ງົບປະມານກູ້ລະເບີດ ຫຼ້ອຍຫຼໍ

ໄມຊູລີ
2017-12-06
ອີແມວລ໌
ຄໍາເຫັນ
Share
ພິມ
ເຄື່ອງໝາຍພື້ນທີ່ ທີ່ມີຣະເບີດ ບໍ່ທັນແຕກ ຢູ່ແຂວງຊຽງຂວາງ
ເຄື່ອງໝາຍພື້ນທີ່ ທີ່ມີຣະເບີດ ບໍ່ທັນແຕກ ຢູ່ແຂວງຊຽງຂວາງ
RFA

ການຂາດງົບປະມານ ແລະພະນັກງານ ເປັນບັນຫາສໍາຄັນ ໃນການເກັບກູ້ຣະເບິດ ທີ່ຍັງຕົກຄ້າງຢູ່ ແຂວງຊຽງຂວາງ ແລະ ແຂວງສາຣະວັນ ເຖິງແມ່ນວ່າ ຣັຖບານສະຫະຣັຖ ໄດ້ໃຫ້ການຊ່ວຍເຫຼືອ ໃນຫລາຍພາກສ່ວນ ຂອງໂຄການເກັບກູ້ຣະເບິດ ບໍ່ທັນແຕກຢູ່ລາວ ແຕ່ງົບປະມານ ກໍຍັງບໍ່ທົ່ວເຖິງ. ດັ່ງເຈົ້າໜ້າທີ່ ຜແນກເກັບກູ້ຣະເບິດ ແຂວງຊຽງຂວາງ ກ່າວວ່າ:

“ຫລັກໆແມ່ນງົບປະມານນັ້ນແຫລະເນາະ ການເກັບກູ້ບໍ່ພໍ ເພາະວ່າໃນປີ 2018 ນີ້ ທຶນອະເມຣິກາເຂົາຊ່ວຍແຕ່ວຽກງານສໍາຣວດ ແລະ ຄວາມຕ້ອງການ ເກັບກູ້ຫັ້ນຫລາຍ ເປັນການຂັດກັນໜ້ອຍນຶ່ງ ແລະວ່າທຶນກວດກູ້ ກໍແມນ່ຫລຸດລົງ ມີແຕ່ທຶນສໍາຣວດຫັ້ນ ເພີ້ມຂື້ນ.”

ທ່ານວ່າ ຢາກໃຫ້ປະເທດຕ່າງໆ ທີ່ໃຫ້ການສນັບສນູນ ໃນເຣື້ອງນີ້ ໃຫ້ທຶນຊ່ວຍເຫຼືອເຣື້ອງ ງົບປະມານຫລາຍຂຶ້ນ ເພາະຢາກໃຫ້ມີການ ເກັບກູ້ໄວຂຶ້ນ:

“ຢາກໃຫ້ທາງປະເທດທີ່ສນັບສນູນ ເພີ້ມງົບປະມານ ຂຶ້ນໃນການສໍາຣວດ ແລະກວດກູ້ ເພາະວ່າ ການກວດກູ້ໄວ ໄດ້ຫລາຍເທົ່າໃດຍິ່ງດີ ແລະກໍຈະເຮັດໃຫ້ ພື້ນທີ່ພວກເຮົາ ປອດພັຍຫລາຍຂື້ນ.”

ເຊັ່ນດຽວກັນກັບແຂວງສາຣະວັນ ປັຈຈຸບັນ ງົບປະມານ ແລະພະນັກງານ ກໍບໍ່ພຽງພໍ ໃນວຽກງານເກັບກູ້ຣະເບິດ ທີ່ມີຫລາຍເຮັກຕ່າ. ດັ່ງ ເຈົ້າໜ້າທີ່ຜແນກເກັບກູ້ຣະເບິດ ແຂວງສາຣະວັນກ່າວວ່າ:

“ຄົນນີ້ ກໍຢາກໄດ້ຜູ້ມີຄວາມຮູ້ເນາະ ອຸປກອນກໍຢາກໄດ້ໂຕ ທີ່ມັນທັນສມັຍ ຖາມວ່າພໍບໍ່ກໍບໍ່ພໍຫັ້ນແລ້ວ ພື້ນທີ່ກໍຫຼາຍກວ່າຄົນ, ຄົນມີເປັນ ຮ້ອຍປາຍຄົນ ພື້ນທີ່ທໍ່ໃດເຮັກຕາ ເນາະ ເປັນແສນ ເປັນລ້ານເຮັກຕາພຸ້ນ.”

ຢ່າງໃດກໍຕາມ ການເກັບກູ້ຣະເບິດຕົກຄ້າງໃນປີ 2017 ຢູ່ແຂວງຊຽງຂວາງໄດ້ປະມານ 10 ປາຍພັນເຮັກຕາ ຄືປະມານ 1% ຂອງເນື້ອທີ່ ຂອງແຂວງ  ໃນຂນະທີ່ແຂວງສາຣະວັນ ມີໂຄງການເກັບກູ້ຣະເບິດ ຂອງອົງການເກັບກູ້ຣະເບິດ ແຫ່ງຊາດລາວ ເຂົ້າມາຊ່ວຍເຫລືອນັ້ນ ສາມາດ ສໍາຣວດເນື້ອທີ່ ໄດ້ 2,731 ເຮັກຕາ, ເກັບກູ້ຣະເບິດໄດ້ ໃນເນື້ອທີ່ 441 ແລະທໍາລາຍຣະເບິດ ຕົກຂ້າງໄດ້ 14,122 ຫນ່ວຍ.

ຄໍາເຫັນ (2)
Share

(

Dream, dream, dream Laos before the nightmare. Hope you can sleep at night though. Nite nite ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 14, 2017 04:53 AM

JP

ຈາກ ສັນຕິສຸຂ

ຄວາມສະຫລາດຂອງລັດຖະບາລລາວ ບໍ່ຈຳເປັນຈະໄປເຮັດວຽກງານທຳນັກ ຕ້ອງຫາກິນນຳປະເທສ ທີ່ໄປຖີ້ມລູກລະເບີດນາປານແລ້ວກໍ່ພໍ. ເພາະ ສາມສິບປີ ຂົນລະເບີດໄປຖີ້ມເສັຍງົບປະມານເປັນຈັກໝື່ນ ລ້ານໆໆ ດອນລາ. 95 ລ້ານ ນ້ອຍນິດດຽວຢ່າງນ້ອຍ ຕ້ອງ $ 95.000.000.000 ຕໍ່ປີ ຈື່ງສົມຄວນໃນການປຮາໃຊສົງຄາມ.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 07, 2017 04:30 AM

ເຕັມຫນ້າ