ຂ.ວຽງຈັນຄົນເປັນ ໄຂ້ເລືອດອອກ ເພີ້ມຂຶ້ນ

2013-06-28
ອີແມວລ໌
ຄໍາເຫັນ
Share
ພິມ
ຍຸງທີ່ແພ່ຜາຍຂຍາຍ ເຊື້ອໂຣຄໄດ້ຢ່າງວ່ອງໄວ
ຍຸງທີ່ແພ່ຜາຍຂຍາຍ ເຊື້ອໂຣຄໄດ້ຢ່າງວ່ອງໄວ
RFA

 

ປັຈຈຸບັນ ເຊື້ອ ໄຂ້ເລືອດອອກ ຣະບາດ ໜັກ ໃນແຂວງວຽງຈັນ, ມີຜູ້ຕິດເຊື້ອ ປະມານ 1300 ຄົນ, ເສັຽຊີວິດ ແລ້ວ 1 ຄົນ ແລະ ກໍມີທ່າວ່າ ຈະຮ້າຍແຮງ ຂຶ້ນ ຫາກບໍ່ມີ ການແກ້ໄຂ ເປັນພິເສດ. ສິ່ງ ທີ່ຂາດເຂີນ ທີ່ສຸດ ຄື ອຸປະກອນ ເຊັ່ນ: ເຄື່ອງພົ່ນຢາ ກັນຍຸງ ຊຶ່ງທົ່ວແຂວງ ມີພຽງ ອັນດຽວ. ຕາມຄໍາເວົ້າ ຂອງ ເຈົ້າໜ້າທີ່ ຂແນງ ໄຂ້ຍຸງ ແຂວງວຽງຈັນ:

"ມັນເຄີຍລະບາດ ປີ 2010 ຫັ້ນນະ ແຕ່ວ່າຕົວຈິງ ຕອນນີ້ ກໍເກີດຢູ່ ມີຄົນ ເສັຽຊີວິດ ຍ້ອນພຍາດ ໄຂ້ເລືອດອອກ ແລ້ວ ຜູ້ນຶ່ງ ແລ້ວເດ໋ ໄປເສັຽຊີວິດ ຢູ່ໂຮງໝໍ ມະໂຫສົດ ແລ້ວ ເບິ່ງ ບໍ່ໄປໂຮງໝໍ ແລ້ວຮອດ ວັນທີ 7 ຜູ້ກ່ຽວ ມີອາການ ໜັກ ໄປໂຮງໝໍ ແຂວງ ຂະເຈົ້າ ບໍ່ຮັບ ບໍ່ຮັບ ໄປໂຮງໝໍ ມະໂຫສົດ ໄປຮອດ ມະໂຫສົດ ເວລາ 10 ໂມງ, ເວລາ ເສັຽຊີວິດ ຫັ້ນມີ ເລືອດອອກ ປາກ ເລືອດດັງ ເລືອດຊຶມມາ ເຕັມແລ້ວ".

ທ່ານກ່າວ ເນັ້ນວ່າ ມີຄົນໄຂ້ ຈໍານວນ ບໍ່ໜ້ອຍ ຊຶ່ງໃນນັ້ນ ບາງຄົນ ກໍມີ ອາການໜັກ ຈົນໂຮງໝໍ ແຂວງ ບໍ່ກ້າຮັບ ຍ້ອນບໍ່ຟ້າວ ໄປປີ່ນປົວ ລໍຖ້າໃຫ້ ອາການໜັກ ແລ້ວ ຈຶ່ງໄປ ຊຶ່ງກໍບໍ່ ທັນການ ແລ້ວ. ການລົງພື້ນທີ່ ສໍາຣວດ ພົບວ່າ ມີຄົນປ່ວຍ ຈໍານວນຫລາຍ ທີ່ບໍ່ຍອມ ໄປຫາໝໍ ເພື່ອ ປີ່ນປົວ. ແລະວ່າ ໃນຣະຍະ 3 ເດືອນ ມີຜູ້ຕິດ ເຊື້ອ 1300 ຄົນ ຖືວ່າເພີ່ມຂຶ້ນ ຫລາຍກວ່າ ປີ 2012 ເຖິງ 10 ເທົ່າ ຊຶ່ງທ່ານໝໍ ຄາດວ່າ ໝົດ ຣະດູ ຝົນ ອາຈມີ ຜູ້ປ່ວຍ ເຖິງ 3 ພັນ 4 ພັນ ຄົນ. ຢູ່ເມືອງໝື່ນ ເມືອງເຟືອງ ເມືອງວັງວຽງ ແລະ ເມືອງ ໂພນໂຮງ ມີຜູ້ຕິດ ເຊື້ອ ຫລາຍທີ່ສຸດ.

ໃນທົ່ວ ປະເທດລາວ ມີຄົນ ເສັຽຊີວິດ ຍ້ອນ ໄຂ້ເລືອດອອກ ແລ້ວ 50 ຄົນ, ແຂວງ ທີ່ໜັກໜ່ວງ ກວ່າໝູ່ ແມ່ນຢູ່ ຈໍາປາສັກ.

ເຕັມຫນ້າ