ມາຟັງນໍາກັນ 11/24/19

ໄຊຍາ ແລະ ພູວົງສ໌
2019-11-24
Share
f-talkshow-2 "ມາ​ຟັງ​ນຳ​ກັນ" ແມ່ນ​ຣາຍ​ການສົນ​ທະ​ນາ ບັນ​ຫາສັງ​ຄົມ ທີ່​ຕ້ອງ​ການ ພາກ​ສ່ວນ​ກ່ຽວ​ຂ້ອງ ເອົາ​ໃຈ​ໃສ່​ແກ້​ໄຂ, ອອກ​ອາ​ກາດ ທຸກໆວັນອາທິດ ເວ​ລາ 6:00 ແລງ ແລະ ເຊົ້າ​ວັນ​ຈັນ ເວ​ລາ 7:00 (ພູວົງສ໌ (ຊ້າຍ) ແລະ ໄຊຍາ).
RFA

ກອງ​ປະ​ຊຸມ​ສ​ພາ​ແຫ່ງ​ຊາ​ຕ​ລາວ ສ​ມັຍ​ສາ​ມັນ​ເທື່ອ​ທີ 8 ຂອງ​ສ​ພາ​ແຫ່ງ​ຊາຕ​ຊຸດ​ທີ 8 ກໍ​ດຳ​ເນີນ​ມາ​ໄດ້​ກາງ​ທາງ​ແລ້ວ​. ໃນ​ສັ​ປ​ດານີ້, ສ​ພາ​ແຫ່ງ​ຊາ​ຕ​ໄດ້​ຮັບ​ຟັງ​ການ​ຣາຍ​ງານ ຜົ​ລ​ການກວດ​ກາຂອງ​ອົງ​ການກວດ​ກາ​ຣັ​ຖບານ ແລະ ຜົ​ລ​ການກວດສອບ​ກາ​ນນຳ​ໃຊ້​ງົບ​ປະ​ມານ​ແຫ່ງ​ຊາ​ຕ ຈາກ​ອົງການກວດ​ສອບ​ແຫ່ງ​ຣັ​ຖ. ຕໍ່​ການ​ຣາຍ​ງານ​ດັ່ງ​ກ່າວ ສ​ສ​ຊ ຈາກ​ເຂດ​ເລືອກ​ຕັ້ງ​ຕ່າງໆ ​ກໍ​ໄດ້ສະ​ທ້ອນ​ບາງ​ບັນ​ຫາ​ໃຫ້​ປະ​ທານກອງ​ປະ​ຊຸມ​ໄດ້​ຮັບ​ຮູ້ ເພື່ອ​ຝາກ​ໄປ​ເຖິງ​ຣັ​ຖ​ບານ​ ໃນ​ກາ​ນ​ຊອກວິ​ທີ​ແກ້​ໄຂ, ເປັນ​ຕົ້​ນກໍ​ແມ່ນ ​ບັນ​ຫາ​ການ​ສໍ້​ຣາ​ສ​ບັງຫຼວງ ທີ່​ນັບ​ມື້​ນັບ​ຮຸນ​ແຮງ ແລະ ສ​ສ​ຊ ກໍ​ໄດ້​ຮັບ​ຟັງວ່າ ມີ​ການ​ສໍ້​ຣາ​ສ​ບັງຫຼວງ​ໃນ​ກົງ​ຈັກ​ຣັ​ຖ​ບານ ແລະ ສາ​ມາດກວດ​ເຫັນ​ໄດ້​ທຸກ​ສ​ມັຍ​ຂອງກອງ​ປະ​ຊຸມ​ສພາ, ແຕ່​ບັນ​ດັ່ງ​ກ່າວ ພັດ​ບໍ່​ສາ​ມາດ​ຖືກ​ແກ້​ໄຂ​ໃຫ້​ຕົກ​ໄປ​ໄດ້.

ທ່ານ ສາຍ​ທອງ​ ແກ້ວດວງ​ດີ, ສ​ສ​ຊ ຈາກ​ເຂດ​ເລືອກ​ຕັ້ງ​ທີ່ 1, ນະ​ຄອນຫຼວງວຽງ​ຈັນ.

