ສະຫະຣັຖ ຊ່ວຍເຫຼືອວຽກງານ ເກັບກູ້ລະເບີດ ມູນຄ່າ 1.3 ລ້ານໂດລ້າຣ໌

ອຸ່ນແກ້ວ
2023.03.07
ສະຫະຣັຖ ຊ່ວຍເຫຼືອວຽກງານ ເກັບກູ້ລະເບີດ ມູນຄ່າ 1.3 ລ້ານໂດລ້າຣ໌ ພາຫະນະໃໝ່ ຈຳນວນ 31 ຄັນ, ເຕັ້ນ 52 ຫຼັງ ແລະ ອຸປະກອນອື່ນໆ ທີ່ຣັຖບານສະຫະຣັຖ ອາເມຣິກາ ໄດ້ມອບໃຫ້ໂຄງການ ເກັບກູ້ລະເບີດແຫ່ງຊາດ ຫຼື UXO Lao. ພິທີມອບທີ່ ສູນຝຶກອົບຮົມ ຂອງໂຄງການ ເກັບກູ້ລະເບີດແຫ່ຊາດ (ຄກລ) ວັນທີ 6 ມີນາ 2023.
ຮູບພາບ: U.S. Embassy in Vientiane

ທາງ​ການສະຫະຣັອາເມຣິກາ ໄດ້ມອບຍານພາຫະນະ ໃໝ່ຈຳນວນ 31 ຄັນ, ເຕັ້ນ 52 ຫຼັງ ແລະ ອຸປະກອນອື່ນໆ ລວມມູນຄ່າທັງໝົດ 1.3 ລ້ານ ໂດລ້າຣ໌ ເພື່ອໃຊ້ເຂົ້າໃນວຽກງານ ເກັບກູ້ລະເບີດບໍ່ທັນແຕກ. ໃນວັນທີ 6 ມີນາ ທີ່ຜ່ານມາ, ທ່ານ ປີເຕີຣ໌ ເຮມ໋ອນດ໌ ເອກອັກຄະຣັຖທູດ ສະຫະຣັຖ ອາເມລິກາປະຈຳ ສປປ ລາວ ແລະ ເຈົ້າໜ້າທີ່ກ່ຽວຂ້ອງໄດ້ເຂົ້າຮ່ວມພິທີມອບເຄື່ອງຊ່ວຍເຫຼືດັ່ງກ່າວ. ເຈົ້າໜ້າທີ່ໂຄງການເກັບກູ້ລະເບີດແຫ່ງຊາດ ຈະນຳໃຊ້ພາຫະນະ ແລະ ອຸປະກອນດັ່ງກ່າວ ເຂົ້າໃນວຽກງານເກັບກູ້ລະເບີດ ຢູ່ແຂວງຄຳມ່ວນ, ແຂວງສວັນນະເຂດ, ແຂວງສາຣະວັນ ແລະ ແຂວງອັຕະປື.

ເຈົ້າ​ໜ້າທີ່ກ່ຽວຂ້ອງ ຜູ້ທີ່ບໍ່ປະສົງອອກຊື່ ແລະ ຕຳແໜ່ງ ໄດ້ກ່າວຕໍ່ວິທຍຸ ເອເຊັຽເສຣີ ໃນວັນທີ 7 ມີນາ 2023 ວ່າ:

“ມາ​ເຮັດວຽກເກັບກູ້ລະເບີດ ຄຳຖາມເລື່ອງໜ້າວຽກ ແມ່ນເຮັດວຽກເພື່ອເປົ້າໝາຍ ແລະ ພາຣະບົດບາດດຽວກັນເນາະ ແຕ່ວ່າ ພາຍໃນການຄຸ້ມຄອງກໍໄປຂຶ້ກັນກັບ ກັ້ນຮົ່ມ ຢູ່ກອງກັນຫຸ້ມດຽວກັບ ຂະເຈົ້າເອີ້ນຄະນະກັມການຄຸ້ມຄອງແຫ່ງຊາດ ກ່ຽວກັບບັນລະເບີດບໍ່ທັນແຕກ ອັນນັ້ນມັນ NRA ເນາະ ທຸການເກັບກູ້ລະເບີດອີ່ຫຍັງ ກໍຈະລາຍງານຂໍ້ມູນ ໃຫ້ພາກສ່ວນນັ້ນ.”

