ຖນົນເມືອງທົ່ງມີໄຊ ໄປມາ ລໍາບາກ

ມະນີຈັນ
2017-05-26
ອີແມວລ໌
ຄໍາເຫັນ
Share
ພິມ
ເສັ້ນທາງ ໃນ ນະຄອນຫຼວງວຽງຈັນ
ເສັ້ນທາງ ໃນ ນະຄອນຫຼວງວຽງຈັນ
Citizen Journalist

ປະຊາຊົນຫລາຍບ້ານ ຢູ່ເມືອງທົ່ງມີໄຊ ແຂວງໄຊຍະບູລີ  600 ປາຍຄອບຄົວ ເດີນທາງໄປມາ ລຳບາກຫລາຍ ຍ້ອນຫົນທາງບໍ່ດີ, ເປັນ ທາງດິນແດງ, ໃນຍາມຝົນ ກໍເປັນຂີ້ຕົມ, ໃຊ້ຣົດຈັກ ຣົດຖີບບໍ່ໄດ້. ຕາມຄຳເວົ້າ ຂອງ ເຈົ້າໜ້າທີ່ ເມືອງທົ່ງມີໄຊ:

"ມັນມີຢູ່ 4 ບ້ານ ບ້ານດອນພູນ ບ້ານນາມົນ ແລະ ມີບ້ານທາດ ບ້ານແຄນ ຄັນຍາມຝົນນີ້ ກະຫຍູ້ງຍາກຢູ່ ກະດີລະວ່າ ຖ້າມີທຶນມີຮອນ ກະຢາກຫາ ຄວາມຊ່ວຍເຫລືອ ຈາກທາງ ສູນກາງພຸ້ນແຫລະ ຍາດແຍງທຶນ ມາພັທນາ".

ບ້ານ ທີ່ມີຄວາມຫຍຸ້ງຍາກ ໃນການເດີນທາງໄປມາ ມີ 4 ບ້ານ ຄືບ້ານດອນພູນ, ໄລຍະທາງ 5 ກິໂລແມັດ, ບ້ານນາມົນ 3.6 ກິໂລແມັດ, ບ້ານທາດ 5 ກິ ໂລແມັດ ແລະບ້ານແຄນ 8.5 ກິໂລແມັດ. ຣົດໃຫຍ່ແລ່ນ ໄປມາບໍ່ໄດ້.

ເພື່ອແກ້ໄຂບັນຫາດັ່ງກ່າວ ທີ່ຜ່ານມາ ທາງເມືອງທົ່ງມີໄຊ ກໍໄດ້ສເນີຂໍ ງົບປະ ມານ ໄປຍັງແຂວງ ໄຊຍະບູລີ ເພື່ອປັບປຸງ ປົວແປງເສັ້ນ ທາງ ໃຫ້ປະຊາຊົນ ເດີນທາງ ໄດ້ສະດວກ. ແຕ່ຈົນມາເຖິງ ປັດຈຸບັນ ກໍຍັງບໍ່ທັນໄດ້ ຮັບຄຳຕອບເທື່ອ.

ທ່ານເວົ້າຕື່ມອີກວ່າ ນອກຈາກ 4 ບ້ານ ທີ່ວ່າມີຄວາມຫຍຸ້ງຍາກ ໃນການເດີນ ທາງນັ້ນແລ້ວ ໃນເມືອງນີ້ ກໍຍັງມີອີກ ຫລາຍບ້ານ ໃນເຂດ ຫ່າງໄກ ທີ່ບໍ່ທັນມີ ຫົນທາງດີໃຊ້, ເຮັດໃຫ້ ປະຊາຊົນ ເປັນຕົ້ນນັກຮຽນ ທຽວໄປໂຮງຮຽນ ໃນແຕ່ລະມື້ ໄດ້ຮັບຄວາມ ຫຍຸ້ງຍາກຫລາຍ ໂດຍສະເພາະ ໃນຣະດູຝົນ ຫົນທາງ ເປັນຂີ້ຕົມ ຣົດທຸກປະເພດ ບໍ່ສາມາດ ແລ່ນໄປມາ ໄດ້ເລີຍ.

ຄໍາເຫັນ (2)
Share

ຄ.ນະຄຳມວ່ນ

ຈາກ ທ່າແຂກ

ໂຊກຕ່າງລ່າງຊາຕາຕ່າງລ່າງ, ຂອງພັກນຳພາແບບສລາດຈັງໄຮ, ລັດຖະບານ ສປປລາວຄຸ່ມຄອງເກີນຍຸກເກີນສະໃຫມ, ປະຊາຊົນພວກເປັນເຈົ້າເຝົ່າແຕ່ຄວາມອັບປີ, ປະກອບກັບຄວາມ ລຳບາກສຸດຈະພັລນາໄດ້, ປາກກໍ່ບໍ່ໄດ້,ເວົ້າກໍ່ບໍ່ກ້າ, ເພາະວ່າປະຊາທິປະໄຕລວມສູນ ຢູ່ຈອມຍັງຍອດ, ຂາດສິດທິຄວາມ ເປັນມະນູດໂດຍສົມບູນຫມົດ ທຸກຢ່າງແບບຮອບດ້ານ. ລໍຖ້າແຕ່ສູນກາງຈະເມດຕາສົງສານ ມື້ໄດກໍ່ສຸດແລ້ວແຕ່ ນັ້ນລະຕີ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 28, 2017 06:01 PM

(

Lao government may invite tourists to come over to mud-party,eat dog meat barbecue and drink Lao beer whose factories pollute rivers in Laos. Good luck boys and girls.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 28, 2017 06:01 PM

ເຕັມຫນ້າ