ງົປມານອອກລູກບໍ່ເສັຽຄ່າ

ອະວາຣີ
2016-01-22
ອີແມວລ໌
ຄໍາເຫັນ
Share
ພິມ
ໃນແຕ່ລະປີ ມີອົງການສາກົນເຂົ້າມາ ຊ່ອຍໃຫ້ທຶນບໍຣິການ ແມ່ຍິງລາວທີ່ເລີ້ມຖືພາ ໃຫ້ມາຝາກທ້ອງ ຈົນຮອດມື້ມາອອກລູກ ໂດຍບໍ່ເສັຽຄ່າ
ໃນແຕ່ລະປີ ມີອົງການສາກົນເຂົ້າມາ ຊ່ອຍໃຫ້ທຶນບໍຣິການ ແມ່ຍິງລາວທີ່ເລີ້ມຖືພາ ໃຫ້ມາຝາກທ້ອງ ຈົນຮອດມື້ມາອອກລູກ ໂດຍບໍ່ເສັຽຄ່າ
Screen captured from LNTV news video

ທາງການລາວ ຈະໂອນ ງົບປະມານ ສຳລັບ ໃຫ້ບໍຣິການ ອອກລູກ ບໍ່ເສັຽຄ່າ ໃຫ້ເມືອງຕ່າງໆ ຢູ່ແຂວງ ສາຣະວັນ ໃນ ທ້າຍ ເດືອນນີ້ ຫຼື ຢ່າງຊ້າ ບໍ່ກາຍ ເດືອນ ກຸມພາ ຕາມ ການເປີດເຜີຍ ຂອງ ເຈົ້າຫນ້າທີ່ ຜແນກ ສາທາຣະນະສຸຂ ເມືອງ ຄົງເຊໂດນ ແຂວງ ສາຣະວັນ ຕໍ່ ວິທຍຸ ເອເຊັຽ ເສຣີ ໃນວັນທີ 21 ມົກກະຣາ ນີ້ ວ່າ:

“ສຳລັບ ງົບປະມານ ຫັ້ນ ຜແນກ ສາທາແຂວງ ເພິ່ນກໍໄດ້ແຈ້ງ ແລ້ວ ເພິ່ນ ຈະສົ່ງໃຫ້ຢູ່ ປະມານ ໃນເດືອນ 1 ເດືອນ 2 ນີ້ແຫຼະ, ເງິນມາແລ້ວ ຮອດ ແຂວງເຮົາແລ້ວ ແຕ່ວ່າ ເພິ່ນບໍ່ທັນໄດ້ ໂອນໃຫ້ ຫ້ອງການ ເທື່ອ”.

ນາງກ່າວ ຕື່ມວ່າ ງົບປະມານ ງວດນີ້ ແມ່ນເງິນ ທົດແທນ ຄ່າໃຊ້ຈ່າຍ ສຳລັບ ການໃຫ້ ບໍຣິການ ອອກລູກ ບໍ່ເສັຽຄ່າ ນັບແຕ່ ເດືອນ ມົກກະຣາ ຫາ ເດືອນທັນວາ ປີ 2015. ຕລອດຣະຍະ 1 ປີ ທີ່ຜ່ານມາ ແຂວງ ສາຣະວັນ ຍັງໃຫ້ ບໍຣິການ ເກີດລູກ ບໍ່ເສັຽຄ່າ ເປັນ ປົກກະຕິ ແຕ່ຕ້ອງເອົາ ເງິນ ຈາກກອງທຶນຢາ ຂອງ ໂຮງຫມໍ ໄປໃຊ້ກ່ອນ, ເມື່ອໄດ້ ງົບປະມານ ງວດໃຫມ່ແລ້ວ ທາງການ ຈະ ໃຊ້ຄືນໃຫ້ ໂຮງໝໍ.

ໃນຂນະດຽວກັນ ແຂວງອື່ນໆ ກໍປະສົບ ປັນຫາ ການຂາດເຂີນ ງົບປະມານ ເຊັ່ນດຽວກັນ ເປັນຕົ້ນ ແຂວງ ຫຼວງນ້ຳທາ ກໍຕ້ອງໃຫ້ ປະຊາຊົນ ເສັຽຄ່າ ໃຊ້ຈ່າຍ ການອອກລູກ ເອງ.

ສປປລາວ ຫາກໍ່ໄດ້ ຮັບເງິນ ຊ່ວຍເຫລືອ ແລະ ເງິນກູ້ຍືມ 400 ຕື້ກີບ ຈາກ ທະນາຄານ ພັທນາເອເຊັຽ ທະນາຄານ ໂລກ ແລະ ກອງທຶນ ຫລຸດຜ່ອນ ຄວາມທຸກຍາກ ຂອງ ປະເທດ ຍີ່ປຸ່ນ ເພື່ອໃຊ້ ໃນແຜນງານ ຄຸ້ມຄອງ ບໍຣິຫານ ສາທາຣະນະສຸກ ແລະ ໂພຊນາການ ປີ 2016-20.

ປັຈຈຸບັນ ທາງການລາວ ກຳລັງ ແຈກຢາຍ ງົບປະມານ ນີ້ໄປໃຫ້ ແຂວງ ແລະ ເມືອງຕ່າງໆ ຢຸູ່.

ຄໍາເຫັນ (1)
Share

ໄມສິງ

ຈາກ ຊຽງຂວາງ

ອັນໄດເປັນພາກສ່ວນ ຂອງປະຊາຊົນລາວກໍ່ສົມຄວນ ຍ່ືນໃຫ້ເຖິງບ່ອນຢ່ອນໃຫ້ເຖິງທີ່ ໄວທີ່ສຸດເທົ່າທີ່ຈະໄວໄດ້, ເຮັດຄືແນວນີ້ຕໍ່ໄປ ມັນກໍ່ຈະດີເລີດປະເສີດກ່ວາຍຸກຂອງ ຈູມມະລີ ແລະ ທອງສິງ ຫລາຍເທົ່ານັ້້ນລະຕີ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:18 AM

ເຕັມຫນ້າ