ນ້ຳເຊກອງຖືກທຳລາຍ

ສິດນີ
2014-04-09
Share
F-Sekong-river ອ່າງນໍ້າເຊກອງ
International river

 

ອົງການ ແມ່ນ້ຳ ສາກົນ ຣາຍງານວ່າ ໃນໄຣຍະ ທາງຍາວ ປະມານ 150 ກິໂລແມັດ ຕາມ ແຄມນ້ຳ ເຊກອງ ຣະຫວ່າງ ເມືອງ ກະລຶມ ຫາ ເມືອງ ຕະໂອ້ຍ ພ້ອມທັງ ພື້ນທີ່ ເຂດໃກ້ຄຽງ ນ້ຳເຊກອງ ເຕັມໄປ ດ້ວຍ ບວກຫນອງ ຍ້ອນ ຣົຖບັນທຸກ ໄມ້ທ່ອນ ຂອງ ບໍຣິສັດ ທີ່ໄດ້ຮັບ ສຳປະທານ ຈາກ ຣັຖບານ ທີ່ ຂົນໄມ້ ໄປວຽດນາມ ໃນ ແຕ່ລະມື້.

ພຶ້ນທີ່ ດັ່ງກ່າວ ເປັນພຶ້ນທີ່ ສຳປະທານ ຂອງ ຣັຖບານ ໃນຫລາຍ ໂຄງການ ດັ່ງການ ຕັດໄມ້ ຂອງ ກຸ່ມ ບໍຣິສັດ ພອນສັກ ຜູ້ທີ່ມີ ເສັ້ນສາຍ ກັບ ຜູ້ນຳ ພັກຣັຖ ບາງກຸ່ມ ນອກ ຈາກນັ້ນ ກໍຍັງມີ ບໍຣິສັດ ສຳປະທານ ສຳຣວດ ແລະ ຂຸດຄົ້ນ ແຮ່ທາດ ແລະ ບໍຣິສັດ ຄົ້ນຄວ້າ ພລັງງານ ນ້ຳຮ້ອນ ໃຕ້ດິນ ຮ່ວມທັງ ໂຄງການ ສຳປະທານ ສ້າງເຂື່ອນ ສີ່ເຂື່ອນ ໃນ ສາຍນ້ຳ ເຊກອງ ນຳອີກ.

ໃນໂຄງການ ສຳປະທານ ດັ່ງກ່າວ ກຸ່ມ ບໍຣິສັດ ຜູ້ຮັບ ສຳປະທານ ໄດ້ທຳການ ໂຍກຍ້າຍ ປະຊາຊົນ ທ້ອງຖິ່ນ ກວ່າ 8 ພັນ ຄົນ ອອກຈາກ ເຂດ ການກໍ່ໍສ້າງ. ໂຄງການ ສຳປະທານ ທັງຫມົດ ນີ້ ນອກຈາກ ສ້າງຄວາມ ເສື່ອມເສັຽ ຕໍ່ຊີວິດ ການເປັນຢູ່ ຂອງ ປະຊາຊົນ ໃນທ້ອງຖິ່ນ ແລ້ວຍັງ ທໍາຣາຍ ຣະບົບ ນິເວດ ແມ່ນ້ຳ ລຳທານ ບ່ອນຫາຢູ່ ຫາກິນ ຂອງ ປະຊາຊົນ ນຳອີກ. ກຸ່ມດັ່ງກ່າວ ໄດ້ປ່ອຍ ນ້ຳເສັຽ ແລະ ສາຣພິດ ລົງສູ່ ສາຍນໍ້າ ເຊກອງ ຢ່າງ ຫລວງຫລາຍ ຈົນຊາວບ້ານ ແລະ ສິ່ງທີ່ມີ ຊີວີດ ບໍ່ ສາມາດ ໃຊ້ແມ່ນ້ຳ ສາຍນີ້ ໄດ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