“​​ໂກງກິນບ່ອນໃດ? ໜ່ວຍງານຂອງຣັຈຳນວນນຶ່ງ ເອົາເງິນໄປຝາກທນາຄານຣັຂອງຕົນເອງ ແລະ ໃນນັ້ນ ເອົາໄປປັນກັນເຂົ້າຖົງໂຕເອງ, ເຫຼືອໜ້ອຍນຶ່ງ ສົ່ງເຂົ້າຣັ. ຄັນເປັນແນວນີ້, ເສກິຂອງປະເທດຍາຍໂຕຂຶ້ນ ປະຊາຊົນຜູ້ປະກອບການ ເສັຽອາກອນພາສີໃຫ້ຣັຢ່າງເອົາໃຈໃສ່, ຣາຍຮັບເຂົ້າງົບປະມານສູນກາງຣັບານໜ້ອຍນຶ່ງ. ກະສະແດງວ່າຣັບານເຮົານີ້ເຣີ່ມທຸກລົງ, ພະນັກງານຣັຢູ່ໃນກົງຈັກຣັເຄິ່ງກາງ ຮັ່ງຂຶ້ນ. ອັນນີ້ມັນຜິດຫຼັກການ ກົດໝາຍຊິຂຽນແນວໃດຂຽນ ມັນຂາດຈັນຍາບັນ-ຈັນຍາທັມ ແລະ ຄວາມຮັບຜິດຊອບຂອງໜ່ວຍງານຂອງຣັເອງ. ເຈົ້າເປັນຍັງເອົາເງິນ​​ຂອງຣັ ທີ່ປະຊາກອນ ທີ່ເຂົາເຈົ້າເສັຽອາກອນໃຫ້ເຈົ້າແລ້ວ, ແລ້ວເຈົ້າເອົາໄປຝາກນາຄານຣັຂອງເຈົ້າ? ກວດພໍ້ແລ້ວຕ້ອງເຮັດແນວໃດ? ມັນຜິດກົດໝາຍໄດ໋ນີ້ນ່າ, ໃນຂໍ້ທີສອງ ທີ່ພວກເຮົາເຫັນນີ້. ອັນນີ້ແຫຼະ ທີ່ປະເທດຊາຊິຫຼົ້ມຈົມ ຍ້ອນວ່າພະນັກງານຢູ່ໃນກົງຈັກຂັ້ນກາງນີ້ ຮວມຫົວກັນເຮັດບັນຫາດັ່ງກ່າວນີ້ ເຮັດໃຫ້ເງິນບໍ່ເຂົ້າສູ່ຣັ.”

ຍາ​ນາງ ແສງ​ຄຳ ຊົ່ງ​ຊະ​ນະ, ສ​ສ​ຊ ຈາກ​ເຂດ​ເລືອກ​ຕັ້ງ​ທີ່ 9, ແຂວງ​ຊຽງ​ຂວາງ.

“​​ເຮົາໃຫ້ລົງທຶນກ່ອນນີ້ນ່າ ມັຍປີ 2010-2018 ນີ້ ໝາຍຄວາມວ່າ ໃຫ້ທຸຣະກິລົງທຶນກ່ອນ ບາດນີ້ລົງທຶນໄປຫຼາຍແລ້ວ ເຮົາລະບໍ່ຊຳຣະ, ຊຳຣະແຕ່ປີລະ 100 ລ້ານບໍ, 200 ລ້ານ, 300 ລ້ານ ແບບນີ້ນ່າ. ເຮັດໃຫ້ທຸຣະກິກໍເຈັ້ງ ລະກໍຕາຍໄປເອງຫັ້ນແຫຼະເນາະສ່ວນຫຼາຍ ລະເຂົາກະຫາວິທີກັບມາຢືມເງິນ. ຢືມເງິນ, ໂດຍສະເພາະກະມີເງິນໃຕ້ໂຕະນີ້ແຫຼະເນາ ລະກະພ້ອມກັນກິນໄປ, ຊັ້ນນ່າ. ແລ້ວບາດນີ້ ພວກເຮົາເຄີຍເວົ້າວ່າ ວິຊາການພວກເຮົານີ້ ຢູ່ໃສ ເຮັດອັນໃດ ລະກິນນຳອັນນັ້ນ. ກິນນັ້ນກໍຄື ກິນໄມ້, ກິນເງິນວິຊາການ, ກິນຣົດ, ກິນເຮືອນ, ກິນດິນ ຊັ້ນແຫຼະເນາະ ບັນດາທ່ານ.”

ທ່ານ​ ສົມ​ໃຈ ເພັດ​ສີ​ນວນ, ສ​ສ​ຊ ຈາກ​ເຂດ​ເລືອກ​ຕັ້ງ​ທີ່ 12, ແຂວງ​ຄຳ​ມ່ວນ.

