ຊີວິດຜູ້ປະສົພພັຍ ເຂື່ອນແຕກ

ສຸພັດຕາ
2018-12-03
Share
F-Sanamxay ເຮືອນຂອງ ນາງ ເສີມສະຫວັນ ວັນນະຈຳພອນ ທີ່ຖືກນໍ້າຖ້ວມ ເມືອງສນາມໄຊ ແຂວງອັດຕະປື
RFA/ເສີມສະຫວັນ ວັນນະຈຳພອນ

ເຂື່ອນໄຟຟ້າເຊປຽນ-ເຊນໍ້ານ້ອຍ ແຕກ ເມື່ອວັນທີ 23 ກໍຣະກະດາ ນັ້ນໄດ້ສ້າງຄວາມເສັຍຫາຍ ຄັ້ງໃຫຍ່ ທັງຊີວິດແລະຊັພສິນ ຂອງ ປະຊາຊົນ ຊາວເມືອງສນາມໄຊ ແຂວງອັດຕະປື ເຮັດໃຫ້ບ້ານເຮືອນ, ໄຮ່ນາ, ຮົ້ວສວນ, ສັດລ້ຽງ ຖືກນໍ້າຖ້ວມເສັຽຫາຍ ໜັກໜ່ວງ.

ຄອບຄົວຂອງນ້ອງ ເສີມສະຫວັນ ວັນນະຈຳພອນ ຢູ່ບ້ານໃໝ່ ເມືອງສນາມໄຊ ກໍເປັນຄອບຄົວນຶ່ງ ທີ່ຖືກຜົນກະທົບ ແລະຕ້ອງມາອາສັຍຢູ່ ເຮືອນພັກຊົ່ວຄາວ ທີ່ທາງການຈັດສັນໃຫ້ ຊີວິດການເປັນຢູ່ຫຍຸ້ງຍາກ ລຳບາກຫຼາຍ ຍ້ອນບໍ່ມີບ່ອນທຳມາຫາກິນ, ຕ້ອງຄອຍຖ້າຂັ້ນເທິງ ເບີກຈ່າຍເງິນ ໃຫ້ຈຶ່ງໄດ້ກິນ, ເຮືອນຊານ, ດິນດອນຕ່ອນຫຍ້າ ທີ່ຄອບຄົວເຄີຍເຮັດໄຮ່ເຮັດນາ ຖືກຜົນກະທົບເສັຽຫາຍ ຍ້ອນເຂື່ອນແຕກ ນໍ້າຖ້ວມ.

ອະດີດທີ່ຫວນຄືນບໍ່ໄດ້ ອະນາຄົດທີ່ແນມບໍ່ເຫັນ ຈາກມື້ນີ້ອີກຕໍ່ໄປ ຈະເປັນແນວໃດ, 4 ເດືອນ ທີ່ອອກຈາກບ້ານ, 4 ເດືອນ ທີ່ບໍ່ມີບ້ານ ໃຫ້ກັບ, 4 ເດືອນ ທີ່ບໍ່ມີເຮືອນໃຫ້ຢູ່, 4 ເດືອນ ທີ່ເສັຍນໍ້າຕາ, 4 ເດືອນ ທີ່ກິນເຂົ້າເກືອກນໍ້າຕາ ທຸກສິ່ງທຸກຢ່າງທີ່ເຄີຍມີ ຕ້ອງເສັຍໄປ ຍ້ອນເຂື່ອນແຕກ ນີ້ແມ່ນຄວາມຝັງໃຈ ຂອງນ້ອງ ເສີມສະຫວັນ ວັນນະຈຳພອນ ຜູ້ປະສົບພັຍເຂື່ອນແຕກ.

ເຊີນທ່ານຟັງການສໍາພາດ

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