ການ​ໃຊ້ເຄື່ອງອຸປະກອນ ເກັບກູ້ລະເບີດບໍ່ທັນແຕກ ນັ້ນ ອີງຕາມທຶນງົບປະມານ ໄດ້ຮັບ​​ຈາກການຊ່ວຍເຫຼືອ. ເຈົ້າໜ້າທີ່ກ່ຽວຂ້ອງ ທ່ານນີ້ ໄດ້ກ່າວຕື່ມວ່າ:

“ຣັ​ບານອາເມຣິກາເພິ່ນ. ເພິ່ນໃຫ້ທຶນໃຫ້ເບາະ ເຮົາກໍໄດ້ຊື້ ກະມີອຸປະກອນຕ່າງໆ ທີ່ເຮົາໄດ້ໃຊ້ຢູ່ໃນໂຄງການ, ພາຫະນະແລ້ວ ກໍມີເຄື່ອງກວດລະເບີດ ມີອິຫຍັງຫຼາຍຢ່າງຫັ້ນແຫຼະ ຄັນຖາມວ່າ ເຮົາຂາດອິຫຍັງຫັ້ນນ່າເນາະ ເຮົາຈະໃຊ້ໄດ້ຕາມຫ່ວງທຶນທີ່ວ່າ ຜູ້ໃຫ້ທຶນເຮົາກໍຄືຣັບານອາເມຣິກາ ກໍວາງແຜນຕາມຈຳນວນທຶນທີ່ໄດ້ຮັບຫັ້ນນ່າ.”

ຍາ​ນາງກ່າວຕື່ມວ່າ ສຳລັບງົບປະມານ ແລະ ອຸປະກອນຕ່າງໆ ທີ່ໃຊ້ໃນວຽກງານເກັບກູ້ ລະເບີດບໍ່ທັນແຕກພາຍໃນປະເທດລາວ ສ່ວນຫຼາຍແມ່ນມາຈາກການ​ ​ບໍລິຈາກ ຈາ​​ກໜ່ວຍງານ ຂອງປະເທດສະຫະຣັອາເມຣິກາ, ນໍເວ ແລະ ອອເຕຣເລັຽ ໂດຍ ພວກເຂົາເຈົ້າຈະເປັນຜູ້ດຳເນີນການ ເກັບກຳຂໍ້ມູນ ແລະ ວາງແຜນ ວ່າ ໃນ​​ແຕ່ລະໄລຍະ ຈຳເປັນຕ້ອງໃຊ້ເງິນງົບປະມານ, ອຸປະກອນ ແລະ ບຸກຄະລາກອນ ເທົ່າໃດ.

ຄອມ​ພິວເຕີ ແລະ ອຸປະກອນເຄື່ອງໃຊ້ຫ້ອງການ ຍັງມີຄວາມຈຳເປັນສຳລັບວຽກງານເກັບກຳຂໍ້ມູນຢູ່າກນາມ ໃນແຕ່ລະມື້. ເຈົ້າໜ້າທີ່ກ່ຽວຂ້ອງ ຜູ້ທີ່ບໍ່ປະສົງອອກຊື່ ແລະ ຕຳແໜ່ງ ໄດ້ກ່າວຕໍ່ວິທຍຸ ເອເຊັຽເສຣີ ໃນວັນທີ 7 ມີນາ ວ່າ

“ໂຕນີ້ ​ມັນຕ້ອງເປັນຫ້ອງການໃຫຍ່ຫັ້ນນ່າ ຢູ່ນະຄອນຫລວງພຸ້ນເນາະ ມັນມີຫຼາຍແຂວງເດ້ ທາງພວກເຮົາກໍມີແຕ່ວ່າ ເປັນຜູ້ປະຕິບັດໂຕຈິງຊື່ໆ ຫັ້ນນ່າ ຈຸເຂົາບໍ່ໄດ້ເປັນຜູ້ສັງລວມຊ້ຳ ວ່າໂຄງການຂອງພວກເຮົາຕ້ອງການ ອິຫຍັງຫັ້ນນ່າ ກໍຕ້ອງການຄອມພິວເຕີຊື່ໆ ການເຮັດວຽກເຮັດບົດຣາຍງານ ປະຈຳວັນ.”

