ລາວ ຮ່ວມມືແກ້ໄຂພາວະ ໂລກຮ້ອນ

ຈໍາປາທອງ
2016-04-27
Share
F-Sommad ທ່ານ ສົມມາດ ພົນເສນາ ຣັຖມົນຕຣີ ກະຊວງ ຊັພຍາກອນ ທັມມະຊາດ ແລະ ສິ່ງແວດລ້ອມ ກ່າວຄໍາປາໄສ ໃນພິທີ ລົງນາມ ທີ່ ນະຄອນນິວຢ໊ອກ
Courtesy of US Embassy in Laos

ໃນໂອກາດ ວັນ ຄຸຸ້ມຄອງ ໂລກ, ວັນທີ 22 ເມສາ ຄນະຜູ້ແທນ ສປປລາວ ໄດ້ລົງນາມ ໃນ ຂໍ້ຕົກລົງ ປາຣີ ວ່າດ້ວຍ ການປ່ຽນແປງ ຂອງ ສະພາບ ອາກາດ ທີ່ ສະຫະປະຊາຊາດ ຢູ່ ນະຄອນ ນິວຢ໊ອກ ສະຫະຣັຖ ອະເມຣິກາ, ອີງຕາມຂ່າວ ຈາກ ສະຖານທູດ ສະຫະຣັຖ ປະຈໍາ ສປປລາວ ໃນ ວັນທີ 26 ເມສາ.

ເປັນຄັ້ງທໍາອິດ ທີ່ ເກືອບເຖິງ 200 ປະເທສ ຮ່ວມມືກັນ ສ້າງແຜນງານ ດ້ານ ສະພາບ ອາກາດ ຣະຍະຍາວ ອັນເປັນການ ສົ່ງສັນຍານ ໃຫ້ຮູ້ວ່າ ທຸກ ປະເທສ ເອົາໃຈໃສ່ ລົງມື ປະຕິບັດ ກ່ຽວກັບ ວຽກງານ ດ້ານ ສະພາບ ອາກາດ. ຂໍ້ຕົກລົງ ນີ້ແມ່ນ ທ່ຽງທັມ ແລະ ຈະນໍາ ໃຊ້ກັບ ທຸກປະເທສ ໃນໂລກ.

ນອກຈາກນັ້ນ, ຍັງເປັນການ ສົ່ງສັນຍານ ອັນແຮງກ້າ ໃຫ້ບັນດາ ທຸຣະກິຈ ແລະ ພາກ ເອກກະຊົນ ໃຫ້ຮູ້ວ່າ ໂລກກໍາລັງ ກ້າວໄປສູ່ ເສຖກິຈ ພລັງງານ ສະອາດ. ຂໍ້ຕົກລົງນີ້ ອອກແບບມາ ເພື່ອສົ່ງເສີມ ການລົງມື ປະຕິບັດ ເປັນ ຂັ້ນຕອນ ຕາມ ແຜນງານ ຮວມທັງ ເນັ້ນໜັກໃສ່ ການຣະດົມ ເງິນທຶນ ໃສ່ດ້ານ ສະພາບ ອາກາດ ຈາກ ສາທາຣະນະຊົນ ແລະ ພາກ ເອກກະຊົນ ເພື່ອ ຊ່ວຍແບ່ງເບົາ ໃນຣະຍະ ການປັບຕົວ ຂອງ ປະເທສ ທຸກຍາກ ທີ່ສຸດ ແລະ ດ້ອຍໂອກາດ ທີ່ສຸດ ນັ້ນ.

ຂໍ້ຕົກລົງ ສະບັບນີ້ ອອກແບບມາ ເພື່ອສ້າງ ຄວາມເຊື່ອໝັ້ນ ແລະ ຊຸກຍູ້ ການລົງມື ປະຕິບັດ ແຜນງານ ທີ່ ມີຄວາມ ຄາດໝາຍ ໄວ້ສູງ ຮວມເຖິງ ການ ສ້າງເງື່ອນໄຂ ເພື່ອ ຄວາມໂປ່ງໄສ ສໍາລັບ ທັງ ປະເທສ ພັທນາ ແລ້ວ ແລະ ກໍາລັງພັທນາ ເພື່ອ ຮັບປະກັນ ວ່າ ແຕ່ລະ ປະເທສ ປະຕິບັດ ໃຫ້ໄດ້ ຕາມພັນທະ ຂອງຕົນ. ຂໍ້ຕົກລົງ ປາຣີ ນີ້ ຈະຊ່ວຍ ກະຕຸ້ນຊຸກຍູຸ້ ຄວາມກ້າວໜ້າ ຕົວຈິງ ກ່ຽວກັບ ການລົງທຶນ ເພື່ອ ຫຼຼຸດຜ່ອນ ປະຣິມານ ຄາບອນ ລົງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