ອຸບັດຕິເຫດຕາມຖນົນ ປັ່ນປ່ວນ ເສຖກິດ

ສິດນີ
2017-03-13
Share
f-accident ຕົວຢ່າງອຸບັດຕິເຫດ ທີ່ ເກີດຂຶ້ນຕາມທ້ອງຖນົນ ນະຄອນຫຼວງວຽງຈັນ
Screen captured RFA/LX video

ນັກເສຖສາດລາວເວົ້າວ່າ ອຸບັດຕິເຫດ ຕາມທ້ອງຖນົນໃນລາວ ໃນແຕ່ລະປີ ເຮັດໃຫ້ຄົນເສັຽຊີວິດ ແລະ ຊັບສິນເສັຽຫາຍ ຢ່າງຫຼວງຫຼາຍ ສາມາດ ສ້າງຄວາມເສັຽຫາຍ ຕໍ່ເສຖກິດ ຂອງຊາດ.

ຣາຍງານ ຈາກຫ້ອງການຕຳຣວດ ແຫ່ງຊາດ ຣະບຸວ່າ ອຸບັດຕິເຫດ ຕາມທ້ອງຖນົນ ໃນລາວ ເມື່ອປີທີ່ຜ່ານມາ ມີຄົນເສັຽຊີວິດ ກວ່າ 1 ພັນຄົນ ແລະ ມີຜູ້ໄດ້ຮັບ ບາດເຈັບ ກວ່າ 8 ພັນຄົນ ໃນຈຳນວນ ອຸບັດຕິເຫດ ກວ່າ 5 ພັນຄັ້ງ ສ້າງຄວາມເສັຽຫາຍ ເຖິງ 83 ຕື້ກີບ.

ອີງຕາມບົດຣາຍງານ ຈາກຫນັງສືພິມວຽງຈັນທາມ ທີ່ອ້າງຕາມຄຳເວົ້າ ຂອງ ດຣ ລີເບີ ລີບົວປາວ ນັກເສຖສາດ ຣະດັບສູງ ຂອງລາວ, ຄວາມເສັຽຫາຍ ທາງເສຖກິດ ເກີດຈາກອຸບັດຕິເຫດ ຕາມທ້ອງຖນົນ ໃນແຕ່ລະປີ ໃນລາວ ເກືອບຮອດ 1 ເປີເຊັນ ຂອງ GNP ຂອງ ການເຕີບໂຕ ທາງດ້ານ ເສຖກິດລາວ 6.9% ໃນປີ 2016.

ທ່ານ ຍັງເວົ້າອີກວ່າ ການເສັຽຊີວິດ ແລະ ໄດ້ຮັບບາດເຈັບ ຂອງປະຊາຊົນ ຈາກອຸບັດຕິເຫດ ຕາມທ້ອງຖນົນ ຫຼາຍກວ່າ ການເສັຽຊີວິດ ຈາກສົງຄາມ ແລະ ຄວາມຂັດແຍ້ງ ໃນບາງປະເທດ. ທ່ານວ່າ ຄວາມເສັຽຫາຍ ຈາກອຸບັດຕິເຫດ ໃນນັ້ນຮ່ວມດ້ວຍ ຄວາມເສັຽຫາຍຂອງ ຣາຍໄດ້ ຂອງຄອບຄົວ, ຊັບສິນ ຫລືຣົດຍົນ, ການໃຊ້ຣົດ ambulance ຂອງຣັດ, ການໃຊ້ຈ່າຍ ຂອງໂຮງຫມໍຫຼວງ ແລະການປິ່ນປົວ ປະເພດຕ່າງໆ ຮວມເຂົ້າໃນ ງົບປະມານ ຂອງຣັຖບານ ຍ້ອນວ່າຜູ້ເຄາະຮ້າຍ ສ່ວນຫຼາຍ ເປັນຄົນ ທຸກຍາກ ຣັຖບານຕ້ອງໄດ້ຮັບ ພາລະ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.