“​​ບັນດາການອອກນິຕິກັມແບບຊະຊາຍຂອງທ້ອງຖິ່ນ, ໂດຍສະເພາະກະແມ່ນຢູ່ຮາກຖານ ຫຼືວ່າບັນດາແນງການຢູ່ຂັ້ນເມືອງ ກະແມ່ນຮາກຖານຢູ່ຂັ້ນບ້ານກະມີ. ລະກ່ຽວກັບນິຕິກັມດັ່ງກ່າວນັ້ນ, ເຂົາເຈົ້າເອີ້ນວ່າ ຄ່າທຳນຽມ, ເຊິ່ງວ່າ ກະຊວງກາເງິນບໍ່ໄດ້ອະນຸຍາດ, ແຕ່ວ່າເຂົາເຈົ້າໄປອອກ. ແຕ່ລະບ້ານ ກະບໍ່ຄືກັນ ແຕ່ລະເມືອງ ກະບໍ່ຄືກັນ ອອກໃຜອອກລາວ. ອອກແລ້ວກະພາກັນເກັບ ເກັບໄດ້ມາກະປັນກັນ. ມັນກະເປັນຊ່ອງຫວ່າງອັນນຶ່ງ ເຮັດໃຫ້ ອັນນຶ່ງມັນກະແມ່ນຣາຍຮັບ ມັນບໍ່ໄດ້ ມັນຮົ່ວໄຫຼເນາະ.”

ຊາວ​ລາວ​ທ່ານ​ນຶ່ງ ກໍ​ໄດ້​ໃຫ້​ທັ​ສ​ນະ​ແກ່​ຜູ້​ສື່​ຂ່າວ​ວິ​ທ​ຍຸ​ເອ​ເຊັຽ​ເສ​ຣີ ກໍ​ຄື​ທ່ານ​ ໄຊ​ຍາ ເມື່ອບໍ່​ດົນ​ມານີ້​ວ່າ ການ​ສໍ້​ຣາ​ສ​ບັງຫຼວງ​ໃນ​ລາວ ຍັງ​ບໍ່​ມີ​ລັກ​ສະ​ນະ​ຈິງ​ຈັງ​ເທົ່າ​ທີ່​ຄວນ ແລະ ບັນ​ຫານີ້ ກໍ​ເກີດ​ຈາກເຈົ້າ​ໜ້າ​ທີ່​ຣະ​ດັບ​ສູງ​ຂອງ​ພັກ-ຣັ​ຖ ເປັນ​ຜູ້​ພາ​ເຮັດ ແລະ ເມື່ອກວດ​ເຫັນ​ແລ້ວ ຈຶ່ງບໍ່​ສາ​ມາດ​ແກ້​ໄຂ​ໄດ້​ຈັກ​ເທື່ອ.

ກະຄືຜ່ານມາ ເທົ່າທີ່ເຫັນຄວາມເປັນຈິງເນາະ, ເຣື້ອງການປາບປາມການສໍ້ຣາບັງຫຼວງນີ້ ບໍ່ໄດ້ເອົາຈິງເອົາຈັງ ເພາະວ່າ ເຂົາຢ້ານແບບວ່າ ຄັນຊິເຮັດຫຼາຍ ພັດຢ້ານໂຕເອງສູນເສັຽອຳນາດເນາະ ຄັນຊິເຮັດແທ້ ເພາະວ່ພະນັກງານເຂົາເຈົ້າບໍ່ໄດ້ກິນ ການນຳພັກ-ຣັພັດກິນຫັ້ນນ່າ. ແບບນັ້ນ ມັນຈະສົ່ງຜົສະທ້ອນໃຫ້ແກ່ ພະນັກງານຣະດັບຂັ້ນຕ່າງໆເນາະ ທີ່ບໍ່ແມ່ນການນຳຣະດັບສູງຂອງພັກ-ຣັ ຫັ້ນນ່າ, ແບບນັ້ນ. ​ສະນັ້ນ, ໂຕເອງທີ່ເປັນຜູ້ນຳຣະດັບສູງ ພາເຂົາເປັນເນາະ ມັນບໍ່ແມ່ນວ່າທາງຂັ້ນລຸ່ມເປັນໄດ໋ເນາະ. ຄັນວ່າຣະດັບສູງ​​ເປັນ ຂັ້ນລຸ່ມເຂົາກະເປັນນຳໄດ໋ເນາະ ເພາະວ່າໂຕເອງພາເຂົາເປັນ ແບບນັ້ນ. ມັນກະເລີຍວ່າ ການໃຊ້ອຳນາດນ່າ ມັນກະເລີຍຍາກ ເພາະໂຕເອງເປັນຄົນພາເຮັດ ພາເຂົາເຈົ້າເຮັດເນາະ. ເຂົາເອີ້ນນົກເຄົ້າທ້ວງຕາແມ່ເນາະ.​”

