ພນັກງານຣັຖບານລາວຫຼາຍ ເກີນຄວນ


2013-12-23
Share
F-l pdr ສະພາແຫ່ງຊາດ ສປປ ລາວ
LPDR

 

ຣັຖບານລາວມີພນັກງານຫລາຍເກີນໄປ ຫລາຍເກີນຄວາມຕ້ອງການ ແລະຫຼາຍຈົນຣັຖບານບໍ່ສາມາດຈ່າຍເງິນເດືອນໃຫ້ກັນໄດ້. ນັ້ນກໍຄືຄຳ ເວົ້າຂອງທ່ານ ວິໄຊ ພັນດານຸວົງ ຫົວໜ້າ ກົມຈັດຕັ້ງກະຊວງພາຍໃນຂອງລາວ. ທ່ານ ວິໄຊ ກ່າວໃນກອງປະຊຸມປະຈຳປີຂອງ ກະຊວງ ຕື່ມວ່າຣັຖບານລາວມີພນັກງານທັງໝົດເຖິງ 156,000 ຄົນແລະໃຊ້ງົບປະມານເຖິງ 40 ສວນຮ້ອຍ ຂອງຜົນຜລິດລວມພາຍ ໃນປະເທດ ຫລື GDP ເພື່ອຈ່າຍເງິນເດືອນໃຫ້ແກ່ພນັກງານ ຊຶ່ງຖືວ່າເປັນການໃຊ້ຈ່າຍ ທີ່ຫລາຍທີ່ສຸດ.

ຣັຖບານໃນທົ່ວໂລກສ່ວນຫລາຍໃຊ້ຈ່າຍພຽງແຕ່ 30 ສ່ວນຮ້ອຍ ຂອງຜົນຜລິດລວມໃນປະເທດສໍາບັບເງິນເດືອນຂອງພນັກງານ. ດ່ັງນັ້ນ ຣັຖບານລາວຈຶ່ງຂາດເຂີນງົບປະມານຢ່າງໜັກ ບໍ່ມີເງິນເດືອນໃຫ້ພນັກງານ ຢ່າງທົ່ວເຖິງກັນ ແລະທັນເວລາໄດ້.

ສປປລາວເປັນປະເທດນຶ່ງທີ່ມີຣັຖບານໃຫຍ່ທີ່ສຸດໃນໂລກ ຄືມີປະຊາກອນເຮັດວຽກໃຫ້ ພັກ-ຣັຖ ເຖິງ 2.36 ສ່ວນຮ້ອຍ ສະເລັ່ຍແລ້ວ ໃນ ປະເທດອື່ນໆມີພຽງ 2 ສ່ວນຮ້ອຍ ເທົ່ານັ້ນ. ທ່ານ ວີໄຊ ອະທິບາຍວ່າພນັກງານຫລາຍຄົນ ຫລື ມີຫລາຍຕຳແໜ່ງທີ່ບໍ່ຈຳເປັນ, ຕົວຢ່າງ ໃນບາງກົມມີຮອງຫົວໜ້າເຖິງ 5-6 ຄົນ.

ທ່ານ ຄຳພັນ ພິລາວົງ ຣັຖມົນຕຣີກະຊວງພາຍໃນກ່າວວ່າເຈົ້າໜ້າທີ່ພນັກງານຂອງຣັດຫລາຍຄົນຂາດປະສິດທິພາບໃນການທໍາງານບໍ່ຮູ້ ເຮັດວຽກມີແຕ່ຈ້າງຄົນຕື່ມ. ມີຫົວໜ້າຫຼາຍຄົນ ຕ້ອງຈ້າງພນັກງານພິເສດເພາະຕົນເອງບໍ່ຮູ້ເຣື້ອງຄອມພິວເຕີ. ດັ່ງນັ້ນຣັຖບານລາວ ຈຶ່ງຂາດ ເຂີນງົບປະມານ ຢ່າງໜັກ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