ຄວັນຈາກໄຟໄໝ້ຂີ້ເຫຍື້ອ ຍັງສ້າງ ບັນຫາ

ໄມຊູລີ
2018-03-07
ອີແມວລ໌
ຄໍາເຫັນ
Share
ພິມ
ສະພາບຂອງຄວັນດໍາ ທີ່ທາງການຍັງກໍາລັງ ຫາທາງຄວບຄຸມ ແລະກໍາຈັດໃຫ້ໝົດໄປ
ສະພາບຂອງຄວັນດໍາ ທີ່ທາງການຍັງກໍາລັງ ຫາທາງຄວບຄຸມ ແລະກໍາຈັດໃຫ້ໝົດໄປ
ຮູປພາບອຸປຖັມໂດຍ ນັກຂ່າວໝີນ້ອຍ

ບັນຫາຄວັນທີ່ເກິດຈາກໄຟໄໝ້ ສນາມຂິ້ເຫຍື້ອ ຫລັກ 32 ເມືອງໄຊທານີ ນະຄອນຫລວງວຽງຈັນ ໃນວັນທີ 4 ມິນາ ຜ່ານມານັ້ນຍັງບໍ່ ສາມາດແກ້ໄຂໄດ້, ອາກາດເປັນມົລພິດ ໃນບໍຣິເວນດັ່ງກ່າວ ແລະໃນເຂດອ້ອມແອ້ມ ລະຍະ 10 ກິໂລແມັດ ເກີນມາຕຖານ ຖືວ່າເປັນ ອັນຕລາຍ ຕໍ່ສຸຂພາບ ຂອງປະຊາຊົນ. ດັ່ງເຈົ້າໜ້າທີ່ ຜແນກຄຸ້ມຄອງ ແລະບໍຣິຫານ ຕົວເມືອງ ນະຄອນຫຼວງວຽງຈັນ ກ່າວຕໍ່ວິທຍຸ ເອເຊັຽເສຣີ ໃນວັນທີ 7 ມິນາ ນີ້ວ່າ:

“ບໍ່ ບໍ່ ມັນບໍ່ລາມ ບໍ່ລາມແນ່ນອນ ມັນຢູ່ໃນເຂດ ມີແຕ່ວ່າ ເຮົາສິພຍາມຍາມ ດັບຄວັນຊື່ໆ ມັນບໍ່ໄດ້ໄຟລາມ ມັນໄໝ້ຢູ່ບໍ່ ບໍ່ ບໍ່ມີບັນຫາວ່າ ສິໃຫ້ລາມໄປໄໝ້ ຜູ້ນັ້ນຜູ້ນີ້ ບໍ່, ມັນຢູ່ໃນເຂດ ທີ່ພວກເຮົາກໍາຈັດ ໄດ້ແລ້ວ ໄຟມັນດັບແລ້ວ ມີແຕ່ຍັງຄວັນ ມັນຫຸ້ມຢູ່ຊື່ໆ ມັນເຣື້ອງ ມົລພິດ ນີ້ຫລາຍກ່ວາ.”

ທ່ານກ່າວຕື່ມວ່າ ເຈົ້າໜ້າທີ່ ກະຊວງສາທາຣະນະສຸຂ ໄດ້ວັດແທກອາກາດ ທີ່ເປັນມົລພິດເຖິງ 1.39 PPM. ເຫດການໄຟໄໝ້ ສນາມ ຂີ້ເຫຍື້ອຂນາດ 50 ເຮັກຕາ ໃນຄັ້ງນີ້ ຄືໄໝ້ຂິ້ເຫຍື້ອ 6 ຂຸມ ຂນາດ 200X200 ແມັດ, ເລິກ 4 ແມັດ, ໄຟໄໝ້ລຸກລາມໄປ ທັງໝົດ. ປັຈຈຸບັນ ເຈົ້າໜ້າທີ່ສາມາດ ສະກັດກັ້ນໄຟທັງໝົດໄດ້ແລ້ວ ແຕ່ຍັງມີບັນຫາ ຄວັນໄຟ ປົກຄຸມຫລາຍຢູ່.

ເຈົ້າໜ້າທີ່ ຫ້ອງການຄຸ້ມຄອງ ແລະບໍຣິຫານ ຕົວເມືອງວຽງຈັນ ຫຼື ຄບຕ ກ່າວຕື່ມວ່າ ຂນະນີ້ໄດ້ກວດກາ ໃນຫຼາຍພື້ນທີ່ ໃນຣະຍະ 10 ກິໂລແມັດ ຈາກສນາມຂິ້ເຫຍື້ອ ທີ່ຖືກໄຟໄໝ້ ແລະໂຮງຮຽນປະຖົມສົມບູນ ບ້ານນາຜາສຸຂ ແລະບ້ານໃກ້ຄຽງ ໄດ້ຊົ່ວຄາວໄປກ່ອນ ແລະ ໄດ້ປະສານ ໃຫ້ຫ້ອງການ ປົກຄອງບ້ານ ແລະຫ້ອງການ ສາທາຣະນະສຸກ ເມືອງໄຊທານີ ເຝົ້າຣະວັງ ບັນຫາສຸຂພາບ ຂອງປະຊາຊົນ ຢ່າງເຂັ້ມງວດ ໂດຍສະເພາະ ເດັກນ້ອຍ, ແມ່ຍິງຖືພາ, ຜູ້ສູງອາຍຸ, ແລະຜູ້ມີພຍາດ.

ຄໍາເຫັນ (2)
Share

ລາວ

ຈາກ ລາວ

ອ້າວ...ຄືບໍ່ເອີ້ນ ເຊື້ອສາຍອ້າຍນ້ອງຂອງພັກ ທີ່ຮັກແພງກັນສຸດສຸດ ຫັ້ນ ມາຊ່ອຍ ! ບໍ່ວ່າຕີ້ ສິໃຫ້ສະຫະປະຊາຊາດໄປຊ່ອຍມອດ ໄຟໄຫມ້ຂີ້ເຫຍື້ອ...



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 09, 2018 11:21 AM

ປຊຊລາວ

ຈາກ ສະຫວັນນະເຂດ

ພັກແລະລັດທິສລາດສ່ອງໃສ ຄືບໍ່ຮູ້ເນາະ ວ່າ ມື້ໃດມື້ນື່ງຂີ້ເຫື້ອງເລົ່ານີ້ ຊິສົ່ງຜົນສະທ້ອນໃຫ້ແກ່ ປຊຊ... ຖີ້ມສະຊາຍໄປມັນກະເປັນແບບນີ້ແລ້ ມັນຕ້ອງເປັນຄົນມີສະຫມອງຈື່ງຈະແກ້ໄຂບັນຫານີ້ໄດ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 09, 2018 11:21 AM

ເຕັມຫນ້າ