ສາມຫຼ່ຽມຄໍາຜລິດຝິ່ນເພີ້ມຂຶ້ນ

2013-12-18
ອີແມວລ໌
ຄໍາເຫັນ
Share
ພິມ
ຮູປຖ່າຍ ທົ່ງປູກຝິ່ນ ໂດຍ ຫ້ອງການ ອາຊຍາກັມ ແລະ ຢາເສບຕິດ ສະຫະປະຊາຊາດ ຫລື UNODC
ຮູປຖ່າຍ ທົ່ງປູກຝິ່ນ ໂດຍ ຫ້ອງການ ອາຊຍາກັມ ແລະ ຢາເສບຕິດ ສະຫະປະຊາຊາດ ຫລື UNODC
Poppy field. Photo: UNODC

 

ຫ້ອງການອາຊຍາກັມແລະຢາເສບຕິດສະຫະປະຊາຊາດຫລື UNODC ຣາຍງານວ່າ ການຜລິດຝິ່ນໃນສາມປະເທດ ລາວ ໄທ ພະມ້າ ເພິ້ມ ຂື້ນເປັນ 870 ຕັນໃນປີນີ້ ຊຶ່ງຖືວ່າເປັນການເພິ້ມຂື້ນຫລາຍທີ່ສຸດນັບແຕ່ປີ 2006 ເປັນຕົ້ນມາ. ພະມ້າເປັນປະເທດທີ່ເພິ້ມຂຶ້ນຫລາຍທີ່ສຸດ ຊຶ່ງ ມີພື້ນທີ່ປູກຝິ່ນ ເພິ້ມຂື້ນເປັນເກືອບ 58,000 ເຮັກຕາຣ໌ ສ່ວນສປປລາວມີພື້ນທີ່ ປູກຝິ່ນທັງໝົດປະມານ 4,000 ເຮັກຕາຣ໌.

ຫ້ອງການອາຊຍາກັມແລະຢາເສບຕິດ ສະຫະປະຊາຊາດຣາຍງານອີກວ່າການເພິ້ມຂຶ້ນຂອງການຜລິດຝິ່ນໃນເຂດສາມຫລ່ຽມຄໍາຈະສົ່ງຜົນກະ ທົບຕໍ່ສຸຂພາບແລະພາໃຫ້ເກີດບັນຫາສັງຄົມຫລາຍຂື້ນໃນພາກພື້ນເອເຊັຍແລະໃນໂລກ. ສາເຫດທີ່ພາໃຫ້ຝິ່ນເພິ້ມຂື້ນແມ່ນຢູ່ຣັດສານໃນພະມ້າ ທີ່ມີຊາຍແດນຕິດກັບລາວ ຍັງເປັນເຂດທີ່ປະຊາຊົນຍັງທຸກຍາກຂາດເຂີນ ແລະກໍເປັນເຂດທີ່ຍັງມີຂໍ້ຂັດແຍ້ງຣະຫວ່າງກໍາລັງຊົນເຜົ່າ ແລະຣັຖ -ບານພະມ້າຢູ່.

ອີກສາເຫດນຶ່ງເຂດສາມຫລ່ຽມຄໍາມີຖນົນຫົນທາງແລະການຄົມມະນາຄົມຂົນສົ່ງສະດວກສະບາຍຫລາຍຂື້ນ. ທ່ານ Jason Eligh ຜູ້ອໍານວຍ ການຫ້ອງການອາຊຍາກັມ ແລະຢາເສບຕິດສະຫະປະຊາຊາດປະຈຳ ພະມ້າກ່າວວ່າຊາວພະມ້າທີ່ປູກຝິ່ນບໍ່ແມ່ນຄົນບໍ່ດີ ເຂົາຈໍາເປັນຕ້ອງປູກ ເພາະພວກເຂົາທຸກຍາກບໍ່ມີອາຫານການກິນແລະຂາດເຂີນເງິນຄໍາ.

ທາງການລາວປະກາດລົບລ້າງ ການປູກຝິ່ນຢ່າງຊິ້ນເຊີງ ນັບແຕ່ເດືອນສອງ ປີ 2006 ເປັນຕົ້ນມາ ແຕ່ນັບແຕ່ປີນັ້ນມາການຜລິດຝິ່ນເພິ້ມຂື້ນ ທຸກໆປີ ໂດຍສະເພາະໃນຣະຍະສອງສາມປີທີ່ຜ່ານມາ ແຮ່ງເພິ້ມຂື້ນຫລາຍ.

ຄໍາເຫັນ (1)
Share

Phou Bia

In 1975, the Pathet Lao strongly defended opium productions in Laos that it was legal, and that its citizens had every right to choose their crops and business. No foreign entities had any right to interfere the internal affairs of Laos. Where are the money from dropping that defense? Why public employees do not get their pays?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 19, 2013 03:38 PM

ເຕັມຫນ້າ