາວ ຣາຍໃຫຍ່ ຄັ້ງທີ ສອງ ທີ່ ທ່າເຮືອ ໄທ ໃນເວລາ ບໍ່ຮອດ 1 ອາທີດ. ງາຊ້າງ ທີ່ ມີມູນຄ່າ ຫລາຍລ້ານ ໂດລາ ດັ່ງກ່າວ ໃນ ຕລາດມືດ ທີ່ ຖືກສົ່ງ ມາ ລາວ ຊຶ່ງ ເປັນບ່ອນ ຄ້າ ງາຊ້າງ ທີ່ ຜິດ ກົດຫມາຍ ອາດມີ ຈຸດປະສົງ ເພື່ອ ສົ່ງໄປ ປະເທດ ອື່ນ ດັ່ງ ວຽດນາມ ຈີນ ຫລື ສົ່ງ ກັບຄືນ ມາ ໄທ.

ໃນ ຈຳນວນ ງາຊ້າງ ທີ່ ຖືກຈັບ ນັ້ນ ມີ ປະມານ 511 ຊິ້ນ ທີ່ມີ ນ້ຳຫນັກ ປະມານ 3 ຕັນ ຖືກ ກວດເຫັນ ໃນ ວັນທີ 25 ເມສາ ໃນຕູ້ ໃສ່ ສິນຄ້າ ໂດຍ ໃບ ແຈ້ງ ສິນຄ້າ ຕິດຢູ່ ຂ້າງນອກ ຕູ້ ຣະບຸວ່າ ເປັນ ໃບຊາ ຈາກ ເມືອງ ມົມບາຊາ ປະເທດ ເຄັນຢາ ເພື່ອ ສົ່ງໄປ ລາວ. ຕາມ ຄຳເວົ້າ ຂອງ ເຈົ້າຫນ້າທີ່ ພາສີ ອາກອນ ປະຈຳ ທ່າ. ງ່າຊ້າງ ບາງຊິ້ນ ທີ່ ຖືກຍຶດ ນັ້ນ ມີ ຄວາມຍາວ ປະມານ 2 ແມັດ.

ກ່ອນຫນ້ານີ້ ໃນ ວັນທີ 20 ເມສາ ທ່າເຮືອ ໄທ ກໍໄດ້ຈັບ ງາຊ້າງ ຈາກ ປະເທດ ຄົງໂກ ອາຟຣິກາ ເພື່ອ ສົ່ງໄປ ລາວ ອີກ ນ້ຳຫນັກ ປະມານ 4 ຕັນ ລາວ ກາຍເປັນ ທາງຜ່ານ ຂອງ ການຄ້າ ງາຊ້າງ ທີ່ ຜິດ ກົດຫມາຍ ຣາຍໃຫຍ່ ງາຊ້າງ ດັ່ງກ່າວ ອາດສົ່ງໄປ ຈີນ ວຽດນາມ ຫລື ກັບ ຄືນມາ ໄທ. ຍ້ອນ ກົດຫມາຍ ລາວ ບໍ່ ເຄັ່ງຄັດ.