ໜ່ວຍກູ້ພັຍຕຽມພ້ອມ ວັນ ປີໃໝ່

ພູວົງສ໌
2018.12.31
Share on WhatsApp
Share on WhatsApp
F-Rescue-VT ໜ່ວຍກູ້ພັຍ ທີ່ປະຕິບັດໜ້າທີ່ ຕາມທ້ອງຖນົນຫຼວງ ນະຄອນຫຼວງວຽງຈັນ
RFA

ເຈົ້າໜ້າທີ່ອາສາກູ້ພັຍ ນະຄອນຫຼວງວຽງຈັນທ່ານນຶ່ງ ໄດ້ກ່າວຕໍ່ຜູ້ສື່ຂ່າວເອເຊັຽເສຣີ ໃນມື້ນີ້ວ່າ ພາກສ່ວນອາສາກູ້ພັຍນະຄອນຫຼວງ ພ້ອມດ້ວຍ ເຈົ້າໜ້າທີ່ອາສາສມັກ ປະມານ 80 ປາຍຄົນ ມີຄວາມ ພ້ອມເຕັມທີ່ ໃນການຮັບມືກັບອຸບັຕຕິເຫຕ ຫຼືເຫຕສຸກເສີນຕ່າງໆ ໃນໄລຍະສເລີມສລອງບຸນປີໃໝ່ ສາກົນ 2019 ນີ້ ເພື່ອອຳນວຍຄວາມສະດວກ ໃຫ້ແກ່ປະຊາຊົນ. ດັ່ງທ່ານໄດ້ກ່າວຕອນນຶ່ງ ວ່າ:

“ພ້ອມແລ້ວເຈົ້າ ເພາະວ່າພວກເຮົາຕຣຽມພ້ອມ 7 ວັນອັນຕະຣາຍເຈົ້າ. ຊ້ວງນີ້ຊ້ວງບຸນປີໃໝ່ ຄົນໄປທ່ຽວໄປຫຼິ້ນນ່າ ເຮົາຊິໄດ້ກຽມພ້ອມ ທຸກຢ່າງ ທີ່ສະດວກໃຫ້ເພິ່ນ ທີ່ເປັນອຸບັຕເຫຕບໍ່ ຫຼືວ່າເກີດເຫຕ ທີ່ສຸກເສີນຕ່າງໆນ່າເຈົ້າ."

ທ່ານກ່າວຕື່ມວ່າ ນອກຈາກຈະມີຄວາມພ້ອມໃນການກູ້ພັຍແລ້ວ, ປີນີ້ຖືເປັນປີທຳອິດທີ່ທີມງານອາສາກູ້ພັຍນະຄອນຫຼວງວຽງຈັນ ໄດ້ຈັດ ທີມງານ ເພື່ອຊ່ອຍເຫຼືອປະຊາຊົນ ໄປຮັບໄປສົ່ງຮອດເຮືອນ ໃນກໍຣະນີທີ່ຜູ້ໃດກໍ່ຕາມ ທີ່ບໍ່ສາມາດເດີນທາງກັບເມືອເຮືອນ ຂອງໂຕເອງໄດ້ ເພື່ອຫຼຸດຄວາມສ່ຽງທີ່ຈະເກີດອຸບັຕຕິເຫຕ.

“ເຈົ້າແມ່ນແລ້ວນ່າ ເຮົາກະຈັດປີທຳອິດເນາະ ເພາະວ່າກະໄດ້ຜົລຢູ່ເນາະ. ມື້ຄືນນີ້ ກະໂທຫາບອກເຮົາໄປສົ່ງນຳເຫຕສົ່ງຄົນເມົານ່າເຈົ້າ. ຊ້ວງນີ້ກະຫຼຸດຜ່ອນ ອຸບັຕເຫຕແນ່ນ່າເຈົ້າ."

ໃນປີນີ້, ອາສາກູ້ພັຍນະຄອນຫຼວງວຽງຈັນ ໄດ້ວາງກຳລັງຢູ່ 3 ຈຸດ ເປັນຕົ້ນເຂດເມືອງຈັນທະບູຣີ, ເມືອງສີໂຄຕະບອງ ແລະ ເມືອງໄຊເສຖາ ໃຫ້ເປັນສູນບັນຊາການໃຫຍ່ ເພື່ອຊ່ອຍຮັບມືກັບອຸບັຕຕິເຫຕ ແລະ ເຫຕສຸກເສີນຕ່າງໆ ຮວມທັງຊ່ອຍເຫຼືອປະຊາຊົນຕລອດໄລຍະ 7 ວັນ ອັນຕະຣາຍ ຈົນໄປເຖິງວັນທີ 2 ມົກກະຣາ 2019 ນີ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.