ສວນກ້ວຍຈີນ ຂ.ວຽງຈັນ ຍັງໃຊ້ ສານເຄມີ

ຈຳປາທອງ
2019-02-27
Share
f-banana-plant ສວນປູກກ້ວຍ ຂອງນັກລົງທຶນຈີນ ຢູ່ແຂວງ ພາກເໜືອ ຂອງລາວ.
RFA

ສວນກ້ວຍຈີນ ຢູ່ເມືອງວຽງຄຳ ແຂວງວຽງຈັນ ຍັງໃຊ້ສານເຄມີຊະຊາຍ ເຮັດໃຫ້ບໍຣິເວນສວນກ້ວຍ ປົນເປື້ອນ ໄປດ້ວຍສານເຄມີ ຈົນເຈົ້າຂອງ ສວນກ້ວຍ ໄດ້ປ່ຽນຄົນງານ ຊຸດໃໝ່ ເຂົ້າມາ ເຮັດວຽກແທນ ຄົນງານຊຸດເກົ່າ ໃນແຕ່ລະ 2 ປີ ຍ້ອນຢ້ານວ່າ ຄົນງານ ທີ່ເຮັດວຽກ ນານກວ່າ ສອງປີ ອາຈໄດ້ຮັບ ອັນຕະຣາຍ ຈາກສານເຄມີ ແລະ ຈະໄດ້ຮັບຜິດຊອບ, ດັ່ງນັ້ນ ຈຶ່ງໃຫ້ອອກ ແລະ ປ່ຽນຄົນງານ ຊຸດໃໝ່ ໃນແຕ່ລະ 2 ປີ, ອີງຕາມຣາຍງານ ຂອງສື່ມວນຊົນ ທາງການລາວ.

ກ່ຽວກັບ ບັນຫາດັ່ງກ່າວ ເຈົ້າໜ້າທີ່ ກະສິກຳ ແລະ ປ່າໄມ້ ເມືອງວຽງຄຳ ເວົ້າວ່າ ບໍ່ມີມູນຄວາມຈິງ, ຊາວບ້ານ ພາກັນ ກັງວົນເອງ ເພາະໄດ້ຍິນ ຂ່າວຊື່ໆ ວ່າມີການໃຊ້ສານເຄມີ ໃນສວນກ້ວຍ ແຕ່ບໍ່ມີຂໍ້ມູນ ມາຢັ້ງຢືນ, ດັ່ງທ່ານກ່າວ ຕໍ່ວິທຍຸເອເຊັຽເສຣີ ໃນມື້ວັນທີ 26 ກຸມພານີ້ວ່າ:

“ອັນນີ້ແຫລະ ແມ່ນຄຳສເນີ ຂອງຊາວບ້ານ ບໍ່ມີຂໍ້ມູນດອກ ໄດ້ຍິນຂ່າວວ່າ ໃຊ້ສານເຄມີ ຫລາຍຊື່ໆ ກະບໍ່ມີ ຂໍ້ມູນວ່າ ໄດ້ໃຊ້ສານເຄມີ ທີ່ຮ້າຍແຮງ ແບບເກືອດຫ້າມ.”

ທ່ານເວົ້າວ່າ ທີ່ຜ່ານມາ ສວນກວ້ຍຈີນ ຫຼາຍແຫ່ງ ທີ່ເມືອງວຽງຄຳ ໃຊ້ສານເຄມີແທ້. ແຕ່ຫລັງຈາກ ທາງການ ຫ້າມໃຊ້ແລ້ວ ສວນທຸກແຫ່ງ ກໍເຊົາໃຊ້. ມາຮອດ ປັດຈຸບັນ ຍັງມີສວນກວ້ຍຈີນ ຂອງ 2 ບໍຣິສັດ ເທົ່ານັ້ນ ເຫຼືອຢູ່ໃນ ເມືອງນີ້ ແລະ ຈະໝົດກຳນົດສັນຍາ ໃນປີ 2020. ຫລັງຈາກນັ້ນ ເນື້ອທີ່ປູກກ້ວຍ ກໍຈະຖືກສົ່ງຄືນ ໃຫ້ເຈົ້າຂອງດິນ.

ກ່ຽວກັບ ຂ່າວເຣື່ອງການໃຊ້ສານເຄມີ ໃນສວນກ້ວຍຈີນ ຢູ່ເມືອງວຽງຄໍາ ທີ່ີວ່ານັ້ນ ວິທຍຸເອເຊັຽເສຣິ ໄດ້ຕິດຕໍ່ ຖາມໄປຍັງ ຊາວບ້ານ ແລະ ພໍ່ບ້ານ ໃນເຂດດັ່ງກ່າວ ເພື່ອຂໍຮູ້ ຣາຍຣະອຽດ, ແຕ່ບໍ່ມີຜູ້ໃດ ໃຫ້ຄຳເຫັນໄດ້.

ຄໍາເຫັນ (0)

ເບິ່ງຄວາມເຫັນທັງໝົດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