ຍາ​ນາງ ກ່າວຕື່ມວ່າ ສຳລັບການເຮັດວຽກໂຕຈິງ ໃນພື້ນທີ່ພາກນາມ ພວກເຂົາເຈົ້າຍັງບໍ່ທັນຮັບຮູ້ ຄັກແນ່ວ່າ ພະນັກງານເກັບກູ້ລະເບີດຕ້ອງການ ອຸປະກອນ ຫຼື ການຊ່ວຍເຫຼືອແນວໃດຕື່ມ ຍ້ອນວ່າ ທີ່ຜ່ານມາ ໜ່ວຍງານຂອງເຂົາເຈົ້າ ຍັງບໍ່ທັນລົງພື້ນທີ່ເກັບກຳ ຂໍ້ມູນດັ່ງກ່າວ ນີ້ຢ່າງເປັນທາງການເທື່ອ ຫຼື ຖ້າຫາກມີຂໍ້ມູນ ກໍຈະຢູ່ນຳໜ່ວຍງານ ທີ່ເຮັດວຽກດ້ານການເກັບກູ້ລະເບີດ ຂັ້ນສູນກາງຫຼາຍກ່ອນ.

ທີ່​ຜ່ານມາ ທາງການລາວ ແລະ ພາກສ່ວນກ່ຽວຂ້ອງ ໄດ້ດຳເນີນການເກັບກູ້ລະເບີດ ບໍ່ທັນແຕກ ໃນພື້ນທີ່ເຂດໂຕເມືອງ ແລະ ບ້ານເຮືອນປະຊາຊົນ ແລ້ວເປັນຈຳນວນນຶ່ງ ໃນຂະນະທີ່ ຢູ່ເຂດພື້ນທີ່ປ່າ ແລະ ເຂດພູດອຍ ພັຍັງບໍ່ທັນໄດ້ດຳເນີນການເກັບກູ້ພໍປານໃດ.

ນອກ​ຈາກນີ້ ຍັງມີການໂຄສະນາ ປະຊາສຳພັນໃຫ້ປະຊາຊົນ ທີ່ຢູ່ເຂດຫ່າງໄກສອກຫຼີກ ໃຫ້ໄດ້ຮັບຮູ້ເຖິງອັນຕະລາຍຂອງລະເບີດບໍ່ທັນແຕກ ຕາມສະຖານທີ່ຕ່າງໆ.

ເຈົ້າ​ໜ້າທີ່ກ່ຽວຂ້ອງ ຜູ້ດຽວກັບນີ້ ໄດ້ກ່າວຕື່ມວ່າ:

“ກໍ​ມີແຖວພູ ແຖວບໍຣິເວນພູຫັ້ນແຫຼະ ກໍມັນເປັນເຂດພູດອຍເດ້ ຢູ່ພີ້ ຂະເຈົ້າເຮັດສົງຄາມ ແຕ່ກີ້ເດ້ ມີແຖວພູ ແຖວປ່າຫັ້ນແຫຼະ ແຕ່ວ່າ ແຖວບ້ານປະຊາຊົນ ກໍບໍ່ມີເພາະວ່າ ກໍໄດ້ເກັບກູ້ໄປສ່ວນຫຼາຍແລ້ວເນາະ ກໍໄດ້ໂຄສະນາ ກໍໄດ້ລົງ ມັນມີໜ່ວຍງານ ໂຄນາຕ່າງຫາກ.”

ໜ່ວຍ​ງານ​ເກັບ​ກູ້​ ລະ​ເບີດບໍ່​ທັນ​ແຕກ ຢູ່​ເມືອງ ແລະ ແຂວງ​ຕ່າງໆ ໃນ​ປະ​ເທດ​ລາວ ຕ້ອງ​ການ​ໃຫ້​ທາງ​ການ​ລາວ ແລະ ພາກ​ສ່ວນ​ກ່ຽວ​ຂ້ອງ ຊອກ​ຫາ​ເຄື່ອງ​ແບບ​ນຸ່ງ ​ສຳ​ລ​ເກັບ​ກູ້​ລະ​ເບີດ ແລະ ອຸ​ປະ​ກອນ​ເກັບ​ກູ້​ລະ​ເບີດທີ່​ມີ​ມາ​ດ​ຕະ​ຖານ ໃຫ້​ພະ​ນັກ​ງານ​ເກັບ​ກູ້ລະ​ເບີດ.

