ເຂື່ອນກັກນໍ້າ ເລີຍໄຫຼຖ້ວມ ໄຮ່ນາ

ໄຊຍາ
2018-11-01
ອີແມວລ໌
ຄໍາເຫັນ
Share
ພິມ
ການກໍ່ສ້າງ ເຂື່ອນ ດອນສະໂຮງ ເມືອງໂຂງ ແຂວງຈໍາປາສັກ
ການກໍ່ສ້າງ ເຂື່ອນ ດອນສະໂຮງ ເມືອງໂຂງ ແຂວງຈໍາປາສັກ
RFA/TP

ປະຊາຊົນ ໃນຫຼາຍບ້ານ ຢູ່ເຂດເມືອງໂຂງ ແຂວງຈຳປາສັກ ໄດ້ຮັບຜົລກະທົບ ຈາກການກໍ່ສ້າງ ເຂື່ອນດອນສະໂຮງ ແລ້ວ, ປັດຈຸບັນ ເຂື່ອນຢູ່ໃນຂັ້ນຕອນ ການກັ້ນນໍ້າ ເຮັດໃຫ້ພື້ນທີ່ນາ ຂອງປະຊາຊົນ ຢູ່ເຂດອ້ອມແອ້ມ ເຂື່ອນ ຖືກນໍ້າຖ້ວມເສັຽຫາຍຫຼາຍ ເຮັກຕ້າ. ດັ່ງ ເຈົ້າໜ້າທີ່ທ້ອງຖິ່ນ ໄດ້ກ່າວຕໍ່ວິທຍຸ ເອເຊັຽ ເສຣີ ໃນວັນທີ 1 ພຶສຈິກາ ນີ້ວ່າ:

"ໂອ 70% 70ປາຍເຊັນແລ້ວ ກະທົບນີ້ີ້ຣະດັບນໍ້າ ມັນກະທົບນ້ອຍນຶ່ງເນາະ ທີ່ຫົວສະດຳ ເດືອນ 9 ເດືອນ 10 ຫັ້ນແບບມາຖ້ວມນາເຂົ້າ 2 – 3 ເຮັກຕ້າ ເພາະວ່າຫຼາຍປີດີດັກ ນໍ້າບໍ່ເຄີຍຖ້ວມ ຫຼັງຈາກທີ່ມີເຂື່ອນ ກໍມາຖ້ວມນາເຂົ້າ ບ່ອນອື່ນມັນກໍຖ້ວມຫຼາຍ ເວົ້າຖ້ວມ ມັນຖ້ວມທີ່ ເປັນແຫຼ່ງ ຫຼັງຈາກທີ່ເຂົາກັ້ນ."

ທ່ານກ່າວຕື່ມວ່າເຂດທີ່ເຮັດນາປະຊາຊົນຖືກນໍ້າຖ້ວມນໍ້ານັ້ນ ມີຫຼາຍບ້ານເປັນຕົນ ບ້ານຫົວສະດຳ, ບ້ານຫາງສະດຳ, ບ້ານຫາງຄອນ ແລະ ບ້ານຫົວຄອນ ນໍ້າມີີຣະດັບສູງຂຶ້ນ ນັບຕັ້ງແຕ່ທີ່ມີການກັ້ນນໍ້າ ໃນເຂື່ອນດອນສະໂຮງ ໄລຍະເດືອນ ກັນຍາ ແລະ ຕຸລາ ຜ່ານມາ.

ສ່ວນເນື້ອທີ່ຄວາມເສັຽຫາຍຂອງນາເຂົ້າ ທີ່ຖືກນໍ້າຖ້ວມນັ້ນ ເຈົ້າໜ້າທີ່ບອກວ່າ ບ້ານຫົວສະດຳ ມີປະມານ 3 ເຮັກຕ້າ ບ້ານຫາງສະດຳ 2 ເຮັກຕ້າ, ບ້ານຫາງຄອນ ແລະບ້ານຫົວຄອນກໍຖ້ວມຢູ່ ແຕ່ຍັງບໍ່ທັນໄດ້ເກັບກໍາຂໍ້ມູນ ສ່ວນໃຫຍ່ນາເຂົ້າທີ່ຖືກນໍ້າຖ້ວມ ແມ່ນຢູ່ໃກ້ໂຄງການ ເຂື່ອນ ນອກຈາກນີ້ເຂດບ້ານໃຕ້ເຂື່ອນ ກໍປະສົບບັນນໍ້າແຫ້ງ, ດັ່ງເຈົ້າໜ້າ ທີ່ກ່າວຕື່ມວ່າ:

"ນໍ້າມັນລົງແລ້ວເດ້ ລົງ ລົງ ລົງ ແຕ່ຍັງຍັງ ໂຕນີ້ຍັງບໍ່ທັນມີການຊົດເຊີຍຫຍັງເທື່ອ ແຕ່ບ່ອນອື່ນກ່ຽວກັບ ຜົລກະທົບ ກໍກ່ຽວກັບບໍ່ມີນໍ້າ ຫຼັງຈາກທີ່ເຂົາສ້າງເຂື່ອນ."

ເຈົ້າໜ້າທີ່ກ່າວຕື່ມວ່າ ກ່ຽວກັບສອງບັນຫານີ້ ຍັງບໍ່ທັນໄດ້ມີພາກສ່ວນໃດ ເຂົ້າມາແກ້ໄຂເທື່ອ ປັດຈຸບັນ ທາງຜູ້ປົກຄອງບ້ານ ທີ່ໄດ້ຮັບ ຜົລກະທົບ ກຳລັງເກັບກໍາຂໍ້ມູນ ເພື່ອຣາຍງານ ໄປຍັງແຜນກພລັງງານ ແລະບໍ່ແຮ່ ໃນໄວໆນີ້.

ໃນເດືອນພຶສພາຜ່ານມາ  ສຳນັກຂ່າວສານປະເທດລາວ ໄດ້ອ້າງຄຳໃຫ້ສຳພາດ ຂອງ ທ່ານ Zim See Seng ຫົວໜ້າ ວິສະວະກອນ ປະຈຳພາກສະໜາມ ກ່າວວ່າ: ໂຄງການກໍ່ສ້າງ ເຂື່ອນດອນສະໂຮງ ສຳເຣັດແລ້ວ 60% ຄາດວ່າຈະໃຫ້ສຳເຣັດ 100% ແລະ ສາມາດ ເປີດຜລິດຂາຍໄຟ ຢ່າງເປັນທາງການ ໃນທ້າຍປີ 2019 ນີ້.

ຄໍາເຫັນ (2)
Share

(

MR Thongloune, Lao PM, said Laos never intended to be the battery of ASEAN countries. In fact he never meant what he said. The commissions have already been pocketed by the Lao blood-sucking regime and the contracts have been signed there're no ways they can stop.The constructions of dams will go on.The beauty of Muong Khong and Siphanedone, known to the world through Marc Leguay's paintings, will now be hotels, bars, brothels and anything that decent people don't want to see nor accept.Good luck Laos the land I loved.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 02, 2018 05:34 AM

(

Lao xcumm government. Plaese don't say you've not been told again and again. Your policy leads you to nowhere but disasters.It's not the end of everything yet. Each day passing will bring you another sad news. You can't stop now because you don't want to stop.You'd rather sell your own country in order get rich and at the end of the day you're gonna hit the road and leave all the mess behind. Somseuay, sonseuay !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 02, 2018 05:32 AM

ເຕັມຫນ້າ