ດັ່ງ​ນັ້ນ, ສ​ສ​ຊ ຫຼາຍ​ທ່ານ ຈຶ່ງ​ສ​ເນີ​ວ່າ ແຕ່ນີ້​ໄປ ຂໍ​ໃຫ້​ຣັ​ຖ​ບານ​ບັງ​ຄັບ​ໃຊ້​ກົດ​ໝາຍ​ຢ່າງ​ເດັດ​ຂາດ ຕໍ່​ພະ​ນັກ​ງານ​ຣັ​ຖ​ເອງ ແລະ ເຈົ້າ​ໜ້າ​ທີ່​ຣະ​ດັບ​ສູງ​ຂັ້ນ​ຜູ້​ນຳ​ພັກ-ຣັ​ຖ ຜູ້​ທີ່​ກວດພົບ​ເຫັນ​ວ່າ​ ເຂົ້າ​ໄປ​ມີ​ສ່ວນ​ພົວ​ພັນ​ກັບ​ການ​ສໍ້​ຣາ​ສ​ບັງຫຼວງ ເພາະ​ທີ່​ຜ່ານ​ມາ ແມ່ນ​ມີ​ແຕ່​ຜ່ອ​ນ​ສັ້ນ​ຜ່ອນ​ຍາວ​ໃຫ້​ກັນ ຈົນ​ຜູ້​ທີ່​ກະ​ທຳ​ຜິດ ບໍ່​ເກງ​ກົວ​ຕໍ່​ກົດ​ໝາຍ​ບ້ານ​ເມືອງ  ແລ້ວ​ກໍ​ກະ​ທຳ​ຜິດ ຈົນ​ກາຍ​ເປັນ​ອາ​ຈິນ.

ຍາ​ນາງ ບົວ​ຄຳ ທິບ​ພະ​ວົງ, ສ​ສ​ຊ ຈາກ​ເຂດ​ເລືອກ​ຕັ້ງ​ທີ່ 1, ນະ​ຄອນຫຼວງວຽງ​ຈັນ ຈຶ່ງ​ສ​ເນີ​ໃນ​ກອງ​ປະ​ຊຸມ​ສ​ພາ​ເທື່ອນີ້​ວ່າ ການ​ຈະ​ປາບ​ປາມ​ການ​ສໍ້​ຣາ​ສ​ບັງຫຼວງ​ໃນ​ປະ​ເທດ​ລາວ ຕ້ອງ​ເດັດ​ຂາດ​ໃນ​ການ​ປະ​ຕິ​ບັດ​ກົດ​ໝາຍ ແລະ ເຂັ້ມ​ງວດ​ທີ່​ສຸດ.

“​ຜ່ານມານີ້ ເຮົາບໍ່ທັນໄດ້ເຖິງຖອງປານໃດ. ເວົ້າຂໍໂທບັນດາທ່ານ, ຍັງມີຈຳນວນເນາະ ອັນນີ້ກະຖືວ່າຍັງບໍ່ທັນໄດ້ສົມກັບການກະທຳຜິດໄດ໋ ບໍ່ທັນໄດ້ລົງວິນັຍເຖິງຖອງນ່າ. ເອົາກົດໝາຍມາທຽບ ກະບໍ່ທັນໄດ້ ເຮັດໄດ້ ວ່າຊັ້ນສາໄປ໋. ຊິແມ່ນຍ້ອນແນວນັ້ນບໍ ເຂົາຈຶ່ງບໍ່ເຂັດຫຼາບ ເຂົາຈັ່ງບໍ່ຢ້ານເນາະ, ອັນຜູ້ກະທຳຜິດຫັ້ນນ່າ. ຄັນວ່າຜູ້ນຶ່ງກະທຳຜິດ ຈຳນວນກະທຳຜິດ ມັນກະສະທ້ອນເຖິງໝົດປະເທດຊາເຮົານີ້. ຮອດຈຸດນີ້, ຂ້າພະເຈົ້າກະມີແຕ່ຢາກຮຽກຮ້ອງວ່າ ເດັດຂາດ ເຄົາຣົບປະຕິບັດກົດໝາຍນີ້ ໃຫ້ມັນເຂັ້ມງວດ ທໍ່ນັ້ນແຫຼະ.”

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