ພະ​ນັກ​ງານ ​ໂຄງ​ການເກັບ​ກູ້​ລະ​ເບີດ ຢູ່​ແຂວງ​ສາ​ຣະ​ວັນ ໄດ້​ກ່າວ​ວ່າ:

“ຊຸດ​ເຮັດວຽກຫຍັງຫັ້ນວ່າ ສ່ວນຫຼາຍກໍເປັນເສື້ອທັມມະດາ ແຕ່ວ່າ ເສື້ອເຊບຕີ້ ເພິ່ນບໍ່ມີເລີຍຊຸດເຊບຕີ້ຫັ້ນນ່າ ມີແຕ່ ເປັນເຄື່ອງແບບທັມມະດາ ທີ່ວ່າ ເປັນເຄື່ອງແບບທັມມດາ ເຮົານີ້ແຫຼະ ແບບໃສ່ແບບອັນນີ້ຊື່ໆ ແຕ່ວ່າ ເປັນຊຸດເຊບຕີ້ ເປັນຊຸດເກັບກູ້ ໂດຍສະເພາະຫັ້ນ ມັນບໍ່ມີ.”

ອີງ​ຕາມຂໍ້ມູນ ຈາກເຈົ້າໜ້າ ທີ່ເກັບກູ້ຣະເບີດບໍ່ທັນແຕກ ໃນວັນທີ 7 ມີນາ ທີ່ຜ່ານມາ, ໜ່ວຍງານເກັບກູ້ລະເບີດ ປະກອບມີ:

  1. ໜ່ວຍ​ງານຣັບານ ຄື ໂຄງການກັບກູ້ລະເບີດ ບໍ່ແຕກແຫ່ງຊາດ ເຮັດໜ້າທີ່ເກັບກູ້ເບີດ ແລະ ຄະນະກັມມະການຄຸ້ມຄອງ ແຫ່ງຊາດ ເພື່ອແກ້ໄຂບັນຫາລະເບີດ ບໍ່ທັນແຕກ ທີ່ຕົກຄ້າງຢູ່ລາວ ທີ່ເຮັດວຽກດ້ານການຄຸ້ມຄອ.
  2. ອົງ​ການຈັດຕັ້ງສາກົນ ທີ່ໄດ້ຮັບເງິນທຶນ ນັບນູນ ຈາກຕ່າງປະເທດ.
  3. ບໍ​ຣິສັດຮັບໃຫ້ຄຳປຶກສາ ກ່ຽວກັບການເກັບກູ້ລະເບີດ ໃຫ້ແກ່ນັກລົງທຶນ ພາຍໃນ ແລະ ຕ່າງປະເທດ ທີ່ຕ້ອງການບຸກເບີກ ທີ່ດິນເພື່ອເຮັດໂຄງການ ຕ່າງໆ.

ທ່ານ ໂຈມ​ແຍງ ແພງທອງສະຫວັດ ຫົວໜ້າຫ້ອງການຄະນະກັມມະການ ຄຸ້ຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກຢູ່ໃນ ລາວ ໄດ້ກ່າວໃນປີ 2022 ວ່າ ເປັນເວລາ 26 ປີ ທາງການລາວ ແລະ ພາກສ່ວນກ່ຽວຂ້ອງ ສາມາດສຳຣວດ ແລະ ເກັບກູ້ລະເບີດບໍ່ທັນແຕກ ທີ່ຕົກຄ້າງໄດ້ພຽງແຕ່ 1% ເທົ່າ​ນັ້ນ ສ່ວນທີ່ເຫຼືອອີກ 99% ຄາດວ່າຈະໃຊ້ເວລາ ອີກປະມານ 1,860 ປີ ໃນການເກັບກູ້.

ນອກ​ຈາກນີ້ ໃນ​ເດືອນ​ກໍ​ຣະ​ກະ​ດາ 2022 ຣັ​ຖ​ບານ​ສະ​ຫະ​ຣັ​ຖ​ ອາ​ເມ​ຣິ​ກາ ໄດ້​ມອບ​ເງິນ​ສ​ບັນສ​ນູນ ​ຈຳ​ນວນ 8.5 ລ້ານ ໂດ​ລ້າ​ຣ໌ ໃຫ້​ແກ່​ອົງ​ການ MAG ທີ່​ເປັນ​ອົງ​ການ ຈັດ​ຕັ້ງ​ສາ​ກົນ ເພື່ອ​ນຳ​ໃຊ້​ເຂົ້າ​ໃນ​ການດຳ​ເນີນ​ການ​ ສຳ​ຣວດ, ສຶກ​ສາ ​ຄວາມ​ສ່ຽງ ແລະ ເກັບ​ກູ້​ລະ​ເບີດບໍ່​ທັນ​ແຕກ ຢູ່​ແຂວ​ຊຽງ​ຂວາງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.